[align=center]
السلام عليكم ورحمة الله وبركاته
تحيه طيبه لكم جميعاً ...//... محاوره جرت بين شبل الشمال
(( خلف المشعان ))
والشاعر (( حامد زيد ))
(( خلف المشعان ))
تعال .. نتعلل ياحامد زيد
ودي بطاروق معك .. إذا سمحت ..
:
سلام من شبل الشمال .. افمحله
للشاعراللي مايبيله شهاده
كان انت حامد زيد .. فالحمد لله
والا الزياده ماعلينا زياده
(( حامد زيد ))
خل السوالف بيننا مسفهله
يالشاعراللي تستحق الاشاده
ان جاك حامد جالك الشعر كله
لكن بوصيك التزم بالركاده
(( خلف المشعان ))
يامرحبا... لا جيت نعطيك فله
نمدهالك لا بغيت بهواده
الشعر .. درب وصار كلٍ يدله..
لكن .. قليل اللي براسه قراده
(( حامد زيد ))
ارحب وكلن مننا في محله
و الكل منا عارفن وش مراده
لو كل شاعر له جماعه وشله
انا الوحيد اللي وقفت بحياده
(( خلف المشعان ))
لاتسبّــــــــــــق .. بسيفك علي وتسله
كل ٍ على ماقيل يركب جواده
لين .. نتلاقى .. وسط ميدان ( زله )
محدٍ معاي .. وناطرك .. بالحماده
(( حامد زيد ))
قلنا وقلنا والسوالف ممله
عطني علومك لا تسولف زياده
باكر دوامي وانت لي صرت عله
اسهرتني وانا وراي الوساده
(( خلف المشعان ))
بعض النخل .. ماهو على شوف ظله
اغرتني عذوقه .. وشفت السواده
اثر السواده .. فوق راسك مظله
متسلقي ٍ .. والله يرزق عباده
لا تسري القاف الله يطولي بعمرك ... مهو انا اللي يعلمك
(( حامد زيد ))
لان البدايه كانت عندك فمن البديهي ان تكون النهايه عندي.... لذا:
ما هو ب انا اللي في قوافيه خله
الشعر انا ملحه ومايه وزاده
اوثق قياده ... بحبري واحله
واقيده وارجع واحلل قياده
(( خلف المشعان ))
سلمت .. سلمت .. يالذيب ..
الجايات اكثر
ابشر بمن يعقدلك حبالها عقـــْـد
فالمقبلات ... ان كان ربك .. كتبها
لو حاولوا فيها هل الشعر والنقـــــــد
لا من نصبها .. الشبل .. محد ٍ قربها
[/align]
رد مع اقتباس
المفضلات