اخواني واخواتي اعضاء مضايف شمّر
سعيد جدا بتواجدي بينكم واتمنى ان استفيد منكم الكثير
واشكر اخوي بشير اللويش على هذه الدعوه
مصافحة اولى اتمنى ان ترتقي لذائقتكم...
كيف تبخل والعطايا في يدينك
================= دامني مشتاق ياراع العطايا
ان قطفت الفل يزعل ياسمينك
================= وان ضميتك عاد وش يروي ضمايا
القساوة طبع عنابك وتينك
================ والجفا مرسوم في روس الشفايا
كل صبحٍ عن مسا العالم يدينك
================= لالمحت الطيف كسّرت المرايا
كل ماكثرت سوالف عاذلينك
================ صاح صوت العشق من بين الحنايا
التسامح قلبي وذنوبك جبينك
================ وان غفرت الذنب ياكثر الخطايا
وان كتمت السر مابيني وبينك
================ ماقدرت اكتم غرابيل الخفايا
والجروح اللي سهمها في يمينك
================= خلّها تحيا على نبض البقايا
والهدايا لو حسبنا في سنيك
================= غير جرح وجرح ماشفت الهدايا
آه ياقلبي عسى ربي يعينك
=============== ابتليت الشعر واتعبت الحكايا
صاحبك لو حب يبعد من ونينك
=============== هزّه التحنان من كل الزوايا
ايه احبك حيل واشقاني حنينك
================ وايه ليلي حزن وعيوني ملايا
لو تجمّل جعل ربي مايهينك
=============== دام حالي سم وضلوعي عرايا
ليش تبخل والعطايا في يدينك
================ دامني مشتاق ياراع العطايا
رد مع اقتباس
المفضلات