[align=center]
بالخير
شلونهم........
سباق الراليات للجائزة الكبرى والتي تقدر بــ 10 مليون دولار تونجيقي( يعني تطلع بالدولار الامريكاني
حول 7 مليون وعليه خرده)
المكان : نفود تونجيقيا الكبرى
للتوصيف: لاصارت ردمية لينه مغيب شمس وضلع الاشيهب على حجاجك الايسر
هاااااااه ......نفود تونجيقا خرج ذلول عنك (هي الشنطه التي توضع الجمل)
الزمان : صقعة ام عميييد وسمومن يصلخ الوجه
ومعجبره (عجاج) له اسبوع
المتسابقين: عددهم كمشة متسابقين مع هدايفهم (مساعدينهم)
1_ شنقل ومساعده الشبث
وسيارتهم: حصنيه (روسيه) (شاحنه قديمه اكل الدهر وشرب عليه عصير راني خوخ
ومحملينه قشوش (جمع قش اي عفش) به بيت شعر مربوع متوازي الاضلاع وقطبتين
(بيت شعر مقاس small ولكن من الخياش)
ومعلقين الهيلاهوب الاصفر على التمثال (دنبوشي)
وكاتينن على الحصنيه ( ارفع راسك فوق تلقى معناه مهو كل شوين اطرجم لكم)
((((((( تطوفنــــــــــــي...... أمذرح بـــــــــك)))))))
2- ابو غازي ( ياحبيب اكا الوجه) ومساعده ابو خليف (ذيبااان سابقا)
وسيارتهم وايتن من الزراعه به خطن ازرق مادري وش سنعه
وبه طمغتن (علامه) على مقفى الوايت (((( تــــــزال فورااااااااااااااااا)
3- الاصيل ومساعده المطنوووخ
وسيارتهم ددتسن 84 غمارتين مغبره ومطيحين الوجه والكفرااات خط
وحاطين لهم هنقلين (تقل برج ايفل)
ومكتوب على القزازه
(((((((((( حـــــــــبك ..... طعجـــــــني)
4- صلفيق ابو قناه ومساعده الخال ابو عجره
وسيارتهم جيب مقفص من سنة عين جدي
ومعلقين قنيهم (جمع قناه) ابوتتتس يالحركه
طالبين حرش العيال ( العيال والله بكازا)
وكاتبين على قزازة ملويهم
(((( تطوفن اخجمك بهالقناه) ))طبعا من اليسار منتوالى
(((( تطوفن اهشمك بالعجره)))يمين منتوالى الخال ( بالخير ياخال وشلونك)
5- المخاااوي ومساعده المحرررروم ( حلوه وجهك يحسبنهم طالعين كشته)
سيارتهم : فلكسويجن لونه ( أدغم خاثر)
السياره منين ماراعيت كله صور بعااارين
ومعلقين صميل صخن (((لاماني قايلن شين لاحووول)
وملزقين على قرمبعهم من ورى لهم صحيفة فلين ((سارقه المحرروم منمدجرسة اخوه)
((((( والله ما تطوفن الا ياما تشرب من هالصميل)))
وهم يجونك لهم قرشه ياربي يالجتهم ويتكومون على البدايه
اللي دابلن تسبدي ابو ثوب وشوله تزور على الددسن
ياويطي ......
المحروووم يشربك (تربت تيت تربت تيت) ياطيبك ماتلاحن
وهو يقمز الشبث تقل بس ويتغربش بالتنده ويركب فوق الغماره
((( ياللي مركبك فوق الغماره تركبين....... الخ)
قال ::: هنوووووه فنكم ((للتحدي والتعجيز)) تفوزن علينا مار انسحبو ا اشوالكم
( ملعون يعرف يحتسي)
مافطنت الا صرخة الشبث ( ياحبيبي ياعشيري) تري ابو غازي (( يمارس هوايته))جحمه بمخطره بين هالمتون يالشبث متكومن بالصدر اجل البطن
وهو يجي واحدن يالله يمشي عليه له حال(( سمين جداا))
قال تولوموا الحين تهمزون همزة عين الجدي وابعد لكم
52 برى (152)
51برى(151)
50برى(150)
.
.
.
.
ناموووووا يالربع
.
.
..
