في المدرسة

[الأصيل]

[align=center]السلام عليكم ..


بالخير شباب

بالخير خالاتي

...................................

عقب جولتي الأخيره بالمحاوره ( يسوي دعايه )

قلت .. لازم أريح أعصابي بمنتجع الفله

................................

حكمة الأسبوع :

العلم في الصغر .. مثل مخطر أبو غازي على الظهر

.......................................


قبل أكثر من عشريييييين سنه ( أجل وشكبرك الحين ) ؟؟

كنت بالمدرسه

بالمرحله الابتدائيه

كانت طاولتي بجنب طاولة رفيدزي عواد ( حبيب شرواكم)

ونا من النوع المؤدب الهااادي الساااكت

منتبه مع المدرس ..

كان علينا حصة لغه عربيه


وكان المدرس مصري ...

أظنوه صعيدي ...

من سوهاج أو دمنهور أو كفر الترعه ( الله أعلم )

لكن عليه جسم ..... آآآآآآآفه

ياكبر يدوه ... تقول الصحن اللي نغرف بوه غدانا !!!

وكل اصبع .. تقول مغرافة اليدام ...

مدري شياكل مسبوع الأبو




مالكم بالطويله


هكا الحصه

المدرس جالس على الكرسي ،، ويقرا علينا قصه من كتاب

والقصه طوييييله

وبصراحه .. زهقت


ومن حسن حظي إني كنت بجنب الباب ..

حدا عويناتي .. قامن يراقبن الرايح والجاي

هذا طويل وهذا قصير .. هذا ليه لابس هاللون


سهيييييييت ونسييييت الحصه والمدرس



ثواااااني ...

حسيت إن بوه شي يقترب مني ...

لم أنتبه!! مالخطب!! ويح قلبي ( يابو ثوب .. تراك بالفله ،خل اللغه العربيه )



الله يجيركم

عسى مايجرا عليكم اللي جرا علي ( قولو آمين)



مافطنت


ألا الصعيدي يوم خامست كفه لخدي الأيسر

ليوالله أنا من صيد أمس

عظيت القاع !!!!!!!!!!!!!!!!!!

ما أدري شحصل !!!!!!!!!

ليه أنا تحت طاولة رفيدزي عواد ؟؟؟!!!!!


شرار داخل الدماغ

مع

زغللت العيون

مع احمرااااار شديد على الخد الأيسر ( أثر الجريمه )

مع سيل من الدموع ( عزااااه )







من عقب تلك الحادثه المروعه

قمت ما أغمظ عيني عن المدرس

من دخوله الفصل ... ليما يطلع ..

........................................



والمثل يقول :

تكبر وتنسى يابوثوب






ونا يامحاتسيكم .... للحين مانسيت [/align]

[هايس الشمري]

[align=center]هههههههههههههههههههههههههههههههه


ذكرتن بسالفتن لي نفسه

انا اكالحين بخااااااامس


المهم ارسلن مدرس قال رح جب عصا<<<<<<<<<<ناسيه هالمدرس الله لا يبارتس بوه هاللي قردن

المهم و امر على الفصول يوم تهايقت مع قزازة الباب

يمار هذا مدرس العلوم يوووووووووووه عاد هذا لعبتوه فنون الضرب و الجلد

و من حركاتوه

يجيب معوه فستق و يقرط فستقه فوق و يقول للطالب راع له و يا راعا له االمغلوب

على امره هالطالب

يصفق بكلتا يديه


على كلتا وجنتي الطالب

و كل يوم جايبون لوه حركة ملعون ابو المهسهس

المهم نرجع لسالفتنا يوم تهايقت يمار هذا هو

قلت بظبط الكلام و بقول يا استاذ الاستاذ فلان يبي العصا

دخلت و قلته قال ليه ما تقول الاستاذ فلان ليه تقول اسموه حاف


قلت يا استاذ و الله اني قلته


قال لا ما قلته

تعال اولاااااااااااااااااااااااااااك <<<<<<<<<<الملعون تويجري بس حتسيوه حتسي سوري

و اجيك ادودل راسي

ما فطنت الا الطراق ما يتعامل الا بطراقات

قال امسك العصا و ثاني مرة قل الاستاذ

قلت طيب

حكم القوي على الضعيف



الشاهد من السالفة


انوه هالسالفة حتى انا ما نسيته




تحياتي يبو ثووووووووب[/align]

[أبو مقرن]

[align=center]الغالي: الأصيل
ربعك واجد..
والله إن بوه لو مدرس.ن.ليا شفتوه هالحين ..أوجس تقل حرارة بصابري الأيمن..مع خفقان.ن.متتابع.ن.بالقلب..على رورغة عيون!
وكل هالأعراض..سبب مخمس.ن.ماوعيت من صفقتوه لي إلا عقب رابع يوم..

