7سنوات و علمت ان الدنيا مافيه خير !!!!

**عجايب بنت الشايب** · 01-05-2005 11:33

السلام ياكرام ....
اسمعوا // بأحكي لكم معاناة اتذوق مرارتها الى الان !!

مرة وحنا في الصف ثاني ابتدائي (ا) و(ب) وكان البنات كلهم يبون (ب)

علشان مربية الفصل حليلة وطيبه وشرحها زين اما (أ) باختصار مفارقها الحلا <<<<<< اتحداك تقولينها عندها

المهم كل الامهات حطن بناتهن عند الحليوه وامي معهن بعد حطتني عندها

وصار عدد الفصلين ماهو متساوي

وجتنا المديرة والوكيلة ومربية الفصلين

وقالوا ... يابنات ياحلوين مين اللي تنقل اللصف الثاني

والبنات .. لا لا لا ..............<<. للمخدرات

وبنعطيم وبنسويلكم ومدري وشو ... أغرائات وحنا مصممين على راينا

مانروح لها حتى اننا فضحنا امهاتنا قلنا .. امي تقول لاتروحين لابلة

(.....) <<<<<< بسم الله علي قوية من يوم اني صغيرة

ويتحايلونا .... المهم اني

انغريت ....... أغووني ...

واقوم ... انا بروح ... وتقولي القشره ... شاااااااطرة حبيبتي

هذي احسن وحده

عاد قلت بقلبي .... ياحــــــــــــــــــرام ظلمنهاه والله انها حليوه

واستانست ...... حبيبت اقوى مدرسة بالمدرسة

واشيل أغراضي وكرسيي واروح معها للفصل

وتحطني السيد اللي قدام .... وانا فاتحه الكشرة

ويم جينا نكتب الدرس .. تذكرت اني ناسيه قلمي بالدرج اللي فالفصل الاول

وأ قوم . بكل ابتسامه.. أبله ممكن أروح اجيب قلمي نسيته ؟

الا تجيني ذيك الصرخه ...

عما ان شاء الله ماتشوفين ليه ما اخذتيه من قبل ؟؟؟

ونصغر عويناتي ........ ومستحيل اطلع ...... وانغريت

وعرفت وانا ام سبع سنوات :192r: ان الدنيا مافيها خير !!!

أحزن ...صح ؟

وتمضي السنون

وادخل الكلية

ويجي التطبيق الميداني على المدارس وقالوا لي ترى بنتها في اول متوسط

بردي حرتك ..... ونويت ........ بس هونت

مو من اخلاقي ...

**الأصيل** · 01-05-2005 12:45

[align=center]والله ياخاله ..

اللي جرا عليتس .. جرا على غيرتس

إحمدي ربتس واشكريه

تسان من الصرخه وجاي : بسييييطه

أهم شي .. لاتصير به مدت اليد

أو الخيزرانه أم متر و10 سم

على العموم

المثل الدانمركي يقول :

من شاف مصيبة الأصيل .. تهون عليه مصيبة كلتس بنا إعجاب

بمان الله

بمان الكريم:480r:[/align]

**هايس الشمري** · 01-05-2005 17:27

[align=center]^
^
^
او لي الغااااااااااز

كلي بكم اعجاااااااااااب

تسلمين على هالسالفة

الذيب[/align]

**المطنوخ** · 04-05-2005 00:26

لاحول ولا قوة الا بالله

اثري القرد متورشعتس<<كلمة من الاغريق

من يوم انتي هالكبر<<<رافع يدي لمستوي قصير

اقول انا لو منتس اقضي على سلالة هالمدرسه واقطع دابرها

لان هاللي بالمتوسطه راح تدبغ حفيدتس

وراح يصير بينكم دم وثأر لا ينتهي

عاد شوفي متى نخلص وحنا كل يوم جايبين جاهيه

زبدة الحتسي

اقضي على البنت

اخي الكريم الاصيل

تصيحيا لما أوردته في مثلك الانماركي

احببت ان اصححه لك بأنه مثل بلجيكي

لذا لزم التنويه

**مناكد** · 04-05-2005 08:12

بسبب صرخه تبين تنتقمين وتاخذين بالثار...

لو الله الا دلع بدلع انتم ودرسكم...

الله يرحم ايامنا...فلكه والعصاء عسيب خضراء...

الواحد منا لياضرب مايقوى يمشي ويروح لكرسيه...

نروح نزحف على الأرض تقل محرولين!!!والرجلين اذا المدرس هاكاليوم رحمنا وماطلع الدم...تنتفخ ولا تدخل بالزرابيل (((الله يكرمكم)))...

ولا حقدنا على المدرسين...بل بالعكس نترحم على امواتهم ونقدر ونحترم احياءهم...

احمدوا ربكم ياللي ماتدانون الصراخ...يالناعمين!!!

**الأصيل** · 04-05-2005 09:01

[align=center]صاحب السعادة الأخ الكريم / طنخااان

أشكر لكم ماتفضلتم به من تصحيح معلومتي

وهذا إن دل فإنما يدل على عمق الموسوعة الثقافية

والمتجذرة في ثقافتكم الراقية

وهذا ينم عن مدى العلاقة والروابط الوثيقه التي تجمعنا

لما فيه مصلحة البلدين والشعبين الشقيقين

كما أنوّه

كما أنوه للمره الثانية( عاجبتن : أنوّه )

إلى مثلكم الرائع والذي أوردته في طي عبارتك(يخرب ببيت طي)

(( أثري القرد متورشعتس )

فقد جاء في مذكرتكم التفسيريه : أن هذا المثل إغريقي

وحسب ماورد من الباحث القانوني

تبين أن أصل هذا المثل هو ( روماني )

هالحين .. مالقيت غير كليمتي تعلق عليه

أبو زبوووون :

يوووز جووز ولا أعلم أبو غازي [/align]

**الـمـحـروووم** · 05-05-2005 17:17

[align=center]تستاهلين

من اللي قال لك تروحين عندها

هههههههههههههه

كلي بكم إعجاب

يسعدني إنتظار جديدك[/align]

**عجايب بنت الشايب** · 06-05-2005 15:39

[font=System] [blink]الاصيل والذيب [/blink]......... أشكركم على المؤازره

[blink]طنخان [/blink]......... تيهي تيهي ... لاتخليني أتحسف للمرة الثانية

المهم ان شاء الله بنتي تقوم بالدور.....

فيه حاجه مهي طبيعية

اول مرة تجي بصفي

[blink]مناكد[/blink]

حرام عليكم ورع (وغد ) ويسوون بي هالسوات حطمت التربية عندي والاحساس البرئي والتصديق للبشريه

حطمن كل المبادءي لدي <<< المهم ليش تكذب

لي لفته معك !!!! <<<< انحش

ا[blink]لمحرووووم[/blink]

استاهل .... ليش استاهل .... ماعلي شرهه ورع ... قلبه نظيف واغرووه الخدوش اللي قدامه لانه يراهم قدوه

[blink]الأصيل والمطنوخ ............. [/blink]يادبل كبدي دبلاه

عفت الروماني والبلجيكي والاغريقي ... الله يخلف على أبوانكم ماجبتولهم علماً صاحي !!!![/font]