صــــــــــ الــنــوم ـــــــح
[poem=font="Arial,4,deeppink,bold,normal" bkcolor="blue" bkimage="backgrounds/9.gif" border="double,7,limegreen" type=1 line=0 align=center use=ex num="0,black"]
يقول من عدى بروس الطوالا = في شرقي الامنح طويلٍ تعلا
نزال عطن البوك ودن الدلالا = ياشوق من قرنه علىالمتن فلا
اللي جبينه مثل وصف الريالا = بنت الزحوله ملحقين المخلا
من روس جمعن يشربون الزلالا = رجالهم عن واجبه ماتخلا
لصديقهم دماحتٍ للخمالا = فضلان حمول الخيل زبن المجلا
حزامي ليامن العدو استزالا = قصيرهم ارجال الدويلة تعلا
لجارهم ياما رفو من خمالا = مدللن لو كل يوم يزلا
حمولاٍ يحملونه تظيم الجمالا = بعال المباني مارضو بالمذلا
وعلومهم تحكا جنوب وشمالا = تاريخهم مدونٍ بالسجلا
وجيراني اللي من كرام السبالا = امدلهيني عن خليلٍ وخلا
داله ومستانس بوسط الحلالا = معظم نهاري لرعايا تملا
واقع صحيح ولاتخيل خيالا = بالحر وعدي ساكنٍ وسط فلا
نتلي هوا ذيدان صفرٍ جلالا = ولاسعلنا عن نجومٍ تدلا
بالقيظ ماشقنا لنوم الظلالا = ولاهمنا غروٍ علينا تغلا
وشعاد لو تزهي بحسن وجمالا = يعوضعنه ذودٍ على العقم فلا
واليا مشى كردوس ماهي تتالا = ولاقيل طياحه بعيدٍ اولا
نشرب قراحٍ ماشربنا الثمالا = وان غبرة لابد ماهي تجلا
في صاية المعبود رب الجلالا = محيي الهشيم الميت بديم وطلا
اطلبه يعيد الوقت املح بسوالا = ويقعد غرافٍ للدلي وتملا
لي طلبتٍ ماهي مناوي اخبالا = تسعين عام السيف مغمد ابغلا
وين انت صح النوم جم الهبالا = كان الكنب مغويك والفرش زلا
وصلاة ربي عد نجمٍ تلالا = على نبيٍ دايم ٍ مسفهلا
[/poem]
رد مع اقتباس
مشرف مضيف الترحيب والتعارف
المفضلات