هذه القصيده قالها الشاعر نمرمنورالحربي يرحمه الله قبل وفاته بسته ايام وهي:
(( سكرة الموت ))
( جــاني وانا في وسط ربعي وناسي) ( جاني نشلني مثل ماينشل الــــناس)
( مني نـشل روح تشــيل المآســــــي) ( تشكي من أيام الشقى تشكي الياس)
( أثر ألألم في سكرة الموت قــاســي ) ( ماهالني مثله وانا انسان حســـاس)
( جابوا كفن أبيض مقاسه مقاســـي ) ( ولفوا به الجسم المحنط مع اراس)
( وشالوني اربع بالنعش ومتواسي ) ( عليه ومغطى على جسمي لبــــــاس)
( وصلوا علي وكلهم في مآســي ) ( ربعي ومعهم ناس من كل الاجنا س)
( ياكيف سوى عقبنا تاج راسـي ) ( وامي الحبيبه ويش سوى بها الياس)
( اسمع صدى صوت يهز الرواسي ) ( قولوا لها لا تــــــلطم الخد يا ناس)
( قولوا لها حق وتجرعت كــاسي ) ( لا تحترق كل يبي يجرع الكاس)
(اصبحت في قبري ولابه مواسي ) ( واسمع قريع نعولهم يوم تنداس)
( من يوم قفوا حل موثق لباسي ) (وعلي رد الروح أناصوت الاجراس)
(هيكل غريب وقال ليه التناســي ) ( صوته رهيب وخلفه اثنين حراس)
( واقف يقول ان كنت يانمر ناسي ) (هذي هي اعمالك تقدم بكرا س)
(ومن هول ماشفته وقف شعر راسي) ( وانهارت اعصابي ولا ارد الانفاس)
(ياليتني فكرت قبل انغماسي ) ( بالغفله اللي منتهاها للأفلاس)
(وفزيت من نومي على صوت ناسي) ( اصرخ واقول الموت واحذر الناس)
صدرت هذه الابيات في جريدة عكاظ العدد 12664 بتاريخ5/2/1422 يوم الاحد
-------------------------------------------------------------------------------
من لم يمت بالسيف مات بغيره تعددت الأسباب والموت واحد
رد مع اقتباس
المفضلات