[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالوحة الفنان كلــــــه تعابيـــــــــر = تحكي جمال ياحبيبي طبيــــــــــعي
فيها الجبل والمي والورد والطـــير = رفرف به القمري 00 غنّى سجيعي
قوسٍ سحر فكري على غير تبرير = فيٍّ وضيٍّ في جمـــــــــالٍ ربيــــــعي
الوان طيفه مكتسي بالنواويـــــــــر = تخـــــــربط بعدّك اذا انك سريعـــــي
فيها الفرح والزين والحب والخـــير = بالمخـــــتصر جنّه وشانه رفيعـــــي
ابنتقدها 00 قمت اعدّ التقاريـــــر = جبت الخبـــــير اللي مجاله بديعـــــي
فكّر وقلّب بالحيل والتدابــــــــــــير = لقى له عيـــــــبٍ مستكنٍّ نقيعـــــــي
عيبه جنوني مايعرف المحاذيـــــــر = سحرٍ يخلّي شيخ ربعـــــه وضيعــــي
لوهي مزاد الكون والله فلاتبــــــير = يدفع به التـــــاجر حلالٍ فضيعــــــــي
انشهد انه ماغدت له مخاســــــــــير = مااظن منهـــــــو يشتريها يبيعـــــــي
لوهي خبر تلقى عناية وتصويــــــر = تبهر مصوّر حلقتـــــه والمذيعــــــــي
هي في حياتي مصدر الحب واكسير = للسرمديه والخيــــــال الوسيعــــــــي
فيها سحر يوسف00 غنج الغناديــر = مايشبق عروقـــه خطاة الفنيعـــــــــي
جدّ صميدع ماضيٍ له مشـــــــــاوير = كنه على النوماس صــــقرٍ بتيعــــــي
ينطح جموع الخيل كله مــــــــغاوير = يتلنه الشــــوباش مثل الدريعـــــــــــي
ابوها شيخٍ له على الكـــل تقديـــــــــر = ماينعكــــــف خشمه ولاحب شيعــــــي
ماتسكن الا نايفاتٍ مقـــاصـــــــــير = اصغر خدمها لجل عينـــــه مطيعــــي
ملبوسه الغالّي ماله ازاريــــــــــــر = ضافي على جسمـــه مفصّل جميعـــي
ياليت منهو بهّر العشق تبهــــــــير = خلـــــى مذاق الحب بافمه لذيعـــــــــي
ودي اسيطر وامتلك كل تفكــــــــــير = يبقى شعوري بالخفايـــــا ضجيعــــــي
هذي الاماني مالها أي تفســــــــــير = ياكود ابلقى للحنايـــــا شفيعـــــــــــــي[/poem]
رد مع اقتباس
المفضلات