مين يعرف لنا القصه والقصيده هاذي

**الصيرمي** · 13-05-2005 11:48

يلومني الانذال لا رحم حيهم ** يلوموني ويلحقوني ملام

يقولون خل الضيف لاتعتني به ** يبون الردا يبني علي سنام

وانا حالف ما اترك حلال لوارث ** ولا اخلفه للوارثين اقسام

شايع الامسح بن مرداس

من يعـرف باقي القصيده ومناسبتها لاهنتوا شباب

يالله ياهوووه هههههههههه

**راعي الوقيد** · 14-05-2005 20:32

[align=center]الصيرمي

عااد مالقيت الا قصيد شايع الامسح تنشد عنه

لان قصيد شايع من زمن شايع بعيـــــــــد بالحيل

لكن قل يالله يرسل عليك من يفيدك ويريح سرك

وسلااااااااام ...

..[/align]

**ooo_75** · 14-05-2005 21:59

ياهلا والله باخوي الصيرمي
وابشر بسعدك

هذي ياطويل العمر قصيده لشهوان بن منصور بن ضيغم
وهذي القصيده كامله مع انها ماهي طويله

[poem=font="Simplified Arabic,5,black,bold,italic" bkcolor="transparent" bkimage="backgrounds/24.gif" border="outset,4,gray" type=0 line=1 align=center use=ex num="0,black"]
يلوموني الانذال لا كثر خيرهم=يلومونـي وملحقينـي مــلام

يقولون خل الضيف لا تعتني به=يبغون الردي يبني علي سنـام

حلفت ما اخلي مالي لـوارث=ولا يجي بين الوارثين أقسـام

سوى مهرة شعوا ولدن من القنا=وسيف صقيل في يديـن غـلام

ونوبية ما تمـرح الليـل كلـه=عليهـا نـوم العابديـن حـرام

وزولية تفرش على كل حـزة=عليها قولـة مرحبـا وسـلام[/poem]

وسلامتكم

**الصيرمي** · 15-05-2005 03:18

راعي الوقيد

مشكور على المرور

وتسلم

------

ooo_75

مرررحبا بك اخووووي

انا اسال عن شايع الامسح تطلع لشهوان بن منصور بن ضيغم

سوى مهرة شعوا ولدن من القنا ** وسيف صقيل في يديـن غـلام

ونوبية ما تمـرح الليـل كلـه ** عليهـا نـوم العابديـن حـرام

وزولية تفرش على كـل حـزة ** عليهـا قولـة مرحبـا وسـلام

تحياتي

**خالد الشمري** · 15-05-2005 19:03

الاخ الغالي الصيرمي حاولت ان ابحث لك عن قصة هالسالفه فوجدت روايه وهي رواية الاخ ابو مشاري الشمري بتاريخ 8 ـ 1ـ 2002 بمضيف قصه وقصيده صفحه 65 (وانا ماعندي خبر وكاد عنها والله اعلم )
على العموم احضرت لك القصيده :

