[align=center]من كثر هالقنوات الفضائيه اللي كل شوي طالعتن لنا وحده
اجتمعنا ( حنا يا اهل المضايف ) وقلنا نبي نحط قناة فضائيه خاصه بنا
ونحط به برامجن مميزه مهي مثل برامج هالقنوات الفاصخه
وتم تعيين ابو غازي مدير عام للقناة
وبدوروه ابو غازي عين المطنوخ وشنقل مقدمين للنشرة الاخباريه
وهالثنين تخبرون يحبون الحرشه ويحبون الشر ويدورونوه
اما الاخ شمقل فعينه ابو غازي مراسل للقناة بالعراق
وحاليا المقرود يرقد باحد المستشفيات المتنقله بالعراق
لانه تعرض لحالة اختطاف على يد مجهولين
وعقب ماجبنا لهم جاهيه خلوه وعقب ماعرفوا انوه ماعندوه سالفه
وتخبرون المسيكين تعرض لحالة خرعه وتم نقله للمستشفى علشان نتطمن على حالته .
اما الاخت المهره فتم تعيينه على النشره الجويه ( وجتنا عدة شكاوي عليه من المشاهدين لانه
ماعمره فرجته وقالت تبي تربع هالسنه ودايم الجو عنده عجاج )
اما الاخ سرحان فتم تعيينه مراسل للقناة بالسودان ولهالحين ماندري عنوه ولا جانا منوه علم
واللي عندوه استعداد يكون مراسل للقناة بالسودان يتفضل بس اهم شي يجيب لنا اخبار
مراسلنا الفاضل ( الله العالم انوه طاح بالقنص )
اما الاخت الريم فعينه ابو غازي مقدمه لاخبار الاقتصاد ( تخبرون المساهمات كثرت ونبي لكم
الفايده ) .
اما قسم الرياضه فعين ابو غازي عليه ابو راكان وتم احتكار الدوري الايطالي ( بس حق الكيرم )
والضحويه فيه برنامج منتاز وهو تمرين الصباح واسموه ( مالك الا شبيثان طويل الاذان )
ويقدمه الشبث اللي يمتعكم بعدة تمارين رائعه منها ( التمغط , وطي الرجلين , طق الرقبه )
اما البرامج الشعبيه والساحه الفنيه فعينا عليه الاصيل ابو ثوب والمحروووم
وطبعا فننا مهو مثل هالفن المعفن اللي دوخونا بوه هالايام واللي مايمشونوه الا بالراقصات
لاااااااااااا حنا غير فننا اصيل
صحيح اننا مصورينوه فديو كلب ابن ستطعش كلب بس ملبسينهم فرا وحتى اصابع رجلينهم
مهي طالعه ( هذا وهم رجال )
اما اهم الفقرات الفنيه فهي ( السامري , العرضه , الدحه , الفرينسي , المحاوره ) وغيره الكثير
اما وقت فتح القناة وتسكيره
فهي مع مديره متى ماقام من النوم فتحت ومتى ما نااااااااام نامت ( سكرت )
يعني
تفتح الجهمه عقب الفجر واول برامجه الاخبار
وتسكر الضحويه عقب تمرين الصباح ( تخبرون المدير يبي ياخذ لوه تصفيره )
وتفتح الظهر حزة الغداء ليا الساعه 2:30 عقبه تسكر ( المدير يبي يغفي ليا صلاة العصر )
وبهالفتره مافيه الا النشره الجويه ( تجودوا من العجاج )
وتفتح عقب صلاة العصر ليا المغرب وهذي حزة الفن والطرب
وعقب المغرب فيه جلسات شعبيه
وتسكر عقب صلاة العشاء ( المدير انهد حيلوه يبي ينام وراوه شغل باتسر )
وتقلدوا تحيتي[/align]
رد مع اقتباس
المهم شوشو .. <<يعني الشبث 
عج وغبار واحتمال سقوط امطار على خرخير وضواحيها مع رياح عكسيه على حفر الباطن وقليل من الامطار على رفحا 
المفضلات