بعض قصائد منصور بن سعدي ((رحمه الله))

**خالد الشمري** · 08-05-2005 10:18

ولد العم بندر من قال يسلم و حيّاك الله
راعي الكار ومن قال يسلم وحيّاك الله
فليص حيّاك الله وبالنسبه لسؤالك مافهمته

**( المسك )** · 08-05-2005 16:38

[align=center]سوالي

اين اجد دووواين للشاعر منصور سعدي الرمالي بالنت قصدي مو براء

السوال الثاني

قصيدة منصور الرمالي الي من الف بيت الي قصدهاا بشمر وين احصلهااا

ومشكور اتمنى اسئلتي واضحه هالمره [/align]

**المهرة** · 08-05-2005 22:02

[align=center]ياقلـب مـادام الزمـان متحديـك
أصبر على ميلات وقتـك وجـوره
ويانفس صبرك والفرج عند واليـك
كوني على مـا قـدّرالله صبـوره
هاذي هـي الأيـام لابـد تسقيـك
عقب الحلا..كاس الكدر والمـروره
وهاذي هي الأقـدار لابـد ترميـك
من بـرّه الآمـن لمظلـم بحـوره
لاتجزعي مـادام الممـات متقفيـك
وكوني على صعب المواقف جسوره
ولا تيئسي من رحمـه الله يخليـك
الله هو القادر..علـى حـل أمـوره

رحم الله الشاعر 00 وجميع موتى المسلمين
وسلمت الانامل على النقل المميز
دمت بخير
اختك 00 المهرة[/align]

**خالد الشمري** · 08-05-2005 23:14

الاخ فليص ماعندي خبر عن دواوين لمنصور بالنت وبالنسبه للي تقول قصيدته من الف بيت اوّل مره اسمع به ماعرف الا قصيدته طنايا هي اطول شي ومشكور على التواصل
الاخت المهره ومن قال يسلم وحيّات الله

**( المسك )** · 09-05-2005 03:03

[align=center]ايه رحم الله شيبانك

ايه هي قصيدة اسمها طنايا

وين احصلهاا بالنت

وذا هي حولك دزاء لناا الله يجزاك خير او اقول اسدحها لنا بالمضايف [/align]

**خالد الشمري** · 09-05-2005 23:57

الاخ فليص لك ماطلبت واعذرن على التأخير

يقول الشاعر منصور بن سعدى الرمالي الشمري رداّ على شاعر مطير :

بديت بذكر من فيه استعينا00000 اله الكون فى ذكره بدينا

عظيم الشان رب الخلق الاوحد0000 تعالى الله خير الخالقينا

اله حرم الظلم وتوعد0000 توعد بالعذاب الظالمينا

ومن بعد ذكره بدينا بالمثايل....تركت النقص واخترت الحسينا

وارد الرد لبن نعيم هايف0000 واحذر من سب الغافلينا

أحذر مثل هايف كل هافي....يتجنب لابشّره يبتلينا

يتجنب كان هو يبغا حياته000 وياويله كان هو طاح بيدينا

يعيف الاوله هى والتوالى000 ويعرف افعالنا ليا من بلينا

ويعرف ان الفعول فعول شمر0000 وشمر بالفعول المثبتينا

وانا ماذم حمران النواظر000 ولانا من يسب الغافلينا

اخاف الله انا و ادرا عذابه 0000 وعسى ربى من الظلم يحمينا

ولكن بلاني هايف اللى0000 ذكر لى غلبنا غلبن علينا

بدا فى ذمنا والبادى اظلم 000 فتل حبله وبالنقض ابتدينا
تمادا بالغرور وبالمذمه0000 ظلم نفسه وجعل حضه دفينا

