[align=center]ب
د
و
ن
مقدمات[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
ذكي ولكن إنك نسيت تحسب حساب الأذكياء=لين أوحلت كل الدروب وصرت في عيني غبي
جيت وتذاكيت بغباء لله در الأبرياء=تجي لهم ببروج عاج وجيتني زحف وحبي
وأنا أدري ان الحكم ثابت بإتفاق الادعياء=لكن متى لي تعترف ان (الظبع) ماهو (ظبي)
وهذي نتيجة من حياته بالتلاعب والريا =يقول (حامض) قبل مد كفوفه لعال عنبي
والفتنه أشقت قبلنا سيرة حياة الأنبياء =وأنا مني معصوم ذنب ولاحكيم ولانبي
لكن خذيت العبره بزلة رجول الأشقياء =وعرفت كيف ان السعاده ماتجي نهب وسبي
ولو ان قاعي تنتظر متى يجي فيها حيا =والناس تسأل ليش والا كيف.. والا وش يبي
والظلمه اللي سرتها حدتني أمشي في ضيا =وأنا أدري انه ماتجي دايم على كيف طلبي
لكن هويت ولاقويت وصارت أحلامي عيا =وكن الحلوم الأوله قالت لي إقعد وتهبي
ويافقر حبي كان عزك تحت نعل الأغنياء=خلك فقير ولاتهقويني على فتل شنبي
والحاجه اللي ذلها مدت كفوف الأقويا =تنقص ولاأخذها وأنا واقف على حيل ركبي
وبعض الفعايل نفعله تقدير وإيجاب وحيا =وبعض الفعايل حاسمه تاخذ جهودي وتعبي
ومزماري أدري لو رقا ما أطرب أذان الأخويا =لكن تعالوا من (شمال) وأنا بأصير (الأكلبي)
فكانه عزاك ان (الخبول) أرضوا طموح الأسويا =فانا عقول ( الأسويا ) أرضت غروري وعتبي
ومن قبل ريم وقبل جود وقبل سوزان وهيا=قلي وش اللي بأكسبه لامال ديني ونسبي
وأنا أدري ان الصمت يوقد من فضول الأغبياء=بس ان (عودي) جودته لاشب وقتي بحطبي[/poem]
[align=center]ا
ن
ت
ه
ى[/align]
رد مع اقتباس
المفضلات