السلام عليكم ورحمة الله وبركاته
من قصائد الشاعر / فهد الفويه العبدي الشمري(عرضة)
راكب فوق حمرا تهذل اهذالي ...
حرة(ن) تقطع الديان مامونه
فوقها واحد(ن) ماهو بذلالي ...
دون صبيان حايل لاتعوقونه
لاركب شيخهم من فوق مشوالي ...
حلو نقل الموازر يوم يتلونه
يوم ثار الدخن والعج ينجالي ...
والفشق مثل مزن هلت ركونه
جوك شمر هل الردات صوالي ...
ويل منهو بوجه الربع ياطونه
اهل مغيضة يمين وجوك صوالي ...
من نوىحرب اخو نوره يحربونه
واهل لبده يسار وجمعهم عالي ...
عادة راس شيخ القوم يهفونه
وآل الاسود مدرب كل ذلالي ...
ينثرون الحمر ماعاد يرعونه
كتبوا بالبيارق كل جهالي ...
شيب عين الذي غلبا يلاقونه
دارنا دارنا حنا لك عيالي ...
من بغى دارنا بالسيف يهفونه
دون حايل نسوق العمر والمالي ...
ولجل حايل نشيل الراس ومتونه
وسلامتكم
رد مع اقتباس
المفضلات