[align=center]السلام عليكم ورحمة الله ...
... أسعد الله أوقاتكم بكل خير
متواضعه .. تطمح تنال ولوّ على القليل من أذواقـكم
:
:
:
[poem=font="Times New Roman,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تدري وش اللي يصير لحضة غيابك ؟ = أحس نفسي تشتعل من غضبها
تلقى خفوقي واقف اْيطق بابـك = ودموع عيني تنتثر من عتبها
أسرح مع بروقك وأخايل سحابـك = وتيبس عروقي والالم قد شربها
وأسري مع الهاجوس اطارد سرابك = وأشـبّ نيرانً ظلوعي حطبها
وانظم قوافي عشقنا في كتابك = وحبر القلم ينثر حروفً كتبها
خيّـال عشقك كل عالي رقابك = يصهل جواده يوم حزنه نهبها
مّرات حرفي من وصوفك يهابك = ومرات يضرم نار بُعدك لهبها
باشكي على اوراق الأسى من عتابك = مادام دنيا الـهمّ واسـع رحبها
وارسم سهم داخل خفوقً سطابك = قطرات دمّه .. من غيابك سببها
وتبكي عيوني للـوفـا من عقابك = واقول لعبه .. والهوى بي لعبها
يطعن يقين الشك زيف ارتيابك = على مـزون احـلام.. وبلً سـحبهاا
لعبة صراعً داخلي مع ضبابك = أعيشها صمت .. وذهولً عـقـَبها
:
..يعني..
:
يعني أغتيال النفس وقت اغترابك = وتعتق جنون العاشق اللي اكتسبها
مااقدر اعيش الهمّ وقسوة عذابك = وتجعل عروق القلب تكثر عطبها
مـجـرّد اوهامً وعشقي صحابك = زلّة لسانً والقدر محتسبها
عن الـكلام المـجحف..احسب حسابك = حـرّك سكوني والحنايا اجتذبهـااا
مادام اعيش الشوق قلبي زهابك = شـرّد ..و..ذلّ احـزاني اعـدم شـحبها
تـرجـم غـرامً فـالمشأعـر تشابك = يقرا تفاسير العيون وهدبها
باعـذب كلام العشق / سيّل لعابك = والـهـجـر يـكـذب : حامضً ياعنبها
صاحب سموّ القلب / حضرة جنابك = كل الصفات بحضرة الـمـلـح تـبـهـى
ترف العذارى والحسن في شبابك = تروى عروق اللي سعى في طـلـبها
:
:
تكفى دخيلك..الا .. لـحظة غيابك = احس نفسي تشتعل من غضبها[/poem]
:
:
:
وسلامتكم ..
تقديري // أحترامي
أخوكم
عادل السلطان[/align]
رد مع اقتباس
المفضلات