إلا إنت ماسمعت راعي المثل (الإيرلندي) اللي يقول:
من السهل أن تنسى من تقرطست بوجنته يمينك..
ومن المستحيل أن تنسى من تقرطست بوجنتك يمينه..

***
تحياتي لك..يابو ثوب..[/align]

[المطنوخ]

[align=center]الزينة ماهي هذي

الزينة هذي مره كان عندنا مدرس مصاري ملعون الجدف وبس يلمخ طراقات وكان طوايل تقل من لاعبين سلة امريكا

وحنا كنا اكتنا باولى متوسط الوكاد

وكان دوم صارعنا بريحة صنانوه تقل محجوب عن الماء

الوكاد وهو يمر علينا هكالضحويه يمار حنا شلة حول 5 عيال وكان مابنا الا الضحتس

الوكاد وهو يمر على واحد من خوياي يوم قال تلطموا جاكم الكيماوي

هالمصاري تنرفز ويوم تنرفز

وهو يقوم يفرز من عبق الروائح النفاثه

مثل الله يعزكم الخنفس اللي ماردي وشو اسموه اللي ليا منك ضربته ولا ازعلته بث عليك هالريح هاللي تدزعد الميت

الوكاد هو يزعل المصاري

وهو يقوم يزر هالليد يوم غدا بيدينه تقل عصيفير

وهو يقوم يلمعه ويجيه حول هالخمس وعشرين طراق بالدقيقه

الوكاد وحنا نفوع معه فزاعين لوه

وهو يزنجر علينا

وتصير مذبحة صبرا وشاتيلا الله يجيركم

قتلى وجرحى

مالكم بالطويله وهو ينطق حدينا يم المدير

ويعلموه وهو يجينا منطلدز وهو يمسكه بالجرم المشهود

عاد حنا يوم شفنا المدير جاي وهو يغديلنا بتسا

الوكاد عقب ماهدينا قمنا نتبلاه انه سرق بوك خويي وانه سب اهلي

وانه قطع كتب خويي الاخر وخذ من هالتهم

الوكاد اصدر سعادة المدير بنقله من المدرسه وعشنا بسعاده وامان[/align]

[عبدالله المهيني]

[align=center]هههههههههههههههههه


الله يرجك يابو ثوب

اقسم بالله اقرأ سطرين واضحك لي دقيقتين << يلعن ام السجع



ياخي تصدق عاد

مشكلة انتم ياللي تدرسون بالمدارس الحكومية

<<< بزعمه من طلاب الاهليات


إلا عاد تبون الصحيح

والله يا المصاريه والفلسطن

ياهم عثوا بنا يوم حنا وغدان


ذكرتونن بأستاذ جلال

والله من أخذ الريالات من مخابي الوغدان



بس والله تقاضينا بوغدانه الاثنين شادي ومحمد



شاووو يابو ثوب [/align]

[عجايب بنت الشايب]

عزااااااااااه ذكرتني

أضغط هنا

http://www.shmmr.net/vb/showthread.php?t=28154

[الأصيل]

[align=center]الذيب

هلا بالعشير

أثري بك قراده( مثلي )

الله عطاك المدرسه التسبيره ..

ماجيت غير عند مسبوع الأبو ..مدرس العلوم


أثرينا .. بالهوا سوا ..


وتشكراتياتنا على مرورك .....












أبو مقـــــــــــــــــــــــــــرن

ماشاء الله

هالموضوع .. طلع الخفايا

أشوف كل الشباب يشكي الضيم اللي جاو بالمدرسه


والمثل الإيرلندي .... روووووووووعه ..







وأحلى تحيه لعميد الفله












طنخاااان

يوم عندك هالسالفه .. ليه تساميه عننا يالبخيل

ولا مستحي ..






يوم صارت مذبحة صبرا وشاتيلا ..جرحى وذبحى

إنت مع الذبحى( القتلى ) أو الجرحى





المهم.. انتصرتو بالنهايه وتم نقل المدرس


ياولد..




أخاف إنووووه هاللي عطاني المقسوووم

الظاهر إنوه منتقل من مدرستكم








وتحياتوووووووو لأبو زبووووووووون











المهيني ...

