[align=center][poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
ممكن دقيقه تسمعون .!! بوصف لكم ذيك المهاة = واذا شطحتّ ابوصفها قولوا امسامح يالوبير
تلبس عباة امخصره واحيان تلبسها العباة = مدري صراحه وش اقول حرير لابس له حرير
الصبح صبح جبينها والليل في شعره يبات = واطراف خده كنها شمس(ن) تثنت في عصير
قوس القزح في حجته وان عصبت قوس الرماة = كنه تقول ابعينها لاسلهمت مالك مطير
حب الكرز بشفافها مدمج معه سكر نبات = تطق بصبع للنحل يترك خلاياه ويطير
والخصر ناحل ملتوي مبري معا اربع جهات = ( وال اايه ) ساس المشكله كلن عن الثاني ينير
والعقد ذاب ابنحرها والنحر ياويلي امراة = والصدر كنه لاوقف امير شاور له امير
والزول كنه لاركز قايد كتيبه للمشاة = والرجل حنفى كنها قطاة تشرب من غدير
يوم امها حامل بها تقول في رحمه ضواة = اثر البدر في رحمها لارحم مجناها خشير
والسوق لامن طبته يركض لها خط المشاة = والسيد ياقف لجلها موكب ولاموكب وزير
اذا زفرت وتنهدت يذوب ثلج(ن) في حماة = واذا شهقت جو الرياض يصبح مثل سودة عسير
ولوهمست في غيها تعال يا شط الفرات = يسري ابلهفه يمها في نجد تسمع له خرير
فيروز تسكن صوتها وان زكمت تسمع نجاة = فديت كل احروفها وشلون من بعضه تغير
اذا ضحكت محبوبتي في وسط مجموعة بنات = ينبت لكل انثى شنب واصواتهن خشنه تصير
تشبه لضبح العاديات المسرجات الجافلات = اللي بدون اعنان تاخذني على متنه واغير
بردان حضنه خافقي والقيض جراح اللهاة = وسهيل وصله خابره يظهر اذا هاج البعير !
الزين دوله واعلنت كل الدول عبر القناة = ان المها ياسادتي اتجسد ادوار الوزير [/poem][/align]
رد مع اقتباس
المفضلات