أخ مشعل
دامك أستحيت لا ترد على الشايب العتيبي و أنت أصغر منه سن
أحترام و تقدير منك
شيبان شمر يا البناخي أحق أنك تستحي منه و أحق أنك تقدره
ياليتكم يالربع عطيتونا من شواهد السوالف (القصيد) و دمتم سالمين
أخ مشعل
دامك أستحيت لا ترد على الشايب العتيبي و أنت أصغر منه سن
أحترام و تقدير منك
شيبان شمر يا البناخي أحق أنك تستحي منه و أحق أنك تقدره
ياليتكم يالربع عطيتونا من شواهد السوالف (القصيد) و دمتم سالمين
[align=center]ابو عبيد
يعطيك العافيه
الشويطات ماجبت له طريا
ونعم بمطني وعزالله يفعله
اما سالفة محسن
انا اكتفي باللي قلته بعد
والله اعلم[/align]
[align=center]الوطني
يالغالي
بالنسبه للعتيبي اي بالله قدرناه واحترمناه
وشيبان شمر لهم اكثر تقدير واحترام
لكن انا مادري منهم الشيبان اللي ماحترمتهم
كانك تقصد الا خ ابو عبيد
تقديره محفوظ
ولااظن ان مخالفة الراي تعتبر قلة احترام[/align]
أخواني / السلام عليكم
القصه ماهي غبيه
وسمعت أن جدعت محسن هي لضاري بن طواله
والسالفه كالتالي كما روها شيبانا
أنه في مجلس الملك عبدالعزيز وكان النقاش
حول فرسان الجزيره
التفت الملك ممازحا" لمحسن الفرم قائلا" : ـ
أخو حسناء محسن الفرم ( أسألك بالله مابعد ذليت )
قال :ـ ياعبدالعزيز لا سألتني بالله
هذا يومن من الايام غرنا على أبل وخذيناها
ماثار عندها بندق وعليها وسم شمر
وطردنا عنها رعيانها وقفينا عليها.
وكل ما خذيت التفت (أبحر) اطالع لحق أحد
يطلب البل ولا ما لحق أحد
و أصيح على الجماعه اللي معي لاشفتوا طلابه علموني.
يقول والله ما حلمت وعلمت الا يقول واحدن
من الربع اللي معي نظره طيب
يامحسن لحق راعي حصان أسود
يقول هو قاله والا ما قاله ياعبدالعزيز
الاواونست في نفسي خيفه
يقول وأنا أصيح عليهم قفوا بالبل لارحمتوا وانا بنطحه .
يقول وانا الكد الفرس وأنا أغير عليه
يقول يوم أقبلت على راعي هالحصان الاسود وأنا أصيح
(شريدة الفرسان وأنا أخو حسناء)
قال وهو يرد علي فاتحا" فمه أنطح
يا أخو حسنا ء هذا يومن مالك به.
قال : ـ والله ياعبدالعزيز أن أول مارتعدت أنها فخذي
قال : ـ وانا أومي عليه بالرمح ويذريه ربه .
قال : ـ وهو يهوي علي ياعبد العزيز بذيك الشلفاء
اللي ضربتها من فخذي على جنب الفرس.
قال : ـ وهو يعود علي طايح .
قال :ـ أخو حسناء والله واجبك أن الارض تجبر عليك
لكن سلمت .
وهو يمزع الشلفاء من فخذي ويلكد
على ربعي ويرد أبله .
ويمرني ويعالجني عنده ويكرمني لين طبت .
السالفه الثانيه مع ( سند الربع )
يقول شفت بنت مزيونه عند أبلها .
قال : ـ وتحير أقدامي عندها .
قال : ـ وتوافق شوفتي لها صلاه واقوم وصلي وكل ما سجدت أوحيت هذب خيل
قال : ـ وأرفع يدي بعد الصلاه أن الله يجعلهم مغيره على أبلها كود تشوف فعلي لافكيت أباعرها
قال : ـ أشوي الا أبلها صاكين عليها المغيره ومقفينن بها .
يقول قلت أستجاب الله لي وأنا أعرض عليها وأعتزي أبشري بابلك يارعيت البل.
قالت : ـ أرتح ياجنوبي البل يجيها راعيها
يقول : ـ وانا الكد عليهم وطرحلي اثنين يقول ليني خارجن منهم طول
يقول لينها في وجهي وانا أصيح كله العينك يارعية البل.
قالت : ـ مابك شين ياجنوبي لكن أرتح راعي البل يلحق.
قال : ـ وانا الكد عليهم مثل الاوله.
يقول على ضهرتي منهم لينها في وجهي .
يقول وانا أرفع صوتي كله العينك يارعية البل.
قالت : ـ مابك شين ياجنوبي لكن أرتح راعي البل يلحق.
قال والله ماخذيت الا راعي ذاك الحصان
في راس ذاك المذروب (أرض مرتفعه )
عند أفرسه يوم كب 0رمى) سبيل" معه
(دخان/ عظم) .
وربط شماغه على راسه وركب الفرس
قال : ـ وهو يلكدها عليهم وهو ينصفهم نصين
ضاهرن منهم طول محولن بمجموعتن منهم
يقول : ـ وهو يعود عليهم ومثل الاوله
يقول : ـ وهم يخلون البل يدورون السلامه.
يقول : ـ ويحوش أبله معرضن علي قال ماقصرت ياجنوبي.
أنت من يقال لك؟؟
يقول : ـ قلت له أنا محسن الفرم.
قال : ـ ونعم والله يعشاك انه الليله عندي على فعلك الطيب.
قال وتعشى عنده وغيب سنتين وأرجع له
قصدي أخطب أخته اللي شفتها عند الابل
قال : ـ وضيفه يوما" ما
وقبل لا أمشي من عنده كلمته في خطبت أخته.
قال : ـ وهو يضحك هاك الضحكه رافعا"صوته الله وامانه ما يحصل.
تدري ليش يامحسن ؟؟؟؟ .
قلت وأنا زعلان لا والله ما أدري.
قال : ـ وهو يرد بمرد فارس عربي أصيل أقنعني وأستريت منه
قال : ـ والله مازوجك أختي ويجي ولدها بكره
ابوه محسن الفرم وخاله سند الربع
يجي زر بحلوق شمر لاوالله يامحسن بتعفيني يابعد حيي
قال : ـ وانا أضحك مسترا" من حسن رده علي ورفضه الزواج بطريقه شهمه
لايمتلكها الا الفرسان مثل سند الربع
ولكم مني التحيه.
التعديل الأخير تم بواسطة النمر .. ; 02-05-2005 الساعة 03:39
اخواني الاعزاء
اما عن قصة سند الربع ومحسن الفرم
اختلفت عليها الروايات و ان كان بعض الاخوان يريد ياتي بتحسينات من عنده وهذا منما يمله بالقصه لوكانت القصة صحيح اما الذي جدع محسن الفرم وذبح فرسه وهو سند الربع
والكلام عن محسن الفرم نفسه والراوي والذي نقل القصة من محسن
وهو على قيد الحياة الان .
هذا وتقبلو تحياتي
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
[align=center]النمر
حياك الله
وعزالله هذا اللي سمعناه
لاهنت يالطيب[/align]
[align=center]اخواني
انا سمعت كان ماني مخطي
ان اخونا خلف الرويتع من التومان
وبما ان سند الربع تومي
اتمنى من ابوعتيق
يجيب اللي عنده
لان السالفه هذي عامة لشمر
وطيب الشمري وفعله يعلم الله اننا نفخر به
سواء هالشمري عبدي او اسلمي او سنجاري
لاهنتوا[/align]
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات