[align=center]ابو سعود أخ عزيز وشاعر متمكّن وله تجربه سابقه لتجربتي وله قصائد جميله وكنت أتمنّى لو شاركنا في الساحات ارسل لي أبيات على الجوال ومنها:[/align]
[align=center]ساقتني الدنيا على غير ما ريد ***حظي تردا وميلة الوقت قشرا[/align]
[align=center]
الى إن قال:
ابانشدك ياقرم الاولاد واعيد***هي صفّقت يمناك من غير يسرا
وبانشدك قناص بالليل مايصيد**وهي تطلب العميان للخط يقرا
واللي كبر ومولعاًبطردة الغيد**موتي صغير السن سبع وعشرا[/align]
[align=center]وقد ردّيت عليه بهذه القصيده وأحببت اطّلاعكم عليها لأنها تحتوي على معاني تهم العقلاء والذين يتذمّرون من انقلاب الموازين والذي نعاني منه كثيراً في زمننا الحاظر واملي ان تحظى بإعجابكم .
......................................[/align]
[align=center]
بديت وانا مرقبٍ عالي الحيد
قبل الغياب بهفّة الشمس عصرا
المرقب اللي نايف يبرح البيد
ميهافةٍرقيه على الرجل عسرا
اخذت به ساعه وانااعيد وازيد
والقلب صارلرغبة الرجل سبرا
يابو سعودالوقت كلّه لواديد
والعاقل المبصر من الضيم يزرا
شابت من غبونه خيار الاجاويد
وفجايع الايام ياخوي قشرا
ياما شكابه من صعول الاواليد
صارت عليهم بيض الايام سمرا
اللي لهم بالطيب صدرٍوتوريد
دهتهم الايام سرٍ وجهرا
شاخو به الكذبان واهل الهرابيد
يضحك وودّه يجدعك وسط جمرا
يكْرخ وصار بمنزل الشيخ والسيد
مايعطي المحتاج لو قمع تمرا
زماننا صارت حدوره مسانيد
وكل المعاني من ضما الوقت ثبرا
من مات غرسه ما يدور الجواديد
واللي ربض حظّه غريق ٍبخبرا
عفنا وشفنا من همومه تراديد
ونرجي ولي العرش همّه وصبرا
والستحيل اللي ذكرته بتنشيد
يمنى بلا يسرا رمعته بذكرا
رجلٍ بلا رجلٍ هزيل المجاويد
صديقك اللي للمهمات ذخرا
البير ما يدليه هزل المعاويد
يا كود من يرسي بعزمٍ وصبرا
للي قنص بالليل"حكي السراميد"
مايقدّي الممشا لوالليل قمرا
اما العمى هذاك عنده حواسيد
يسمع لقول الناس لوكان وزرا
لاتسمع العاذل بوصل اتلع الجيد
اضرب على دربك وقلبك يخبرا
وقل للمعنّى اللي خذن قلبه الغيد
مقدي ولابه عيب والغي سحرا
لولا هواهن ماتغنّى القواصيد
ولالعلع القمري بفنٍ وسمْرا
وآخر كلامي لك تحيه بترديد
اعداد مدّ الارض شبرٍ وفترا
..
..
..
وتفضّلوا بقبول تحياتي
فهد عايد الزعيزع
(العقداوي)[/align]
رد مع اقتباس
المفضلات