[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
( طفل الوفاء )
حبيبتي لو اسئلك وش تودين = من شان قلبي لك يبوح بحنينه
أحب انا يامهجتي من تحبين = غصب(ن) علي مادام اشوفك تبينه
لأنك أنتي خافقي .. وأنتي العين = وتدرين تكرم لجل عينك .. مدينه
طفل الوفاء فيني على ماتخبرين = يمد لك من حر شوقه .. يدينه
بكى .. شكى واللحين لو عنه .. تدرين = يطحن بكبده هاجسه من حنينه
مر الفراق اللي اعيشه من سنين = هواجسه بقصى خفوقه دفينه
وأحس باعماقي جروح .. السكاكين = جروح(ن) هنا بين النحايل .. رهينه
الياس .. والاحزان .. والهم .. والبين = والبعد زود لوعتي .. والغبينه
وشلون أبصبر لا تقولين .. بعدين = العمر دونك مقفيات(ن) .. سنينه
يالمترفه في ذمتي لو تشوفين = كل الخواطر .. والمشاعر .. حزينه
تري الهوى عادات .. سلم وقوانين = تدرين .. وادري والعهد .. تذكرينه
حبيبتي لو اسئلك ؟ وش تقولين = انك خذيتي قلب باح .. بكنينه
خليف [/poem]
رد مع اقتباس
مشرف مضيف الترحيب والتعارف
المفضلات