[align=left]اما قبل ...
شمقل وعرفتوه لكن الجميما :
هي برتسة ماء بالقرب من محافظة رفحاء وهي من اعمال زبيده زوجة هارون الرشيد رحمه الله
سوعااااااااااااااااال :
منهي ام هارون الرشيد ؟
اما سالفتي فهي قصه تشطب التسبد فعلا
وهي قصه واقعيه حدثت تمام الساعه الواحده ظهرا
على صكة ام عميد
نجي للجميما ( البرتسه ) ونطبح به نبي نتعلم السباحه لو ان بعضنا قصدوه يتروووووش
وشوف عيني ان الوصخ يطلع منوه تقل اصياخ كباب هههههه
وانا يا محاتسيكم المذرووووب شمقل يجيبن ابوي .
ومافيه طريقه الا وجربه معي ابوي لكن الفشل كان بالمرصاد لي .
مع العلم اني سارقن هيلاهب اخوي شنقل الاصفر اللماااااااعي ( احسبوه يبي ساعدن )
الوكاد زعل ابوي وقال تعال يا ملعون الوالدين مالي الا هالطريقه
وهو يلبسن هكا التوب وهو يربط التوب بحبل وقال رح اسبح وان صار لك شين اسحبك
( دنت منيتي وزغواني الشيطان وقمت احفر عن مذبحي وباللي ماهداني قلت تم )
الوكاد سبحت ( حلوك زول )
ويوم جيت الماسطه وهي تضيع علومي
وهو يلتفت لي ابوي يمار الولد يتلاوذن عيونوه تقل سروق
وهو يحط حيلوه بالحبل وهو ينتلن النتلت اللي ماسرت عينوه
وهو يجيه التوب لو ولق مابوه احد
وشمقل تقل صقطت عربود
وهي تصيح العالم عن يميني ويساري ( مات مات ... مات مات )
سبحانوه معظم شانوه الخوف نوب ينفع
وانا اجيلك تقل عليلي تكس
وانا اقطع لك الجميما طول بعرض من الخرعه
وحنا نتناطح انا وابوي تقل قيس وليلى
الوكاد مالكم بالطويله اللي يشوفنا يقول تقل جايبن كاس العالم ولا حائز على جائزة نوبل للسلام
قال ياوليدي والله اني لانهج بك لمسبح فندق السفير بالرياض
للمعلوميه ( شفتكم ولا شفت هالمسبح )
وانا من هكا اليوم لليوم من الخرعه زاولت الماء
انتم تلوموني ولا لا ؟؟
وهالسالفه ماينساه شمقل للدفنه .
وصدق الشاعر والامير والمرحوم محمد الاحمد السديري يوم انه يقول :
لولا الفقر والخوف والثالث الموت ...... يالادمي بالكون ياعظم شانك
اما بعد .......
هذي هي كل السالفه
والعذر من الله ثم منكم على الاطاله
وسلام [/align]
رد مع اقتباس
شـــــــــــمقل مين يصدز 
ياوداك ابوك للفندق الي بالعارض علمن ابي معك 
[/align]
المفضلات