صبــــــــــــــاح الخـــــــير يايمــــــه
[poem=font="Simplified Arabic,4,darkred,bold,normal" bkcolor="transparent" bkimage="backgrounds/12.gif" border="double,3,darkred" type=0 line=0 align=center use=ex num="0,black"]
صباح الخير يا يمه .. صباح الحب يا عمـري
رضاك اجمل صباحاتي وزعلـك والله يشقينـي
غلاتك تاج ٍ براسي .. وسام ٍ في وسط صدري
يفرحنـي فـرح قلبـك وهمـك دوم يأذيـنـي
عيونك شمسي يا يمه وجبينك بدري يا بـدري
يا يمه يا ضيا هالبيت يا نور الدنيا في عينـي
تحملتي شقانا وصار يجاريـك الشقـا.. أدري
تدارين الحزن لأجلي عـن الضيقـة تدارينـي
تعزيني علـى نفسك..تزيـدي بالغـلا قـدري
عسى الله يطول بعمـرك ويقدرنـي ويخلينـي
أشيلك فوق اكبر راس .. أبيع الغالي لك وأشري
رضا المولى وبعده رضاك أمل دنياي بسنينـي
لبست الأبيض بمهدي ولبست الأبيض بصغري
سمعت وعـود دعواتـك إن الله بلغـك فينـي
وجيت اليوم يا يمه بثوبي الأبيـض وعطـري
وأبي ذاك الوعد يمه مثل مـا انتـي وعدتينـي
صباحك سعد يا يمه .. يا حب بمهجتي يسـري
في ضحكاتك وبسماتك تكـون الدنيـا بيدينـي
تخليني بكلمة حب يا احلى مـا كتـب فكـري
وانا اتغنى في اوصافك .. أحس الفرحه تمليني
سهرت الليل لعيونـك أخـط بدفتـري شعـري
وأنا ادري يا بعد راسـي دفاتـر مـا تكفينـي [/poem]
رد مع اقتباس
المفضلات