[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(( داي .. ودواي ))
من عرفتك داي .. ودواي .. بعد الله أكيد = مايخيب اللي رجاء الله .. وباللّه أستعان
جعّل ربي خالق الناس سادات .. وعبيد = صخر الناس لبعضها ويرزق بالجنان
ماعلى الله كايد .. ويفعل الله .. مايريد = جابك الله وزان حض المغربل .. يوم زان
لا أنتثرت .. وهلّت أمزونك .. أبروق .. ورعيد = جيت لك مثل السحابه .. عليك الله وآمان
رحلة الحرمان لو طالت أيامه .. تبيد = تقتل الاشواق ياصاحبي وتدفن .. دفان
خلنا نركب على مركب الشوق .. ونعيد = ذكريات(ن) ماضيه قبل لا يفوت .. الاوان
كل يوم أيزود شوقي .. ولهفاتي .. تزيد = خلنا نعيّش الغلا دام له قدر .. ومكان
أقلب الصفحه جديده معا يوم(ن) .. جديد = ولو تراهن أنك أتمون بكّسبك .. الرهان
حس .. وأرحم خافقي دامك الحلم .. الاكيد = ليه ما ترحم خفوق(ن) يبي منك .. الحنان
أنت راس المال ياصاحبي .. وأنت الرصيد = أطلق ألجام الغلا خلها بليا .. عنان
ليتك أتروف بخفوقي مادام أنه عضيد = مد له كفك ترى الدنيا ماعليها .. فان
ودي أرشف دلتك شوق .. وآهات .. ونهيد = مابقى للصبر قيمه .. ولا قدر(ن) .. وشان
لو تشيله راحت أيديك قلبي .. وش يريد = وش على قلبي تضمه كفوفك في آمان
أذبح العذال جعّل العواذل .. ماتفيد = وافي(ن) مابحت بااسرارك افلان .. وفلان
مازرعك الاخفوق(ن) يبي منك .. الحصيد = صاحبك ياصاحبي عاهدك بالله ماخان
يافصيلة نبض قلبي .. وشريان .. الوريد = مثل دمي تسقي أعروقي من جمك ضمان
سلسبيله لا أرتويته غدى همي .. بعيد = لا ذكرتك هزهز الشوق وجدان .. الكيان
ماقدرت أوصفك بالشعر .. وأبيات القصيد = كل ما مال الهوى بك تثنى .. خيزران
وجمرتينك صف لول(ن) يكفي ولا أزيد = جل شان اللي رسم شفتينك .. جل شان
من يشوفك زاغ عقله ولو رايه .. سديد = ليل دانه كل ساعه يرده .. ليل دان
جيت لك بصفوف شوقي مثل صف .. الجريد = جيتك بقلب(ن) يحبك حبيبي من زمان
دام أحسك داي .. ودواي .. بعد الله أكيد = لا تعذبني بجنونك يكفّيني .. جنان
خليف الجهيلي[/poem]
رد مع اقتباس
[/align]
مشرف مضيف الترحيب والتعارف
المفضلات