الى أبي وعمي....مع التحيه

**المطنوخ** · 04-05-2005 01:06

قال خايف أطيح وأروح لكوكب ثاني!!!!!

فتحه ماتجي ثلاث إنشات وعمق نصف متر (((بس انها مظلمه))) الأخ خايف يولي يم كوكب ثاني؟؟؟

مناااااكد

وليدك عسى الله يخليه لك

هذا يمكن أنك تقدر تغير فكره

لكن

هالشيبات وشو يغير فكرهم

انا ماني عارف ليه يدخلوننا المدارس ليا صار هم مهم واثقين بالمدارس

منااااكد مرورك بعد كل نكد

لاعدمنا هالطله المنعنعه

**صلفيق ابو قناة** · 04-05-2005 06:05

[align=center]بالخير يالربع

قو المطنوخ

يحلالي يومك مناشبن هالشيبان على كروية الأرض وش تبي بهم

لا وكل ما عطوك جواب قلت "انزين" "انزين" تدري ان الديمقراطية مقطعتهم تقطيع ولا تسان من قلت "انزين" قالوا لك وبانزينٍ يولع بصوابرك انت والمصاري الي علمك هالحتسي يباخي فلانان مار لو فلانان عمٍ له الا يحرفك يمه ليا دبلت تسبده

طرت علي لي سالفة هكالحين وأنا أتطوع "يا قربه من سنة تطوعة الأصيل" وأصلي بالجماعة بعض الفروض، ويمار تونا وادزعين بجلسة التورك بالصلاة "تعرفونه ما يحتاج شرح" وما غير أتورك حتى لو جلست بين السجدتين
أثري أبوي باددزلي ومندبلةٍ تسبده من هالجلسة الله يغفر له.

المهم صليت بهم هكاليوم ويوم سلمنا وطلعنا من الصلاة وأتمسمس دزدام أبوي وكاشخ على أخواني يعني اني أنا المطوع يالدشير ويوم وصلنا البيت قال ابوي صلفيق قلت هاه قال وهواه
يا مسبوع الابو يومك ليا هذا انفرثت تقل قعدة خبازه على جال صاجه وش بلاك

لا له عادة تجلس هالجلسة الطفسة ولا والله ما عاد تطب هالمسجد كثر ما طبيته

تسلم يالمطنوخ وعسى الله يحفظك لهالشيبان

ل الغالي مناكد الله يخلي لك هالتحفة أجل خايف يروح كوكب ثاني[/align]

**بو رائد** · 04-05-2005 13:45

مشكور المطنوخ والله اضحكن رد صلفيق بالله اقروه

**نافع بن طواله** · 05-05-2005 07:07

طنخان ياملا اللي

توك مدرّس حدا الوغدان علوم وجايٍ للشيبان بالدتسه تبي تكمل عليهم الحصه

يارجل خل عنك علوم المدارس ودوّر لهم علوم القدعنه والقدعان

**الـمـحـروووم** · 05-05-2005 16:55

[align=center]المطنوخ

وعمى يعمي خشتك

ماحصلت حدن تفلسف عليه إلا الشيبان[/align]

**المطنوخ** · 13-05-2005 06:17

هههههههههههههههههههه

ياخي شف انت لازم تجيبلوه

دليل ملموس من واقعه

تسلم على هالسالفة

اخوك

الذيب

وشو؟؟

وش اجيب لوه؟؟

اقول يالذيب ,,,, كيف الحال

**المطنوخ** · 13-05-2005 06:19

حتى انا مع عمك لله درووووه

يبينا نصدز هالكيفران

اقول مثل ماقل ليه يامننا وقفنا سياراتنا ماتدحدر بالله هااه ههههههههههههههه
اقول ويش رايك اجحمك بالمخطر أنت والريم اليوم سوالفكم سوالف وغدان

رجاءا يا عم بوغازي

حنا سوالفنا سوالف شباب

اما انتم يالشيبان فلله دركم

قد راح زمنكم

اما المخطر تر فيه مؤامرة هاليومين لسرقة المخطر

فانتبه!!!!