[align=center][poem=font="Simplified Arabic,5,white,bold,normal" bkcolor="transparent" bkimage="backgrounds/20.gif" border="none,4,gray" type=3 line=1 align=center use=ex num="0,black"]
يقول من عدى على روس الطوال النايفات
من ضيقه بالصدر ثانيها وحزتها عصير
يالله ياأعظم من ألا سماء وأجل الصفات
يالله ياغفور وياسميع ويا بصـــــــــــــــــــــير
وأغفر لبي وأبيه واخوانه واجرهم يامجير
يارب انا عبد (ن)خلقته من تراب وطيب ذات
ونفخت فيه الروح وأنت اللي على ذلك قدير
يارب انا ماأخترت أكون الشاعر اللي قاسيات
الطرق يطرقها وتصبح له ارق من الحرير
انت الذي خلقت كائن حي غير الكائنات
الحمد لك والشكر والمنه وفضل الله كثير
يارب انا شاعر وأهيم بكل وادي من شتات
واقول مال افعل وانا مؤمن ولي قلب وضمير
شاعر ويتبعني من الغاوين كثر الغاويات
انبهم وان غررو بي صرت اقل من الغرير
والشعر مثل السيف ابو حدين وعيون البنات
ياليتها كانت مدى الشاعر ومرساه الاخير
ما كان جبت العيد والعذر البنات المترفات
والعالم الله وش نوى قلب المقدى للضرير
البارحه هبت على الريح من كل الاجهات
حتى عرفت ان الليالي غير والوقفات غير
وقمت اتلفت بالسنين اللي غدت مني فوات
وامنت بأن العمر ماهما طال في الدنيا قصير
كلن يموت وينتهى والوقت هات هات
ولاعاد يبقى الاذكر ان كان شر اوكان خير
والشاعر ابقى بعد موته العلوم الطيبات
او عكسها والوقت يأخذ القصايد تستخير
أقرب دليل اللي لهم بالبيت سبع معلقات
راحوا ولازالت قصايدهم كما البدر المنير
الأعشى وعمرو وطرفه بن العبد والعبسي ثبات
والنابغه وابن ربيعه وابن أبي سلمى زهير
والشعر فضل شاعره عن من سواه وله سمات
فضل ابو الطيب وهو سقى واللي بالراس أمير
والشعرمهما فضل الشاعر مقام ودرجات
مافضله بالفعل باليوم العبوس القمطرير
اقولها وأنا اعرف ماتلحفني العباة
اللي طرفها في يدي واكمامها بيد الوزير
لاكن على الله يامتم الصوم ومقيم الصلاة
تدفى الكفوف الباردات وتجبرالعظم الكسير
ياصاحبي ياحظي المكتوب يأغلى الامنيات
يأجمل الصدفات لو ماجات يالسهل العسير
من صيف عام ماخذاني عنك بعد ولا سبات
كيف تجاهلني وانا وضعي من اسبابك خطير
والحب ذنب ما يكفره التجاهل والسكات
واجه فديتك وأحسم الموقف يصير اللي يصير
ولا تعلقني على امل نجوم ساريات
وابقى على قول البدو لو الأأمل مات الفقير
ياصاحبي يأغلى من السنين المقبله والماضيات
يأعزوأغلى من على الدنيا برجليه يسير
لاتحسبني جاهل بعض الامور الخافيات
اللي تحدك وأنت مالك عن مدى قلبي مطير
أدري وأقدر واتحمل واتحاشى الانفلات
والاتراني في بعض الاحيان ماأطيع الشوير
والصبر مفتاح الفرج والقل جراح الاهات
وسهيل يبدي في السماء ويهيج في القاع البهير
وانا من اللي وجدهم على ظهور المسرجات
قوم ماهي بتشد لاجاها من القوم النذير
وش عادني حي على شانه وش لي بالحياة
ان كان مسرجتها فزة الجمع الغفير
لعيون من حبه رسى مرسى الجبال الراسيات
وان اصطفق ما كنه الاالموج في البحر الغزير [/poem]
الشاعر ضيدان بن قضعان[/align]
رد مع اقتباس
وصح لسااان قااايلهااا
المفضلات