4 اهب قمزهن (( اكيد معه مشروع )
خلاص ياشباب قامت عليكم تبونا نكره
3
2
1
طقه ( انطلقواا)
وهي تثور سليماااااا وهم يثكبون
يالاصيل يالله تقطع عليه ماتشوف الا الطربال البولصي
وصلفيق(( تطري علي الحمله اللي تدور الرعيان عند البدو) ملحمن للاصيل الصدام على الصدام
وابو غازي هذا ووايت الزراعه والماء يصب من الوايت مادري ((( وقف ياولد))
مهو يمنا يهيجن(( قولي احبك كي تزيد وسااامتي)))
وذيباااااااان مساعده معه تقل طوير
وكل شوين متنهزر الليد(ذيبان) مافيه حقوق انسان
قال ابوغااااااازي : ايييه يابا الحصاني الدنيا حدتن عليك
ورد عليه ذيبااااان :: ابو غازي اطلع من حياتي (وين يرروح)
شنقل والشبث (( وجيه هالعطايا))
علىوقفتهم عيت تشتغل الحصنيه (( تقول ماااني ))
والشبث يتململ ويتقلب (( اتقلب على جمر الغضا .. اتقلب))
..
ودي اكمله
واتذكر عهدن مضى زماااان
قال الشبث والدمعة على وجنته(( عاد صايرتن وجتن بعضهم))
والحزن اخذ مااخذه
لقد تحديته ياشنقل ماذا افعل الان (دق على 911)
وين اودي وجهي امامي حلف الناتو
يافضيحتي عند اصدقائي بالكرملين ((كلاشينكوف عقب كلاشينكوف سفط))
قلت لاتقلقل :: دع القياده لنا واستمكتع انت بالرحله
شبيثاااااان
قم قامت عليك
وانت تولول عندي قم طس هااات لنا اشترااك خلن نشرك هالدرعا
البطاريه من عصر الشنيفي ماغيرته
وهو الجيب الشبث اكااا اللي منا كبره تريله ولهو تريله وايت ولهو وايت سيارة شركة الكهرب ((فيه احد من سكيكو هناا)
لعنبووو حييك هذا ضغط عالي ياملا الضغط اللي يضغط عدوووك
الله لايوفقك
وحنا نشغل الماخوذه...... وانا اصفر على البنص دوووس ياشنقل والشبث خشته بالقزاه(( ارجع وراك لاتكصم واجهتك عاد رح دور بالتشليح))
وانا امعد من تحت الكرسي ((مهو كرسي شدااد)) كم (( CD)
وشغل للشبث (((( حافية القدمــــــين))
ويغني الشبث (((شنقولي دوس دوس.. الله يجيب لك عروس))
اسكت الله يهدم بيتك لااحد يسمعك تبين اروح فيهااا
غير الموضوع شبيثاااان الا تقولي سهم سابك كم وصل اليوم
قال شنقل معك ... كمال حمدي
اقول اسكت لاا حولك الحين
وفجاااءه....
ياهذاا صلفيق صافطن على شنق الخط ومعه قناته والخال متقلدن قناته
وكلن يهوووز خويه يامار اسمع صلفيق يقول هذي اسمه قناه
قال الخال لا والف لا ((معصب حيل انتبه لايفوور الرديتر))
قلت شبيثااان ابصفط عليهم ابفرقهم (( رحوووم))
قال::: ليه معهم عايله تبينا نساعدهم خلهم يولون
وحنااا نشطفهم والشبث وهو يطلع له صره باغه (( كيس)) مليانن قواطي بايسون ومويه صحه
وفنليتن للشبث خضرا حقت وزارة المعاارف ومفتااح كفراات وهو يقرطهن عليهن
ولاكنه سوى شي (( براءة الطفوله لها الحين تدودل بوجهه))
وبعد برهة (( حول كمش دقايق))
ياهذي ملويه المخااوي (( الفلكسويجن الدغماا))
صافطتن ومفتحتن بيبانه بوسط الخط ولاهمه احد اكيد له معارف بالمرور ((عشيري على قسيمتين ابيك تحذفهن عني))
طيب يااااااخي قصر على المسجل (( لاوبعد ربابه)) ترى يوري مرقدي منزل شريط ربابه
ونظرت بالافق البعيد ...... ياذاك اللي يترنح وشايلن معه شيين
يوم قررب الا المخاااوي معه مقصاد صخن (( طاسه لبن الناقه اجل البعير))
والمخااوي ماتشوف رويسه من الرغوه ((كابتشينو بدو))
ويتعبق(( يتجغم اللبن عكس الطرقعه اللي مرتن كافيه تجلب العافيه ))
والمحرووووووم هذاااااك هو يسولف مع حدى الرعياان بينهم معرفه سابقه(( ليه مشتغلين مع بعض))
علاقاته كلها رعيااان
وشطف تقل ماشفناااهم
حنا ناقصين مهاااااااايط
وتابعنا مسيرنا
وعندك ... وعندك وعندك... وعندك..