أما السجع فــ كذا


تصلح شاعر محاوره


تولم .. الخميس ترن معك بمضيف المحاوره الساعه 10 مساء



أهم شيء إنك تضحك يابعدي


وسلم لي على الاستاذ جلال ووغدانوه










ياكلتس بنا إعجاب

قريت الرابط وبغت تهل دموعي


ياخاله :


الصبر زين


والنسيان نعمه

والمثل يقول : أبو سبع سنين .. سده واستريح[/align]

[ابو غازي]

[align=center]

بالخير خالاتي

ابو ثوب الظاهر إن حالتك ايام المدرسة كل ربيعك مارين ن عليه
اجل حنا يالحبيب دوخنا الستاد اســــــــــــــعد ... الله لايعطرز لوه
ملعون ابو الصلايب إردني وهو من اصل فلسطيني واليهودي اشوى منوه
يابغا يعاقبك قل حط يدينك على الطاولة وهمن هبدك عاد تصور بالشتأ موت برد والعصى عسيب نخلة ن خضر ويحي من حسيبي يامنوه اخطأ نوبن يكف الطالب يدينوه من الخرعة همن انفضخت العسيب ودلت تقطر ماء
الوكاد يوم اصبحنا اكا اليوم حنا بالشتاء موت برد تخبرون حايل برده يامار
هذا الستاد اسعد جايك غازن معلبتوه يمشي مع السيب ويبي يدخلنا الفصل قبل الحصة وحنا نتفق الإتفاق الي تحبوه قلوبكم وحنا نمطلوه بالسيب و بالنعول ومن وين يوجعك دب محبول الذيخه ويوم لعنا خيروه
وحنا نزخوه ونقرطوه بالبركة برتسة المدرسة بوسط الحوش ومفتوحه
ومثلجة ويوم طلعوه يامار لسانوه منمد قلنا مات ملعون الجدف جأ مدير
المدرسة ومسوين فتوه بعد وهو يدخلنا بالفصل وهو بزعموه يبي يجلدنا
وهو يجي يبي يقعد على الكرسي ويقوم واحد من العيال وهو يوخر الكرسي وهو يمدن بيننا المدير وهو يقوم يبينا بالخيزران واحد واحد
وهو يلتوووه واحد من العيال بكا السوط بصرصور الأذن يامار الدم يفور
وهو يقضب الباب ومن حمد ربك بنفس اكا اليوم جونا المفتشين
يامار المدرسة فوضى وهم يفتحون افامهم ويش السالفة قلنا ياطويلين
العمر هذولا الثنين ملعونين جدان ن وهالون وهالون وحنا نشخطهم وهم يقومون يكتبون راحو وماخذينا اسبوع إلا والثنين منقولين وحنا ننبسط
بس تدرون ويش اخرته ضيعنا مستقبلنا بالدراسة كنا لاعبين ولانرد على المدرسين ويوم ناخذ الشهادة يامار كله دواووووووووير ن حمر


نهاية الفتوه

[/align]

[الأصيل]

[align=center]خخخخخخخخخخخخخخخخخخخخخخخخخخخخخخخخخخ

و

ههههههههههههههههههههههههههههههههه


أبوغاااااااااااااااااااااازي


ورب البيت ... عيوني غورقن من الضحتس

يابعد خشمي ... وليه تسامي هالموضوع والمواقف البطوليه ؟؟



لكن .. عز الله الاستاذ أسعد خذا جاو

وبرضوه المدير اللي فازعن لوه




وأحلى تحيه لحبيييب الكل [/align]

[صلفيق ابو قناة]

[align=center]صح لسانك وتسلم على هالطاروق الحلو

يا حبيبي يبو ثوب وأثره غربلك سبيع هالأبو وأنت غافل تقز الرايح والجاي

الا يخي اسهامتك كل هالفترة وعدم ملاحظتك لقومة هالهامة ومشيته ليما صار بجنبك وأنت ما غير مرخي رقيبتك وتقز يرسم علامة تعجب كبيرة وهو أنك يبو ثوب مضحوكٍ لك ومارٍ بحالة تشبه حالة صلفيق مابعد أخذت الشريط وما قبل فوعة ابو سمور برمته

يا ملا العافية يالأصيل على هالسالفة وعلى فتحة الباب لنستمتع بذكريات الشباب الباسمة عن المدارس والدرسين[/align]