سوالف من ديرتنا

**مغترب بالشمال** · 08-05-2005 08:51

بسم الله الرحمن الرحيم

السلام عليكم ورحمه الله وبركاته وبعد

اسف على الغياب ولكن الظروف (لاتقولون حطه بالبريد عييو يقبلونه )

اكاليوم اول ايام عيد الضحيه وتخبرون ايام خير ومطر والصبح كلن ذابحن ضحيتوه وبوه فطور الساعه تسع الصبح (كبسه ) المهم وبوه ربع نازلين حول ديرتنا (جبل شار )وحنا عازمينهم للفطور ونتعرف عليهم وبعد مافطرت الربع عزمونا الجيران ببيوت الشعر والا حنا متطورين نسكن بقريه صغيره (شايفين نفوسنا عليهم محد قدنا )المهم امير قريتنا تعذر بعذرن دسم

يقول تاخرت على الامير لازم نسلم عليه وتخبر راز ن بالبشت ومن قده وعذروه الرجال ومشا من عندنا يبى ينهج يسلم على الامير
وحنا كل انسان ذهب فى حاله والموعد بعد صلاه الظهر ننهج يم عزيمه الربع
قمت اتمشى انا وعشيرى طارق بالديره ونفرفر النيه نتحرى الصلاه علشان ننهج

قلت ياطارق وليه مانفر حول مضارب الربع يمكن يصدف لنا بشر نحاكيه ونوسع صدورنا (تخبرون طرادين هواء )المهم بروحتنا لهم الابوه لوه دتسن لازتن بجنب الضلع ....وتسنى لمحت زول الامير بجنبه المهم لزينا السياره يامار هذا اميرنا اللى نهج يبى يسلم على الامير ولا فطن الاحنا بجنبه (وده لوهو شايفن ملك الموت ولاشافنا )يدرى انا نبى ننشف صورته بين الربع عشيرى ترو معوه جوال الفضيحه (الباندا )وحنا ناخذ لوه صوره دليل ادانه مايقدر يفر شبر بعده يصير زى الحمل الوديع (كنايتن عن المسكنه والخوف من الفضيحه )
قلنا يالامير تبينا نستر عليك وضفنا عندك حطنا مستشارين ويكفينا الف ريال بالشهر قنوعين

وافق بالغصب مالوه منه والا فضحناه وورينا الخلق مقطع السلام

وطقت براس اخوكم لوه فكره وليه اميرنا مايشترى لوه فرس نسابق به اغدينا نكسب ونروح ونجى ذبحتنا الجلسه بالديره

المهم اقنعناوه بالفرس واشتراه وكل يوم وحنا معوه ندرب الفرس على باله مالكن (عزالخيل ) 050103thi

وبيوم من الايام والربع جالسين عندوه وهو رابطن رسن الفرس برجلوه (بالماريه تروه رابطه بصبع رجله الكبير عدك تراعى لراس ضب مهو اصبع )جاء وولده معوه الكاسات بصحن وتقرقش الصينيه بيدوه وهى تجفل الفرس وهى تسحب الامير وتهل الطبلون واميرنا يصيح يقول لاتذبحونه افزعوا لى اما انا عجزت اتحرك من مكانى (يعنى تقعطلت من الضحك ) والربع ورى الفرس يطردونه ولا مسكوه الا اصبعه غادين وش اقول لكم ووديناه الطبيب وقرر بتر اصبعه الصغير يقول ماماسكه الا الجلد المهم جيت ازوره بالمستشفى واخذن معى باقه ورد ويوم شافن وهو ينصرع وندعى الطبيب ويوم شافه قال اسمعوا لاحد يحاتسيه وممنوعه عنوه الزياره

ورحت للطبيب انشدوه وش بلاوه اميرنا
وقال لى الطبيب الرجال معوه انهيار عصبى ولازم من الراحه والهدوء وابعاده عن مسببات الزعل
وهنا اخوكم حس بتانيب الضمير (قلبى قلب طوير مايوقع الا عصير بجنب عشوه وعلى لوه عوشزه )

الزبده كيف اكفر عن ذنبى مع اميرنا دلونى على السبيل

اخوكم الصغير

**الأصيل** · 08-05-2005 09:55

[align=center]يابعدي يامغترب

أثري جاريتن عليك مصايب الدنيا

يخي .. إنت هالحين فضحت أميركم

أكيد انتشر خبر :

الأمير ذو الإصبع المقطوع ( حكاية من التراث البدوي )

.........................

يومنك طراد هوى .. وين قصايدك

خابر الهواوي دايم قصيدتوه حدر ابطوه

كل شوين يهذ لوه وحدتن من قصايدوه

المهم ..

بالنسبة للكفاره

عليك بإخواننا أهل المضيف الاسلامي

انشدهم

وأما هنا

فما هي ظنه أنك تلقى جواب [/align]

**ابو غازي** · 08-05-2005 18:10

[align=center]

.الأصيل ........................

