انطح عن روحك يالمطنوخ

**الأصيل** · 25-05-2005 10:39

[align=center]السلام عليكم ..

بالخير ياعرب ...

............................

( أخو طنخا ... ياكثر أغليك .. إي وربي )

...................................................

زمااااان .. ياصفو الصفين ، وستعدو للحرب

تصير أول شي : المبارزه

وهالمبارزه هي عرض العضلات ..

عاد أخوكم أبو ثوب .. عندوه عرض بسييييط

يقول :[/align]

[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هدئ أعصابك .. واخذ الأشياء بالهون=بالترجمه : ريلاكس .. آند تيك إت إيزي

وشعاد لو قالو لي الناس مجنون=و( ترانسليت ) مجنون يعني : (كريزي)

( كم باك ياماي دير .. كم بك فري سون )=يعني : تعجّل .. ورجعو ياعزيزي

أهل الكسل واهل العجز مايفوزون=ولقيت بالقاموس : كسلان ... ( ليزي )

ياللي تبون العربي تسان تقرون=أنا خلطت العربي بنجليزي[/poem]

[align=center]قظت المبارزه

وإلى اختلاط الصفوف .....................[/align]

[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على الوعد .. والله نصير المظاليم=نبدا المعارك فوق أرض المضايف

أوامر(ن) جتنا بخط المراسيم=من جيهة المحرووووم زبن الولايف

الحر مايصبر على الظلم والظيم=يشوم .. مايرضى بعيش الكسايف

جيناك يالمطنوخ فوق المجاهيم=والهقوه إنك بالميادين خايف

لا لا تْحَسب الذيب ياصاحبي نيم=صيده سمين ولا يصيد العجايف

نبي نلوبك لوبت الذيب للريم=ناتيك لو ترقا بروس النوايف

القدر والم والصحن والمعازيم=صكو .. وقطو شمغهم والغدايف

نبيك مندي للرجال الشغاميم=طعمك لذيذ .. وما لطعمك وصايف

وبالمخطر المعروف ناسمك توسيم=من كف من عنده علاج التلايف

تبي غسيل(ن) ياخو طنخا .. وتشحيم=وتبديل للديتر وكل البلايف

هذا جزاك .. وتسان تحتاج تعليم=نعطيك من نوع الدروس الخفايف

و

و

و

و

أختم .... قسم في مرسل الريح والغيم=إن الهدف : ضحك ومزوح وطرايف[/poem]

[align=center]كما أنني أنا وأخوي المحروووم

نحذر وننذر كل من تسول لوه روحوه أن يفزع مع المطنوخ

حيث أن جميع المساعي الدبلماسيه .. قد باءت بالفشل

لذا .. لم نجد أمامنا سوا الخيار العسكري

ومثل ماقال خالي أبو غازي .. وقد أنذر من أعذر وأعذر من أنذر[/align]

**الاصمعي** · 25-05-2005 13:29

[align=center]

[/align]

**ابو غازي** · 25-05-2005 13:38

[align=center][align=center]

رحت وطي يالمطنوخ [/align][/align]

**متفاائل** · 25-05-2005 15:47

كاتب النص الاصيل
( أخو طنخا ... ياكثر أغليك .. إي وربي )

[align=center]
الحمد لله اللي ماتغلينن

صححححححححح لسانك [/align]

**متفاائل** · 25-05-2005 16:33

كاتب النص الاصيل

كما أنني أنا وأخوي المحروووم

نحذر وننذر كل من تسول لوه روحوه أن يفزع مع المطنوخ

حيث أن جميع المساعي الدبلماسيه .. قد باءت بالفشل

لذا .. لم نجد أمامنا سوا الخيار العسكري

================

اننا نشجكنر هذا الخيار ونطلب من الجميع ضبط النسف .واستبدال الخيار العسكري

بالفكوس المدني والتحلي بجروا متفصخ . هذا الوجه الاول
7
الوجه الاخر

.
[poem=font="Simplified Arabic,5,black,bold,normal" bkcolor="transparent" bkimage="backgrounds/34.gif" border="none,4,gray" type=1 line=0 align=center use=ex num="0,black"]
مطنوخ بالبرميل و معلق بسيم = يمدح لنا منديه بالطعم كالف
وين انت يالمطنوخ زين التصاميم = وجه لوجه انطحه لا تسايف [/poem]

