ممكن شاورما عربي ..وحمضيات ..

[اخو سعدى]

[align=center]اخوي خالـــد

نحن الان بنعمه نحسد عليها وكل هذه النعم
من فضل الله على عباده

وكلها خير .. ولكن هل تعتقد ان المراه هي سبب ذلك ؟[/align]

[المطنوخ]

طيب .. هل تضمن مصداقيه المطاعم ؟

شوف سلمك الله

ترى نظافة اكل المطاعم على حسب دور الرقابه والتفتيش

يعني اذا كانوا اربع وعشرين ساعه يشنون حملات على هالمطاعم والله تلقى اتسلهم مامثله

ومن ناحية اخرى<<شرايكم بالثقافه

ترى المطاعم العالميه واللي موجوده من زمان مثل بيتزا هت وماكدونالدز وبرغر كنج هالمطاعم هذي تخاف على اسمها

مو حبا بالناس لا

الا الله يخلي التنافس بين المطاعم هو اللي يخليهم يتفننون بالطبيخ

يعني كل ومايجيك الا اللي الله كاتبه لك

خايف من التسمم ها؟

بسيطه يعني لو مرتك تحطلك سم بالاكل وتسمم يعني خلاص ماراح تاكل اكل البيت؟؟

اقول حسبي الله على عدوك شهيتني بالبيتزا قامت تهيا لي

سلام ختام

[عبدالعزيز]

بسنة.ن من السنين جانن ولد خالة.ن لي من الرياض لحايل وبحدى الليالي قال ابذوقك البروستد!!

كليته يابوسعدى هكا الليلة وساح كويلي معه
واقفت الايام ببناخيي لديرته وقلت ابشتري لي نصيص بروستد و والله واخذه واجيبه للبيت واتغيب بوه ورى الفلة وماامدانن افك قراطيسوه الا وجدتي الله يرحمه مغيرة.ن على وياغارة الزير سالم هالغارة وهي تقول عزيّززززززز وش تعمل بهاه ووش هاللي معك؟؟ انا هنا عجزت لااحتسي ودنقت للصحين والاهو من مطعم وتشهق هكا الشهقة اللي سالت على اثرها عيوني وعقبه قالت الا ياااااااااااااااااااا قليل الحيا يالكافر!!
وبين كل كلمة وكلمة كف اما بالوجه او العلبا وهي تشيله وتكبوه بالزبالة الله يرحمه وتقوم تظبط هكا المرقوق لي انا وياه وكأنه تظبط اندومي عند بنات يومنا هذا لاعنن روحن وصملن على دخلة المطبخ!

عاد قللللللللللللللل انت لاي وحدة بهالوقت اظبطي لنا مرقوق وش ان ماانصفرت عليك الله يخلف علينا

احتسب الاجر واصبر ومالك الا الجنة انشالله من عمولهن

[اخو سعدى]

[align=center]هلا بالمثقف ..
قصدي المطنووووخ


لا تنسى البيتزا ياهي شيييييي ههههههه
ولا تهنون المثلوثه ..

لكن اعرف ناس اكلهم دائما من المطاعم
ليش مفطومين هناك ..

او هي موضه وتفاخر بين هالجيل التالي ؟؟[/align]

[اخو سعدى]

[align=center]يابعدي تسبدي عزوز
ايه هذا الحتسي السنع , والله انك صادز
بنات اليوم حدهن اندومي .. لا وبعد اذا جتها
الطيبه هكاليوم سوت بيض .. وطماط نيي .. هههه

لكن تشوف ما احد رد منهن الى الان الا اختنا منيره فقط

وشنوحهن .. شكلهن بالمطبخ ...[/align]