[align=center]السلام عليكم ..
.
.
.
.
.
أتجرأ للمره الثالثه ( والثالثه ثابته)
وبدون مقدمات ...
..................................................[/align]
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالو اكتب لاتجامل خابرين إنك صريح=قلت حنا في زمن ماتنبغي فيه الصراحه
البخيت اللي من هموم الخلايق مستريح=يفترش حر النفود ويلتحف سفت رياحه
عزبتي حدب الدلال .. وصاحبي نجر(ن) يصيح=يطرب الساري بليل ويجذب الغادي صياحه
مبتعد عن شوفة اللي خوّته مابه مديح=الرخوم اللي ( حشاكم ) هرجها مابه ملاحه
بعضها من غير طعم وبعضها من غير ريح=خلو المصباح ليل وخلو الممسا صباحه
المنافق في نفاقه يودع المخطي صحيح=يخدع المغروووور بالتظليل ويزيد امتداحه
لو لسانه أعجمي .. قالو: نعم شعره فصيح=لعنبو دار العدو من وين تاتيه الفصاحه!!؟؟
كم قصيده دمها من هرج شاعرها يسيح=وكم قوافي صابره بالظييييم وتلملم جراحه
إيه يالخيال حول عن حصانك واستريح=لو تطول المعركه تاخذ من الحرب استراحه
إي نعم صدري شمالي واسع(ن) رحب وفسيح=كالمحيط الهادي اللي ماتحدد له مساحه
ما رفعت الراية البيضا .. ولو إني جريح=عايف(ن) شرب الهماج إلييين يصفى لي قراحه
(راس مالي) عز نفسي حييييل في مالي شحيح=والشهاده دون راس المال تهديني وشاحه
كل باب يجيك منه الريح سده واستريح=والكلاب ( الله يعزك ) مايروعني نباحه
الحروف بلا نقط ماتلفظ بشكل(ن) صحيح=وقايد الدفه مضيع مادرس فن الملاحه[/poem]
.
.
.
[align=center]ودمتم جميعاً بخير[/align]
رد مع اقتباس
مشرف مضيف الترحيب والتعارف
المشاركة الأصلية كتبت بواسطة الأصيل
المفضلات