تزعلين و تقعدين
عافت الشمس المدينه و اعلنت وقت الزوال ....
رغبةٍ للنوم منها مع عيون الناعسين
ابعدت من يوم شافت بالسـماء ضيّ الهلال ....
كنّها كانت تهزّئ بالهلال و تستهين
كفكفت صبح التلاقي من ورا روس الجبـال ....
واستخارتني وراحت وابعدت عن كل عين
و انتي اخطيتي خطاها و انعزلتي بالوصـال ....
ولارحلتي من سكات ولاوعدتيني تجين
عشت عمري بالمحبـه في سبيل الاحتمـال ....
و انتي تعيشين عمرك تفرحين وتجرحين
من غرورك في جمالك ما عطيتيني مجـال ....
و ادري انك تفهميني لو بغيتي تفهمين
كيف اشوف الشمس تشرق بالسماء و انتي ظلال ....
ومن يعيش بوسط غارٍ للذياب الجايعين
كنت احسب الكره زايل و الجفا لو طال زال ....
ولا بديتي بالغرام ولا بقى فيني حنين
اشهد اني ما خطيت ولا نويت الانعزال ....
وما خدعتك في غرامي لين شفتك تخدعين
اصدقي بالوعد مره لي ولو فيها سؤال ....
من عرفتك ما اذكر انك توعدين و تصدقين
كنت اشوفك من عيونك تامرين اقوى الرجال ....
والله اني قبل اعرفك ما هقيتك تخضعين
كنت اشوفك تبعدين و قلت من باب الدلال ....
و ان بعدتي عن عيوني قلت باكر ترجعين
كنتي اكثر في عيوني من عدد وبل الخيال ....
وين انا ما الد وجهي كنت اشوفك تضحكين
و ان بغيت اصد عنك من يمين ومن شمال ....
ما قوت عيني تلفّت لا شمال ولا يمين
عاشقٍ و العشق بلوى و اشهد ان الحال حال ....
ولا تركتي رحمة الله ولا عرفتي ترحمين
و ادري انك في غرامي للاسف نلتي منال ....
افترقنا في دقايق و السبب لعنة لعين
حبك اشبه في غرامي بالوصال الانفصال ....
و يلعب الخفّاق لعبة كبرياء الخاضعين
بالهوى ماهي غريبه نكبة عيال الحلال ....
ولاني اول من يصون ولا انتي آخر من يهين
الصداقه في عيون الناس منفى للعدال ....
و ان كان ردّت للصراحه كلبونا مذنبين
و المحبه شبه زالت و الصداقه لا تزال ....
بس اببقى في عيونك ( حامد ) اللي تعرفين
علميها يا قصيده و اضربي فيني مثال ....
وعرفيها بالبداوه في طباع الاولين
علميها كيف نصنع صبرنا و الاحتمال ....
وعلميها كيف نفلح بالعمل دنيا و دين
وعلميها في سوالف حلّنا و الارتحال ....
وعلميها كيف نظهر جورنا للجايرين
علميها يا دقايق علميها يا ليال ....
وعلميها يا عصوروعلميها يا سنين
ان عشقنا ما بغينا غير عشقٍ بالحلال ....
وان نوينا ما لفينا كود ناس طيبين
كاملينٍ في عطانا بس لله الكمال ....
والرجل فينا غرامه لو يعين و يستعين
بدوي ما يقوده للردّى شد الحبال ....
يعسف اليد الشحيحه للعطا حتى تلين
همنا فعل الرجوله و رمزنا لبس العقال....
وانتي المكياج كله صار في وجهك سجين
عندك المكياج موضه تحسبين انه جمال....
صار همك في حياتك تكشخين و تطلعين
ولا انا قلبي بقى لي بالمحبه راس مال....
والله اللي مبتليني بالهوى والله يعين
ان بغيت اعشق ابا القى كثر حبّات الرمال ....
لكن انتي لو بغيتي صعب مثلي تعشقين
قلت لك كل الصراحه و اختم اطراف الجدال....
وان زعلتي من كلامي تزعلين و تقعدين
شعر : حامد زيد
رد مع اقتباس
وتسلم على تواااصلك الطيب 
المفضلات