غزانا الهيس بلسانه واخذنا 0000 وذبحنا بالكلام ولا درينا

ردى النفس مدرى ويش اصابه0000 ولادرى وشبلا الخايب علينا

ولادرى وين ربعه من كلامه 0000 علامه مالقاله ناصحينا

قليل العرف مثل الورع ينصح0000 ولكن مانصحوه العارفينا

ولا درى ويش بلا الجاهل تجاهل 00000 فعايل من لهم فعل يقينا

جعل فعل القبايل غير شمر000 وتقول مطير نجم معتلينا

ولكن ماأحد حسب احسابه0000 ولا لحساب من مثله خذينا

احده وان بنا بيت نهده0000 واذا عاند على خشمه وطينا

اهينه لين ينسى بأمس وينه0000 ولايعرف اليسار من اليمينا

وينسى كيف ينظمن القوافى0000 ويتبدل زجره الماضى ونينا

الا يالذيخ وش خلاك تكذب0000 وتحط نفسك بمقام الكاذبينا

تقول فى بكير ذبحت الطنايا0000 متى ذا صار ياابليس اللعينا

على كيفك تذبحنا بزيفك00000 بزيف وكذب وأوهام تغزينا

ترى فى كير ماذبحت شمر000 خذيتوا مثل ماحنا خذينا

ولكن اذكرك باام الجماجم000 بها زدنا عليكم واعتلينا

هزمناكم بها اكبر هزيمه0000 وترى ماسلموا الا الهاربينا

بها صلنا وجلنا لين نلنا0000 ورجعتوا خاسرين ونادمينا

تندمتوا على حرب الطنايا000 ورجعنا للغنايم كاسبينا

طنايا نروى الظامى من الدم0000 على راس المعادى له حنينا

واذا يالهيس تجهل فعل شمر000 سل التاريخ يعطيك اليقينا

واذا انك ناسيله ماتذكر000 ترى التاريخ يذكر مانسينا

سل الاجواد عن تاريخ شمر000 كبار السن والى فاهمينا

يعدون الصحيح ويقنعونك000 والى يخفاك منهم لك يبينا

هل الذمه هل التاريخ سلهم000 ولو هم من عربك الاقربينا

تركد وانشد العقيل عنا0000 قبل تظلم وبالقيل تهجينا

تقول مطير صاروا عون شمر000 على الويلان معنا قايمينا

متى شمر طلبوا العون منكم000 كذبت ولالكم فظل علينا

ولكن قل مع ابن سعود قمتوا000 ومع مبارك وقفتوا والتقينا

وعليكم بالصريف الرعب خيم0000 ورجعتوا مع مبارك خاسرينا

اعنتوهم علينا وان هزمتوا0000 عوين خيب ظن المستعينا

فلا نلتوا مديح ولا سلمتوا0000 مثل من عاد يم القريتينا

وتقول الظيغمى شلتوا جواده0000 وخت في ملك فتنان سنتينا

اقول انت تهبا كاذب وكاذب000 فلا شالوا عموم مطير شينا

كذوب وبالخطا عمدٍ تعمد0000 لعنك الله لعنه كل حينا

تقول انه قليل اللى غلبكم0000 وتقول بكل وقعه فايزينا

ونسيت الغزوه الى كد غزاها.. ..حدا اللى بالحجاز مسيطرينا

ابن عون الشريف اسمه محمد 000 غزاكم وين فعلك مايبينا