يامار قداامي اكا الددسن اللي طرباله بولصي((وردي))
يهذا ابو ثوب ومساعد اخوطنخه
يامار المطنوخ قاعدن على الكبوت ((مقعي))
انا اوجعن قلبي
قلت بس المطنوووخ التمس لذعت حى هالفيوز
معي لي بكيت ابو بس ابشلع غطاء القصدير واحطه بعلبا المطنووخ
وننتعه وعلمه بالشر
وانا التفت على الشبث
قال: هاااه قلت وجعااه
يافلان مهي سالفه متت ياعشيري
قال الشبث الله يرحمك
ياهديفه
ذبحتن الشفاااااااايه
ابعرف وش بهالوريقه والا اطق مابعيني القطره..
قال الشبث : وهو كذلك(( يسمع به ولايعرف معنااه اوووه ياملا ابو زويعه))
قلت طلع اجهزة التنصت ورادر التجسس
وهو يمد رقبته الشبث (( مارتقل قاعدن عندهم))
قال الشبث:: اقول امش((مهو متحمس للموضوع)) (( وانا متحمس))
دور لنا غير CD
انت صويدز ياشنقل ناقلن هم من هذولا (( برحه ماعندك))
طيب شبيثااان : ممكن اعقده بهالبرحه
قال السالفه ومافيها ابوثوب يقصد باخوطنخه واخوطنخه طايرن بالعجه(( حلوكم وجيه))
قال الشبث:
دعك من هولاء القالشين دعناا نكمل مسيرنااا لم يعد امامنااا سوى بعض هههه
ههههههههايلي (( التمس الشبث)) يتوحم على الزير سااالم
كلييييييب
جحدر النعجه هااابو هالافم صايرن وتحااارب ددددن هنااااااا
اعرف علاااجه
شغل له اغنية المتخب (( الله يامنتخبنااا ان شاء الله تحقق املنا))
واكتم للحصنيه(( هم ليه سموه حصنيه))خاشين جو عام 84 يوم ياخذ المنتخب كاس اسياا
ومحيسن وهدفه اللي بالكويت((( ياهو توازن له صح))
وفجاءه وبدون مقدمات دوت صرخه بريئه بالحصنيه
الا الشبث صاح له صيحه تخرع الميت
عجز لايتكلم ادددد ((اصبروا خلوني ادبل له))
وشبلاك انطق
قال الرجال قدامك((ماعلي منه معي تأمين))وانا اروغ يالرجال بوجهي وانا اروغ يهو بعد بوجهي
ليه نلعب حبشه ((سوااق شنقل ينطل على 220 الله يذكر ايام الكامري بالخير))
قلت هذا وشبلاه تقل ينجش
شبيثااان انت شفته قال ايه بس مقطع عرضي من دماااغه
وتساني ماني متوهم انه اباااا الحصاااني
ياهذا ابوغاازي متنيفذ تقل يبي يجزر له ذبيحه ومخطره بيده وغاضن شليله(( عاد وقت تمارس به هوايتك))
ويصيح:: اووووه اطرحوه اطرحوا ابا الحصااااني
وش دخلنااا (( قم بس قم))
زي العاده سوء تفاهم في وجهات النظر ابو غازي قلت وجهته(شماليه شرقيه على شارع 20)
وذيبااان((غربيه جنوبيه على شارع الستين)) وتطور الوضع وسل ابو غازي مخطره .. واطلق ذيبااان ساقيه للريح
(( 400 حواجز))
وله مشاركات سابقه في ملعب الملز بس مع الخيل
الحين ماقدامنااا احد ....... ادعس
ياكا الرجال فوق له درااام وهو يومي ببشته(لايكون متعطل بعد) وهو يفوع الشبث وهو يخمن
وانا اتحماله حما حيلي وانا الخه بفرخ الهامه(مؤخرة الراس)ياهو متعلقن بمراة الحصنيه
ياملا الغاضور اللي يغضرك بس يتنشى تقل مواصفات كلب بوليسي
وحناااااا نقبل على هالنااااااس ((تذكرت سوق الغنم بالحفر))وشبيثااان فوق التنده يومي بالهيلاهوب الصفر((تسني انا السواق وش سويت))
الشبث يغني طول حسسسه
ياكللك حبه حبه حبه
اااااااه ياشنقل وااااااه ياشنقل
مانشوف من القاع شين هالناس اللي حولنا تقل ذبااااان
قلت شبيثااان تبينااا نستعرض قدااام هالبشريه
((( ابوووتس يالشهررره))
قل من كثره
هههههههههه
هههههههههه
وانا اقووول به وهي تجي الحصنيه على جنبه
والشبث مطلع رقبته ويقول
لاداعي (( واثق من نفسه))
للمعلوميه الحصنيه محمله بقش بيت شعر مروبع وقطبتين وحوستن ماله اخر
الوكاااد عجزت امايز الحصينه اقول هنااا تقول بي هنااا
اعتقد نظام مانع الانزلاق يمرش
المهم وهو يجي لك القش على الجمهو ر اللي فاتحين افامهم
وهو يغدون بقق تقل كلاب رمي كلن قاضبن له تخميمه
(( معزى متقطعه))
عدت على خير
وتسلمنااا الجايزه
وعلى طووول بحسابي باسااامبااااا
انواااع التصوير....(( ياااخي الصحافه ماتخليك على راحتك هذي ضريبة الشهره.