**الـمـحـروووم** · 25-05-2005 16:59

المشاركة الأصلية كتبت بواسطة الأصيل

[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"

وبالمخطر المعروف ناسمك توسيم=من كف من عنده علاج التلايف

تبي غسيل(ن) ياخو طنخا .. وتشحيم=وتبديل للديتر وكل البلايف

هذا جزاك .. وتسان تحتاج تعليم=نعطيك من نوع الدروس الخفايف
[/poem]

[align=center]كما أنني أنا وأخوي المحروووم

نحذر وننذر كل من تسول لوه روحوه أن يفزع مع المطنوخ

حيث أن جميع المساعي الدبلماسيه .. قد باءت بالفشل

لذا .. لم نجد أمامنا سوا الخيار العسكري

ومثل ماقال خالي أبو غازي .. وقد أنذر من أعذر وأعذر من أنذر[/align]

أنطح عن روحك ألحين يالنطول

وخلهم ينفعوك اللي كانوا يحرضونك

ههههههههههههههه

أبوثوب

عز الله إنك أثلجت صدري يالعشير
عشاك اليوم عندي بمجلس شنقل

**الـمـحـروووم** · 25-05-2005 17:01

أبو رائد

أرجوك لا تتدخل بهذه المعركه

خل المطنوخ يتوب

**ابو غازي** · 25-05-2005 18:13

[align=center]شـــــــــــــف يالمحرووووم
انت اقوالك وربي ماهو ازين لك وأما خالي ابو ثوب ياربي تحفظ أكا الخشة ما اقدر اقول برم قدامه

طنيخان يحبيبي استفزع بالشعار يالحبيب هذا ابو ثوب وربي يلبسك فروة ن بهالحر همن تتموس ياماخوذ

[/align]

**المخاوي** · 25-05-2005 21:01

[align=center]
يالربع وش هالحر اللي عندكم

وشبلاكم مفتحينن هالدرايش

المطنووخ

ياحظك بهالغلا

صح لسانك يابو ثووووووب

يالله فمان الله يالربع

[/align]

**الأصيل** · 26-05-2005 00:30

[align=center]شاعرنا الأصمعي ..

الصورة معبرة .. أكثر من الحتسي

والمعركة .. ستدور رحاها مثل حرب البسوس

ويمكن تتغير اتجاهات الريح ...

وتحياتوووووووووووووووووووو

خالي أبو غــــــــــــــــــازي

بصراحه يالخال .. أنا مالي صاحب

يعني .. بسرررعه أقلب على خويي

تسان لك خاطر بأحد من الزقرت ..

عطن الإشارة

والله لو تبي أهجي روحي فأنا .. حااااضر

عندي مثل .. قظبتوه من الأخبار .. يقول

لاتوجد صداقات دائمه ولا عداوات دائمه .. بل مصالح دائمه ومشتركه

ويسلمووووو على التعليق

متفائل

والله إني أغلييييك بالحييييل

لكن إنت مثل مايقول المثل : لحمك مرررر

ونا مستقوي على طنخان المسيكين

والحقيقه ..

إن مالقيت دزدامي خيار أو طماط .. سوى الخيار العسكري

وربما يكون هناك صلح قرييييب

وصح بدنك يابوعمر

المحرووووم

هلا بك يالغالي ..

واسمح لي ..

عشاي فايت عند مضيف الهموم والشكاوي

وأنا أضم صوتي لصوتك

وأطلب من أخي الشاعر أبو رائد

أن يتحلى بسياسة ضبط النفس

ولايدخل في حرب خاسره مع طنخاااان ( ياولد )

المهم يالعشير ..

عسى عجبتك القصيدة ...؟؟؟

ألا .. ماشفت أخو طنخه ؟؟

غابت شمسوه يافلان ؟؟

تسان ما انتحر !!!!!!!!!!!!!!!!!!!!

المخاوي

صح بدنك ..

وين تبي ؟؟

تعال .. نشغل لك المكيف تسانك محتر ..

فمان الكريم يالمخاوي[/align]