[align=center][poem=font="Simplified Arabic,5,white,normal,normal" bkcolor="transparent" bkimage="backgrounds/15.gif" border="none,4,gray" type=3 line=1 align=center use=ex num="0,black"]
يضيق صدري لاطروا ليلة السبـت
ليت الليالي كـل ابوهـا ربوعـي
بيت ٍ سمعته فجر الضغط والكبـت
وازريت لامنع من سمعته دموعـي
هلت على خدي وونيـت وارتبـت
وازداد هاجوسي وهمـي ولوعـي
ياصاحبـي فرقـاك منهـا تعذبـت
ماطيقهـا كـم ٍ وكيـف ٍ ونوعـي
صغير سن ومن مفارقـك شيبـت
الله ياشيـن المـفـارق يـروعـي
فُرض علي البعد فرض وتغربـت
والله ماهـو باختيـاري وطوعـي
شكلا بعدت وواقعـا منـك قربـت
بالشوق واللهفة وقلـب ٍ ولوعـي
قلب ٍ هواك وفي عروقه تسربـت
وانا احسب انه حامياته ضلوعـي
عزفت لحن الحب عزف وتلاعبت
باوتار روحي ياجميـل الطبوعـي
غزيتني بجيوش حبـك وحاربـت
واعلنت لك حبي وكامل خضوعي
يزور طيفـك خاطـري لاتغيبـت
واشتاق لك واظما وصالك واجوعي
ياصاحب ٍ نظمت لاجلـه ورتبـت
اجمل بيوت الشعر نظم ٍ مروعـي
يضيق صدري ضيق في ليلة السبت
وارتاح واستانس نهـار الربوعـي [/poem]
الشاعر مجهول لدي[/align]
رد مع اقتباس
المشاركة الأصلية كتبت بواسطة المطنوخ
المفضلات