قال ابن مرداس فتى الجود شايع
أشوم كما حر المراقب شام
أشوم عن السفلى ونزل بالعلا
وأنا بالعلا من سابق وقدام
لو كل من اراد المراجل يحوشها
تلقى بها فروخ الدجاج نيام
أنا من أهل الجبلين ومن روس شمر
عن الودي عاصي ماعلي حكام
ياجاني قول الشريف تركته
مالك علي يابن الشريف اللزام
حنا قدايمنا نعيي بحقنا
وحنا للعيي العنـــيد ازقام
وحا هل المعروف والمجد والفخر
وحنا للجمع الثقيـــــل اقحام
وحنل هل البيت الرفيع بـــشمر
وحنا بالبيت الرفيع دوام
وحنا غفيلات واصلنا بعالي العلى
لنـــــــا بتاريخ الجدود مـــــقـــــام
وحنا هل المنسب عريب ساسنا
عا دات من تلفت الاكـــــــرام
وحنا الياجانا العـــي من ضديدنا
نسقيه من كـــاس الظرام حـــــرام
وحنا اليا كادت صبرنا ركودها
قولا تخـــلد للجـــدود أعــــلام
مادام راسي باقي يذاري الهوى
والخيل فيها سبق واعرام
والسيف هو والشلف والرمح والقنى
جعب الليوم فيه كرب أحزام
جانا الشريف بجمع هزت الوطى
ياما على كل القبايل حـــــام
وحــــدر يبي منا مثل ماخذى
واجه سناعيس عــــيال أكرام
تسعين ليله بين جمعه وبينهـــم
كن الضحى يكسي ضواه ظلام
كنا شمال البينه غربي اللوى
وجانا نديب ماوراه أمـــقام
ومن حـــل راح لرسولهم وأندبوله
اليا جينا طنايا العطف أكوام
سرنا وجيناهم على فجة الضوى
وأضفى على بيض الظلام عسام
صحنا عليهم صيحه تقضي الغرم
بمصقلات مـــــابهن للـــحــــــام
وفلت بعرقهم وهاضت جموعهم
يردون حوض الموت ورد حيام
بيص تولى كرهم ثم فرهم
ودلى يوجه للجموع نظام
ودارت وقسمنا مواقع جمـــوعنا
ذبح المواقع بالجموع شمام
عبدة يمين وكل زوبع يسارهم
وصلنا برده والرجوع حرام
وتعاقبت حمر المزاريق بيننا
ياما غدت راياتهم حطـــام
بيص صرخ في عزوة وأعتزابها
وتواردوها اهل البخوت قـــوام
وأقفى الشريف مخايلين عن ديارنا
أقفات مزن والجموع أهزام
شمر اليامن العدوا جاه بالعدى
ردوا عل راس الحريب اردام
لنا صولة تخضع لها الروم والعجم
ولنا مقام من سنسن مقام
شمر هل العليا حمى الدار والحرم
ولنا بطول النايفات مــــقام
ولنا بها من نسل الاشراف عزوه
من دور عراف اليــــــا سنام
حدرنا من القوران وأجبال مكة
على اللين والكايد نحط أركام
من خوف لايوهف عن البيت هايف
ومن خوف سراي القاع ينام
اليا جفت الايام من جاير الدهر
أحط مابيـــن اليــــــــدين دوام
والله ماخذ لهل القول طاعة
وعقب الشمت لازم يجونا اريام
يلوموني الانذال لاكثر خيرهم
يلوموني ويلحقون ملام
يلومني خطوا الرزيل الدوبلي
يبي الردى يبني علي سنام
حلفت مابقي حلال وارثه
ولاأحط بين الصفتين أقســام
غير مهرة صفرى وعود من القنى
وسيف سنسن في يدي غلام
ترى هذى الغي يادايرالغوى
ردا على التالي وهن أحيام
ومن حس بحساب الليالي وعدها
كاسباح دش البحور وعــــــــام
لابدلي من خامة يذرعونها
يحطون لي منها ميز واللثام
يملوني ما العجالا لشواتهم
هم عجلين وأنا على دار مقام
مار يابنت عما وأخت معمر
يابنت أجواد ونسل أكرام
لاتلطمين البيت من يم جارنا
بيت بلا جار علي حـــــــرام
تمت وصلى الله على سيد الملى
عليه لفض االفـــاضلين سلام

وتقبل تحيات اخوك خالد (مادري هي نفس القصيده او لا . الله يستر )

**الامسح** · 16-05-2005 07:35

الصيرمي,,,,,تحياتي لك
بالنسبه للقصيده ....اعتقد انها في مناسبه او حدث فهناك مناسبتان
الاولى يقال ان شايع مر ببيته فوجد المجلس مقفل فسأل عن السبب فجاوبته زوجته(يقال انه كان كثير الزواج)أنها لاتريد استقبال الضيوف لقله مايملكون وتريد المافظه على مافي البيت من الأكل
الروايه الثانيه تقول انها في خلاف مع ابناء عمومته حول اسرافه
وسامحوني لو اخطأت