استميح قلوبكم احبتي لتقبلوا هذا النص المتواضع
[poem=font="Simplified Arabic,4,white,normal,normal" bkcolor="transparent" bkimage="" border="none,4,white" type=3 line=0 align=center use=ex num="0,black"]
استوطن الحزن فيني ونوخ ركابه
بين الحنايا سكني من ثمان سنين
لا والله الالبسني لبسه ثيابه
لا والله الاطعني طعنة السكين
اصبحت ضيفه وكني من تهقوابه
لا من نساني تذكر سيرة الغالين
يقول الليل وش همه على كيفه هم احبابه
واقول الصبح ماينبت واغنيله ايا مسكين
وانا المسكين امسي بهم وهم(ن)ثاني اصحى به
تقول اني جسد ميت..تقول اني من الحيين
تقول اني شربت الضيم كل الضيم واسبابه
تقول اني رسمت الشمس باصابع مالها يدين
خنقت الصدق في آخر مداي وقمت ازهابه
فعل طايش تغنابه معي ثله من الغاوين
الا ليت الدفاتر والقلم والحبر تتشابه
والا ليت المصايب تنتهي باقفاية المقفين
علشان العيون اللي تجينا احيان مرتابه
اذا سمعت تضرعنا تردد بعدنا آمين
(هلموا ياطغاة الشعر..نحن الشعر أربابه)
يقوله شاعر(ن)شعبي عرف كتف القصيده وين
خشوعه في كتابتها مثل شيخ(ن)بمحرابه
جنوحه في صياغتها مثل فاسق بامور الدين
وانا مؤمن برب الكون واخافه واحسب حسابه
اخاف القبر والمحشر واخاف اني من المخطين
ولكني بعد تايه بوادي الشعر وشعابه
عسى الله لايعاقبني بذنبك يالثمان سنين[/poem]
رد مع اقتباس
المفضلات