إهداء لريومة ,, بس ماتستاهله !!

[الجازي]

بنت النور ,,

تسلمين يالغالية ,, وعسى الله يديم المحبة بين الجميع ,,

شكرا لمرورك العطر

[الجازي]

وانا كنت حريصه اكثر منتس
علشان اقنعتس تغيرين اسمتس

تصدقين عاد إني اذكر انتس طلبتي مني هالطلب والله انتس ماعندتس في أحد بس أنا أردى منتس طنشت الطلب

الحين انتي وخشتس قاعده تمدحين نفستس على حسابي

يابنت الحلال أنا وأنتي واحد

اهب على بليس ...وش هالذاكره الباتكس
انصبي على كيفتس والله اللي ماذكرت شي

أزين مافيتس ان ذاكرتس عدم يعني النصب على أصوله

مادري ليش كنت اول كل ماشفت اسمتس طلع لي شنب

من جد كنت اشك 90 بالميه انك راقل لابسن تنوره وبلوزه

وش دعوى هذا وأنا غاثتن عمري أول ماسجلت مغير أكرف في مطبخكم بس السنع ماينفع معتس

والله اني حسيت فيتس وانبني ضميري بس ولو الحذر واجب
خصوصا انه كانت بدايتي بالمضايف ولابعد عرفت الربع هنا زين

خلي تأنيب الضمير ينفعتس جاتس الصاع صاعين

كنتي تحت الدراسه سنه كامله ياماما
اتابعتس ...وادرس شخصيتس ...لحد مافي يوم
قريت موضوع لك تطلبين نتقابل حنا يابنات المضايف
ساعتها عرفت مايطلب هالطلب شنب والا بيكشف نفسه
وعلى طول يوم تطمن قلبي قلت لتس اطلعي مسنجر
وكنت متحمسه اتعرف عليتس مير ردة فعلتس هدت حيلي
وروحت حماسي يمال الصلاح

ياحبي لي وردة فعلي

أصلا هذي هي ردة الفعل الطبيعية ,, أجل بين عشية وضحاها تنقلبين مية وثمانين درجة وتجيبين اللي وراتس واللي قدامتس

هذا والله اللي خلاني أرتاع منتس

والله اللي ارتفع ضغطي من حركة هالذكاء اللي حلت عليتس
بغيت ادخل من المسنجر واتوطى ببطنتس
الحين انا على بالي فرحانه وبفرحك معي
واخرتها مسويه لي فيها المحقق كونان

ليتس دخلتي وتوطيتيني واختصرتي المسافة عشان مانقعد نحوس وين نتواعد فيه

ترى لحظتها بغيت اصكتس بلوك على الجبهه مباشرة

لا عاد ما أهون عليتس

أقول احمدي ربتس اللي ماصكيتس أنا ,, لأنتس بصراحة ذاك اليوم شبهه بزيادة منتب ريم اللي أعرف

ولهت عليتس الله ياخذ عدوتس
ادمان الله لايبلانا بشر

الله من زين التعبير بعد

اذا المسجات بس تخلي الجيران يسمعون ضحكتي
اجل وش عاد سواليف التلفون
انا مره كنت اسولف معتس واتمشى بالبيت
يوم انتبهت لنفسي واثاريني رقيت للدور الثاني
ونزلت ثلاث مرات من غير مااحس
ومانبهني الا ناسٍ عندي والا بغيت ارقى للسطح

أنا أشك انتس طلعتي للشارع

ياختي أذكر مرة وأنا أكلمتس كني سمعت صوت سيارات

تعلقت باحلى واغلى خوات ... انتي يالريم يابعد كل الحريم

ريومة ,,

القلوب شواهد ,, والله إني أغليك كثر غلاك لي ويمكن أزود (( يمكن مو أكيد )) >>>> عاد الله يستر لايصير كل حتسيتس اللي فوق مجاملة ولا تصيرين تغليني ولا شيء

ريومة ,, خلي اللي في الألب في الألب ,, وارجعي بسرعة للمضايف ترانا فاقدينتس يالشينة

سلامي لتس ولسوسو وليور أمتس >>> انقليزيتي توب

[الجازي]

راعي الوقيد

تسلم على المرور وجمال الحضور ,,

يعطيك العافية

[الجازي]

مجودة ,,

الإهداءات لازم يكون فيها تنويع ,, يعني مرة يكون حلو ومرة يبرد القلب ومافيه مانع يكون مرة يلوع الكبد

مجودة ,, يسلمو على المرور يالغالية,,

[الجازي]

نبض روح ,,

وأنا لي الشرف إنك تمرين على إهدائي وتهديني هالكلمتين الحلوين ,,

يسلمو يانبض روح على على دماثة خلقك وروعة حضورك

[الجازي]

قلت : لا ياحبيبتي الحين بصراحة أنا خفت منتس أكثر ,, قالت : ياربيييييييه الحين عقب كل هالمعلومات ولا وثقتي فيني !!؟

هههههههههههههههههههههههه
هههههههههههههههههه

ياعمري يالريم ذكرتينى بتعارفي مع ريم بس ماكان بينا مسنجر وسوالف مثلك فقط تبادلنا الارقام بس بعد تفكير عميق ورفض بطريقة غير مباشره بالبدايه من قبلي ، وبعدها قبلت أعطيها الرقم خفت يشكون انى رجال يوم رفضت ولو كنت عارفه انها بها الحلاوه كان أول من طلب رقمها أنا

الله يحفظها ..

تحياتي
شموخ

شوشو

وش دعوى مشروع عرس على هالتفكير العميق والرفض بطريقة غير مباشرة

حسبي الله على ابليسك ياشيخة ,, بس ولو أتحداك اذا كنتي غاثتها أكثر مني ترى أنا غثتي غثيثة >>> بالله !!

يالله ياشوشو عؤبال مانتعرف على بعض كلنا ان شاء الله >>> مع إني أتوقع إن اللقاء بيتم بين حفيداتنا

يسلمو شوشو ,,

-------------------------------


تم بحمد الله الانتهاء من الرد على جميع الردود

ياشين الواحد اذا توهق بموضوع وهو زول