وذكركم عن ملاقاه انتحيتوا000 ولاتخفا عليك ولا علينا

وشواهدها قصيده من غزاكم000 ونفس النص موجود لدينا

وغزانا والتقينا به بموقق000 وحنا الى ثبتنا ماانتحينا

تقابلنا وصار الصبح ظلما000 يشيب من الفزع راس الجنينا

صمدوا فريسنا تسعين ليله000 سناعيس لضده ماتلينا

وجت زوبع وطير العز غنى000 اناشيد النصر للصامدينا

بذاك اليوم سمينا الطنايا0000 طنايا مانهاب ليا طنينا

طنايا مارضينا بالمهونه000 ولانرضى المهونه ماحيينا

طنايا الذل ماننزل جواره000 وعلى انفسنا المذله مارضينا

طنايا وان نطحنا كل غازى000 يتراعد خوف من يقبل علينا

طنايا من حربنا له ضربنا000 نصب الويل فوق اللى يجينا

طنايا نارد حياض المنايا000 اسود بالحروب مجربينا

طنايا عندنا تحل القضايا000 حرار بالعلالى معتلينا

طنايا نكرم العانى ونعطى000 وعطايانا الجزايل ليا عطينا

طنايا وان نصانا كل ضايم.... يشوف العز من ساعه يجينا

فكم من واحداً ضاق وزبنا .....زبنا مستظيم وله حمينا

حمينا من لجا يطلب احمانا......ودحرنا كل غدار ونحينا
طنايا يوم ارماح القوم تخطى000 تصيب ارماحنا من به رمينا

طنايا فعلنا فعل يترخ000 ويبقى ماعلى البيدا بقينا

تدارسه الاجيال غير حنا000 عظيم ولو جحده الجاحدينا
طنايا هم سلاطين الجزيره000 وهم الحكام فى ماضى السنينا

طنايا من الزمن قرن احكموها0000 اضف عشرين معهن حاكمينا

تسيدنا وسدنا بالقبايل000 قبايل نجد كله له ودينا

وتسلطنا بحد السيف الابتر000 أزحنا من تولاه ولينا

على يدنا هدمنا حكم دوله000 وعلى يدنا لدولتنا بنينا

والى من حكمناها بقوه .....ماهى هدوٍ اخذناها ليدينا

وكتبنا اسم الطنايا فوق عرشه000 واسم من كان يحكمها محينا

وفتحنا فى سجل الحكم صفحه0000 وصفحه من حكم فيها طوينا

حكموا فيها ال الرشيد ابطال شمر0000 نعم هم من حكم حكمن مكينا

وترى شمر فعايلهم تعجز000 تراهم باالفعول المثبتينا

تلقبنا بغلبا ماا نغلبنا0000 لكثر غلبنا العايل علينا

على الاعداء قاسين وصيارم0000 يلينن الجبال ولا نلينا

طنايا وان نخانا كل مبلى000 توشحنا الهنادى وانتخينا

ونخينا كل مقدام مجرب0000 وجمعنا الجمع وبالجمع التقينا

واخذنا بثار من صوت لشمر0000 بدل هذلول شيخينن رمينا

مشى هايس لهم لعيون هيفا0000 تنخوا وانتخا ذرب اليمينا
وفعل فعلٍ رفع روس الطنايا0000 وعلى فعله اخصومه شاهدينا

