نومك طرب

**ساقية** · 28-05-2005 12:37

[glow=666600][][من شعر تركي بن حميد رحمه الله وهو غني عن التعريف

نومك طرب وانا بنومي هواجيس == ماساهرك بالليل كثر الهمومي
اسهر الى نامت عيون الهداريس == وبلليل اراعي ساهرات النجومي
قالو اجهلت وقلت جهل بلا قيس == الجاهل اللي مايعرف اليمومي
اشوف عدلات الليالي مقابيس == ولااحد من الدنيا عظامه سلومي
تضحك وتخفي لك خفي الهناديس == تفطر لها يوم ويوم تصومي
اعمل وتلقا وافهم العلم بالقيس == دنياك لو زانت تراها نقومي
والعز فوق معسكرات السواديس == الى قصدت اللى بالاشيا رحومي
قبً تنازى بالنشاما كراديس == والطير في روجاتهنه يحومي
الي توافق مشور السو وابليس == تبر منه عز ربي يدومي
بلليل اصالي حاميات المحاميس == والصبح ألاوي كل قبا قحومي
اربع سنين ودمع عيني اماريس == العين تسهر كن فيها هزومي
والى ركبت معالجات المضاريس == يبرد على قلبي لهيب السمومي
صوابنا بلميل غمق الي قيس == وطريحنا في مثبره مايقومي
من لايدوس الراي من قبل ماديس == عليه داسوه العيال القرومي
ومن لا يقلط شذره السيف والقيس == يبدي عليه من الليالي ثلومي
والقصر مايصلح على غير تاسيس == ومن لا تعلم ماتسر العلومي
ومن لاخذالدنيا بميز وتقييس == مثل الذي يصبح بليل يعومي
والحر لادبت عليه النواميس == يشهر وعن دار المذله يشومي
والى اكترب من بعض الاشيا نسانيس == اعزم ولابد الفرج بالعزومي
اوجس بقلبي مثل دق النحاسيس == الله يلوم اللى لحالي يلومي
يجلي صدا قلبي ضبييح المهاريس == لاقام شراب القهاوي يعومي
ودلال فوق النار دايم مجاليس == اكرامهن حق علينا لزومي
وصلاه ربي عد رمل الطعاميس == على شفيع الخلق يوم اللمومي

لم اوردها كامله فهي طويله جدا
وعسى ان تنال رضاكم [/[/glow]

**خالد الشمري** · 28-05-2005 16:08

بارك الله فيت

**راعي الوقيد** · 29-05-2005 16:14

[align=center]والله والنعـم بالسمي

تركي بن حميــد علم من اعلام الجـزيــرة العـربيـــــــة " رحمه الله "

تسلمين اخت ساقية على جلبك هذهـ القصيدة الرائعة

لك التحيـــــــــــــــــة

والسلام ...
..[/align]

**ساقية** · 30-05-2005 11:55

[glow=666633]شكرآ لمروركم وتعليقكم

خالد ,راعي الوقيد

صدق سميك؟؟؟؟؟؟لك الشرف ولنا العز[/glow]

**سعود بادي** · 30-05-2005 13:45

[align=center]من لايدوس الراي من قبل ماديس == عليه داسوه العيال القرومي
ومن لا يقلط شذره السيف والقيس == يبدي عليه من الليالي ثلومي
والقصر مايصلح على غير تاسيس == ومن لا تعلم ماتسر العلومي
.
تركي بن حميد
من أروع قصائد الحكمة والفخر
.

ساقيه
تسلمين على هذا النقل الراقي
.
.
.[/align]

**عبدالله الجعيثن** · 30-05-2005 15:06

[align=center]ساقيه

تسلمين على هذا النقل الراقي

وننتظر مشاركاتك[/align]

**ساقية** · 31-05-2005 11:28

[glow=666633]اخوي سعود واخوي الغازي

الله يعافيكم شرفتو صفحتي

بس والله مانقلته كتبته بيدياتي[/glow]

**بركات الشمري** · 31-05-2005 13:30

[align=center].
.

وتسلم يدياتك أختي ساقية ..

من القصائد اللي ترسخ في ذاكرة التاريخ ..

حِكم وفخر ..

سلمتي على هذا النقل الجميل والراقي ياساقية

دمتي بنور

.
.[/align]