[align=center]عرس عــــــرابجــــ ـة لا يفوتكـــــم 000
في أحد فيكم قد حضر عرس عرابجة 00 تعالوا نشووف المطنوخ المصرقع وش سواا
المواصفات :
الاسم / المطنوخ (النطول سابقاً)
العمر / منولد في سنة الطفره
الشكل / قزم ودب واقرع و وجهه كله خدود ومافيه عيون
الوظيفه/ قهوتسي
باختصار يحوم الكبد
الولد طنخان داشر 24 سااعه مشاكل وتفحيط وخرابيط
المهم ابوه قرر انه يزوجه يمكن يعقل الولد !!!!
ويقوم يخطب له ابوه بنت جارهم حصه
عاد حصه خبله مثله
المهم يوم جاء العرس ولا المطنوخ طالع مع اخوياه الشبث وشنقل
لثمامه يطعسون وابوه يدق عليه
الاب: الووو طنخان وينك؟
المطنوخ : هلا والله طالع مع الشباب لثمامه
الاب: جعل تطلع روحك بلا تعال اليوم عرسك !!
المطنوخ : طيب العرس في اليل يمديني ارجع المغرب
الاب: اقول امش جعلي امشي العصى على ظهرك
المطنوخ : طيب خلاص جاي
ويقفل التلفون
المهم ويجي المطنوخ ويلبسونه البشت الخبل ناوي يروح بقميص نوم
المهم ويمسكونه اخوانه ويلبسونه ويودونه للقصر
>>>>>>> المطنوخ الا الحين ما يدري وش السالفه يبي يخلص بسرعه
عشان يلحق على العيال في الاستراحه يلعب بلوت
ويدخلون القصر ويجلسونه في المنصه وهو يقول
ابي اروح اجلس عند القهوتسيه ابي اتكي معهم واشرب شاهي ( والله منسم مررره)
تخبرون قهوتسي
ويلقطه اخوه ويجلسه على الكرسي
ويجونه الناس يسلمون
المعازيم : مبرووك منك المال ومنها العيال
المطنوخ : هلا ايه طيب يكون خير والله ما عندي ولا فلس
قايل لكم موب وجه زواج)
المهم ويدخلونه على الحريم 00 يوم دخل 00 وهو الي يفتح كشرته ( ابتسامه عريضه)
ويناظر في ذا البنيات
المهم يوم طقو الطقاقات الا وهو يطمر ويرقص سامري
ويسحبه ابوه ويقول اركد لا تفشلنا!!!!
المهم ويجلسه على الكرسي
وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
وانواع الاستهبال المشكله الي ترقص ام العروس مسكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول عاشوا والله عاشوا
الا وابوه يصفقه على جبهته
المطنوخ :طيب خلاص ابنطم
المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني
الا وهو ينبسط على حرمته خبله مثله
[align=center]((وافق شن طبقه))[/align]
المهم وتقول له 00 حصيصه : طنخان ابسالك سؤال؟
طنخان: اسالي !!!!!
حصيصه : انت الحين تعرف تفحط ؟؟؟
طنخان : اكيد انا احسن واحد يفحط ( مسوي فنان عندها وهو ما عنده ما عند جدتي)
حصيصه : والله ورني ابي اشوفك تفحط 00
طنخان ( توهق)
طنخان : خليها بعدين موب اليوم ( يبي يصرف)
حصيصه : افا شكلك ما تعرف هههههههههههاي
طنخان : اوريك من الي ما يعرف 00
وهو الي يلف هذيك الفه وطراااااخ في الماصوره على طول
والحين حصيصه وطنخان في المستشفى الدور الاول غرفه 111
ان شاء الله تهنيتوا بالعرس ههههههههههههههههه [/align]
رد مع اقتباس
مشرف مضيف الترحيب والتعارف
ولولا خوين لي شقردي 
أن مافهمتن
ياربنا منك السموووحه 
[/align]
المشاركة الأصلية كتبت بواسطة المطنوخ
المفضلات