[align=center]أخر ماكتبت
أتمنى ان تكون عربون اعتذار عن الغيبه[/align]
[align=center](( ممكن سؤال ))[/align]
[poem=font="MS Sans Serif,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ممكن سؤال وقالت أجلس ( بلا جدال ) = ممكن تكرمنا بسكوتك شويه
قلت أعذريني غصب لك خافقي مال = مابيه ( وش رايك 00 تبينه هديه )
وأصلا انا مابيه في كل الاحوال = قلب ٍ بدونك ثقل والله عليه
ممكن سؤال وقالت ( أش بك يارجال ) = وش هاللقافه قلت ماعاد فيه
قلت انتي وشهي ... منين جيتي ... ووش الحال = من أي بلد ... وشلون جيتي بذيه
قالت توقع قلت يمكن من جبال = لبنان .. أما رزتك مغربيه
تلفتت لي وضحكت والشعر مال = ياهوووه يومٍ مالت العسجديه
موتٍ حمر ( لاوالله ان زينها خبال ) = سورية الغره وجيد أردنيه
ياملح ضحكتها وياروعة البال = ملح الخليج وطيب نجد العذيه
( يقطع حريش ) عيونها السود يارجال = لاطالعت لك طاح قلبك هنيه
ياعيونها ياوسعها تقل فنجال = لاوالله ألا فوهة بندقيه
منتي بنيه (أي وربي ) ومن قال = أنك بنيه منتي والله بنيه
انتي حلا .. سكر نبات و بُرتقال = تفاحةٍ رمانةٍ مستويه
كيكه .. زبادي .. أو بواكير همال = انتي عسل لا والله أنتي خليه
يصبح بها ضلعي ويمسي بها اللال = كل ماثنت عرقٍ تعدل خويه
ممكن ؟ وقالت هرجنا مو تقل طال = قلت اعذريني ( غصب ماهو بيديه )
أخر سؤال واوعدك كلمة رجال = ولاترفضين الرفض ذنب وخطيه
ممكن اعرف اسمك على كل ( كل حال ) = ياحظها في اسمك الابجديه
انتي منال وقالت اركد وسلال = طيب سميه قالت استح وحيه
طيب منى منيره رشا ساره أقبال = شيخه دلال اسماء موضي سنيه
قالت وهي تضحك بلا هم وهبال = بمشي وظلت بين روحه وجيه
قلت اعذريني واعذري خافق ٍ مال = معذور قالت والنوايا مطيه
واقفت تهز متونها دون خيال = تمشي وشعرها يلعب السامريه
ردت وقالت (هرجك يهبل ان طال )= وخر ابجلس في مكانك شويه[/poem]
[align=center]فيصل اللويش
في 3/3/1426هـ[/align]
رد مع اقتباس
المفضلات