ونوانا الشيخ ابن هندى بحايل 000 وحنا من نوانا له نوينا

تحركنا ونزلنا له بعروى ..... قصرنا عنوة الشيخ وعنينا

تقابلنا الضحى والشمس حيه0000 وخسر فيها وحنا الرابحينا

ورجعنا للجبل معنا الغنايم000 عوايدنا ليا منا غزينا

وفعلنا المعجزه فى كون بقعا000 ذبحنا كل طاغى ماطغينا

ثلاث آلاف من مات وتصوب.....نهارٍ فيه شاب المرضعينا

نهارٍ فيه سوينا الهوايل.....على اغلب جمعهم حنا قضينا

صفا بقعا عليها الدم غطا0000 وكم راس شيخ له وطينا

شريدتهم حلف واقسم وطلق000فلا يغزا مدا عمره يمينا

وحاصرنا الكويت اشهور اربع000 وثلاث قلاع بالجهراء بنينا

ولاذوا فى حما الانجليزعنا0000 وفعلنا المعجزات ولا انثنينا

ونخانا الشيخ ابن ثانى واجبنا000 كما العاده ليا نخينا مشينا

امرنا الضيغمى نمشى وسرنا0000 لبني يأس وهل البحرين جينا

وصلنا لدار ابن ثانى واغرنا0000 على جمع الغزات الطامعينا

وهزمنا جمعهم والكل يشهد000 وشواهد ماذكرت القلعتينا

الى يومك باسم برزان تعرف000 دلايل فعلنا لو مااحيكنا

يكونن الفعول بفعل فاعل0000 وحنا للصعاب الفا علينا

وغزينا الجوف يوم رويل زادوا....وهدمنا دونها الحصن الحصينا

وذبحنا بالهنادي كل خير.....بقطع الراس للغادر جزينا

حصدناهم وابدناهم ابادة.....هزمناهم واخذنا البيرقينا

علينا يبتغون الزود لكن....تطيح الروس ماتعلا علينا

وغزينا المنتفق باطراف دجله000 وهزمنا جمع خزعل و ارتكينا

هزمنا اللى مع مبارك يحامى0000 وعن الفزعات ياما له نهينا

ولكنه تمادى فى غروره000 تناسى فعلنا مادرى نسينا

دفع قيمه غروره نصف جيشه000 جزا للكبر واستهزاه فينا

يقود اجموعنا شبل مجرب 000 شجاعن مايذل ولايلينا

شجاعن كل اهل نجد تهابه000 ويهابونه هل البصره وسينا

له الشيخان يهدون الهدايه00ا وله الفرسان لهيبته خاضعينا

سلاطين الدول تاخذ احسابه000ولااحدن فيه يقدر يستهينا

وجميع ال الرشيد ابطال شمر0000 لهم فعلن وتاريخ مبينا

جمعوا مابين الاماره والشجاعه000 ومابين اللين والعزم المكينا

ولو نجد وحموها واحتموها0000 اسود الغاب حامين العرينا

اسود مايهابون المعادى000 اسود يقهرون المعتدينا

اسود اسياد سادو بالجزيره000 اسود عيال اسود محنكينا

اسود اسياد سادو كل سيد000 هم الاسياد رغم المنكرينا

وترى شمر تميزهم ثلاثه0000 بها عن غيرنا متميزينا

صخانا الحاتمى من دور حاتم0000 اضف معها الشجاعه ثم دينا

ورثنا الجود من ابوا الجودحاتم0000 بنا الامثال تضرب كل حينا

وسكنا بالجبل قبل النبوه000 ومابعد النبوه له حمينا

ونحينا عن جبلنا كل طاغى0000 بحد السيف قطاع الوتينا

براضى نجد قد رفرف علمنا0000 ومن البصره الى حد الرافدينا

تحت راياتنا تمشى قبايل0000 ومن يعصى على داره مشينا

وحنا أهل المروة والأخوة .....واذا ضاقت على المبلي يجينا

وكنا اهل الريادة والسيادة......لنا تخضع ارقاب العالمينا

طنايا للمعالي فوق نرقا......سنام المرجله فوقه رقينا

لنا التاريخ يشهد بالحقايق.....مع اهل العرف فيهم شاهدينا

حقايق لو جهلها مثل هايف....كثير الناس ماهم جاهلينا

حقايق لو جحدها كل جاحد......تبين وتتضح غصبٍ تبينا

حقائق حق تثبتها وثايق.....لها التاريخ واثباتٍ ضصمينا

ولا أحدٍ يدعي بأفعال غيره.....سوى عن اللي بالفعايل عاجزينا
ولا احد ينكر افعال القبايل........سوى اللي من فعايلهم غبينا
ومن يظلم وعاش العمر ظالم.......عليه يسّلط الله ظالمينا
عليه يسّلط الله من يذله...........ويعيش بذل مدحور مهينا
تعال الله مايهمل ويمهل............اله مايدان وهو يدينا
اله يعلم اللي بالسراير............وما نخفي نفوس الحاقدينا
انا فيه التجي عن كل حاقد.......وعن اهل الحقد هم والحاسدينا
هلا التزوير وخلاف الحقايق........وهلا التزييف والبغض الدفينا

وسلامتك

**( المسك )** · 11-05-2005 00:05

[align=center]الله يجزاك خير بيض الله وجهك

ياخوك عقب ماخلصت من القصيده حاس اني مرتفع شوي

يمكن هذي الي يقولون عنهاا الطنيه ونا مااادري

على العموم مشكور واتعبت معي الله يستر عليك [/align]