[align=center]o[/align]
[align=center].[/align]
[align=center]o[/align]
[align=center].[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياأول سنين الغلا .. ياأقصى طموحاتي=ياأجمل غرام ٍ نشا .. ياروعة سنيني
ياتاج روحي .. ووجدي .. يامحطاتي=ياجارح بسيف عشقك .. يامداويني
ياساكن الدم .. يادمي .. ونبضاتي=ياروح روح القصايد .. في دواويني
ياجاذب لحضرتك .. ذوقي ورغباتي=ياساحر البسمة اللي منك ..تغريني
يادرب نور البشاير في متاهاتي=ياأوفى رفيق ٍ عرفته .. مايخليني
ياشمس عمري .. منااااااي .. وبلسم آهاتي=ياللي ولافيه غيرك في عناويني
بيني وبينك تطمن والعمر آتي =والله ماأقطع وصال ٍ بينك وبيني
حبي لك أكبر من اللي في كتاباتي=ولااظن يكفي لو انك قلت : يكفيني
بالعين أشوفك توجه كل نظراتي=وأقول : ملكك تدلل .. يابعد عيني
القاك من وين ماامشي .. فااتجاهاتي=وأثرك فكل اتجاهاتي .. تمشيني
أوقات عمري بدونك .. ماهي أوقاتي=سبحان منهو ..جمع دينك على ديني
للعمر لذه ..وقربك فيه لذاتي =أنساك لحظه وأقوم أذكْرك في حيني
حابسْك في خافقي .. حبسي لدمعاتي=لاصرت ضايق .. وأخاف الدمع ينهيني
سادات سيدي .. لاوالله .. سيد ساداتي=خذ راحتك .. أنت .. آمرني وناهيني
أشعل ضلوعي .. سرور ..ان شفت ضيقاتي=خل الفرح في شتا همي يدفيني
انت البدايات .. وانت .. اخر نهاياتي=من يوم ناعم يدينك .. شابك .. إيديني
ياصعبها لو تغيب .. وبعدك آحاتي=بكون عايش .. ولاادري .. وين انا ويني ؟؟
أنسان ضايع والملم .. باقي شتاتي=أشكيك للوقت .. والأوقات تشكيني
أبختصرها .. ولو طالت بك .. أبياتي=إنك تساوي غلا .. ربعي .. وغاليني
لأني قبل مااْعرفك ..وأبدى علاقاتي=أحس أعرفك ..!! وأحسك مني وفيني !![/poem]
[align=center].[/align]
[align=center]ض
ح
و
ي
ا
ل
ا
س
ل
م
ي[/align]
[align=center].[/align]
رد مع اقتباس
مشرف مضيف الترحيب والتعارف
المفضلات