مابه زاويتن الاوصورنا معلقات
حتى عند الشووون
((الشهرره))
والقاءات بالتلفزون وبالفاكس وبكل شين حتى الميكريييف
حتى قناة ارتيريا سوت لقاء مع الشبث (( لمن يجرؤ وهل السبحه وجاب اللي وراه ودونه))
لا المعجبين يطلبون توقيعه وهو معه اسطمبه يبصم مايعرق يوقع
وهو يجي الشبث قال شنقل
تري الفوز وناااسه ابشتري منتدى وابصير مشرف عااام واتمجغل على كيفي
انا وش اسوي به هذااا
وكل شوين ملوذن علي تقل امن له
قال شنقل: اتوقع ان اهلنا يرسلون لنا طايره خاصه ويستقبلون بالمملكه
وانا اخذ اقرب نعله وانا اهفه
(( ليه جايين من ستاراكاديمي)) انت سابتكو ويخب عليك لا وبعد تقعد باخر كرسي بالباص
عشان تصلب راسك المكينه
المهم نرجع لنشوة الفوز
يالربع ترونن هالاسبوع الجاااي فاااضي جدول اعمالي اللي يبي يسوي لقاء معي
.
.
الا لايجيبك ياشبيثاااااان
جاء معه الجواااال
قال شنقل : مايكل شخر
منهو ابو شخر
ياشاخرك راعي القناه
مايكل شوماخر
وش يبي البايه يقول ابيك وانه يبي يعرض علينا نصير معهم بسيارتهم الصغينونات
((كبرت برااسي))
قلت شبيثااااااان صرفه
قال مايصير الرجال يدق من المانيا ومتعني
قله شنقل يتروووش وتلقده
وهو يغمزه الشبث عينه (( تدل على خبث))
قال :: اسمع ياشخر يالغالي
طويل العمر شنقل يتسبح ( يتروش ) (يستحم)
وهذا يتبر انجاز عظيم في حياته لان ترويش شنقل على مرااحل انت تعرف وشلون يسوون
التحليه لمويه البحر
شنقل اول شي ننقعه بديتول 6 ساعاااات
ثمن نضيف عليه قليلا من زيت البريك ولامانع لو وضعت طاستين من دواء الجرب
ثم نذهب الى مرحلة التنشيف والتمحيش
يفرك شنقل بالماء الفاتر لمدة 15 دقيقه ياما يفتر حيله
تمن نمحشه محشا خفيفا ثم نعلقه على اقرب طوفه لمدة نصف ساعه
في من مبداء الوقت كالسيف ان لم تقطعه وتخانقت انت وياااه
تذهب له الحوض ((صح صح معي ياشخر مهو بانيو حوض غنم))
ثم تسكب ((عاد انت وطيبك))(( انت كريم وحنا نستاهل))
اللي يجي منك شامبو جونسون للاطفال ((لادموع بعد اليوووم))
طوطوطوط
طوطوطو
طوطوطو
طيب ياشوماخر انت قد الحركه تقل السماعه بوجهي والله مااخليك(هذا اول اعداء النجااح))
شنقل مشيناااا للشومااخر نبي نخجمه ونفوز عليه
احد يبي يصوووور ............ معناااااااااا[/align]
رد مع اقتباس
[/align]
مشرف مضيف الترحيب والتعارف
[/align]
المفضلات