يومنك طراد هوى .. وين قصايدك

خابر الهواوي دايم قصيدتوه حدر ابطوه

كل شوين يهذ لوه وحدتن من قصايدوه

المهم ..

بالنسبة للكفاره

عليك بإخواننا أهل المضيف الاسلامي

انشدهم
وأما هنا

فما هي ظنه أنك تلقى جواب

:2:

ياحيالله / غريب

وشلونك يالعشير ... تصدز لك وحشة ن أمنا بالله

:Goodstar:

اقول / ياخالي / الأصيل
الولد هذا غريب تروه ذهين وداســــــــــــــن قصايدوه عند خويوه راعي الكاميراء الي صور خويوه الثاني وخرعوه وهو يقمز يامار على بطنوه بالزفلت بالشارع

وبعدين أمرالله عليك وشو تبي تقلعوه يم المضيف الإسلامي

ياخوي الفتوى موجوده بهذا عندي ولا عند خوي ابو [blink]مقرن[/blink] ابو مطير

أنا اقول يابناخي يارعي جبل شار .. يامبهذل أميروووووه المسكين

عليك كفارة ... خريف ن موسط ونبيه مندي وتجيبوه عندنا بالمجلس ويشرف عليه ابو مشاري والمخاوي والمطنوخ ولا يقرب لوه المحروم وسرحان ابد

أما أميرك الله يقوم بعونوه ... هاتو لي بهذا وابي بالمخطر اعرتسي على صبعوووه وابي اعطيه من ســـــــــــعوطن توه جايبوه أليّم ... من حمد بسطة بحايل

[/align]

**الـمـحـروووم** · 08-05-2005 22:49

[align=center]هههههههههه

مغترب الله يرجك

عذبت المسيكين

الكفاره لا تسألن عنها
لكن تصدق زين سويتوا فيه عشان مايكذب
مرة ثانيه

إلا أقول وش أخبار الجو عندكم
أنا ذابحتن الرطوبه بالدوحه[/align]

**الاعلامي** · 08-05-2005 23:53

[glow=0066FF][align=center]ههههههههههههههههههههههههههه

هههههههههههههههه

هههههههه

ههه

مغترب بالشمال

مايحتاج تكفر عن ذنبك

ابد صل ركعتين لله وادعه انه يسامحك

وان شاء الله يقبل منك

ويعطيك الف عافيه على الموضوع الظررررررررريف

اللطيف

اخوك

الاعلامي

..

.[/align][/glow]

**أبو مقرن** · 09-05-2005 00:07

[align=center]هلا بالمغترب..
يالله حيووه..وش هالقطاعة؟! يخي!
عسى المانع زال إن شاء الله..
***
مسكين يهالأمير..وش رداة هالحظ..اللي مسكتك رقبتوه؟
ألينك قضيت عليه..وإمرتوه يخلفه الله..
والكفارة ياطويل العمر.. الله والعالم إنك..ماش
خلست ذهن الرجل..وانسفه..! وتبي له كفارة؟!
وزي ماقال : ( الإعلامي):
عليك بالصلاة..غدي الله يتجاوز عنك..
ولاتنسى تصدّق باسم الرجال..وحجج عنه له كم حجة..!
***
همسة للأمير الله يشفيه:
ليتك سالم.ن. من هكالسلام..ومنثبرن.ن. عند أهلك..
وربعك واجد..من هاللي يتخطفون الإمرة تخطف..وتاليته تصير بروسهم
***
تحياتي..لك يالمغترب..ولاتبطي![/align]

**نافع بن طواله** · 09-05-2005 04:59

المغترب

عندي لك كفارة .ن. الله يديم الرخص

ماهي لا طلي ولا طلّي

3 شندويشات شاورما وحده عن التصوير ووحده عن أصيبعه ووحده عن الإنهيار الصعبي

الله يديم الرخص..

**مغترب بالشمال** · 09-05-2005 10:45

الاصيل يامال العافيه الدافيه

ههههههههههههههههههههههههه(الامير ذو الاصبع المقطوع )

اما القصايد وانا وش مسمعك هكاليوم يالعشير

شكرا من صماصيم ضلوعى مره اخرى

**مغترب بالشمال** · 09-05-2005 10:50

ياهلا بالخال والله ابرك الساعات جيتك بهذا

انت وش تبى براع الكيمره تروه اقشر ياخال (بوه لعانه مهى بالبشر )

العشاء الليله ياخال بهذا لاتنسى

ابشرك ياخال عالجوه الدختر سرهيد (الله يحل مخطرك عندوه )

**مغترب بالشمال** · 09-05-2005 10:55

المحروم ابرك الساعات الخراشيه اللى جابتك بهذا

بلحظات اقول انوه يستاهل ومراتن اخرى انكس واهون اقول حرام مايستاهل

الجو رطوبه وقيض وبلنا بر والواحد لاشاف ريران (الصحراوى )عده مالكن هالدنيا

شاكر لك مرورك

سلام حار عدوه شطه اهديه لك