راعي الكار والمشاركة الاولى

[راعي الكار]

أعزائي الاعضاء ومرتادين مضايف شمرالسلام عليكم ورحمة الله وبركاته انه لمن اسعد ايامي ان اكون احدالاعضاء في هذا المنتدى واتمنى ان تقبلوني اخ وصديق لكم وان تحوز مشاركتي الاولى على رضاكم وهي قصيدة لمقحم الصقري وتعتبر شيخة القصائد ياالله يامطلوب ياوالي الأقدار

أنت الذي مدات جودك لطيفه
أطلبك يامعبود عاون هل الكار

وتحل شطاتٍ عليهم كليفه
أللي مجالسهم بها بن وبهار

ونجرٍ يصوت للنشامى رجيفه
يامزنةٍ غرا من الوسم مبدار

اللي جذبنا من بعيدٍ رفيفه
تومر على كل المفالي بالأمطار

وتصبح بها ديران قومي مريفه
غب المطر فاحت بها ريح الأزهار

تخالف النوار مثل القطيفه
ترعى بها قطعاننا سر وجهار

ترعى زماليق الفياض النظيفه
في ضفة الله ثم جبرٍ وجبار

خيالةٍ يوم الملاقا عنيفه
ترعى بها وضحى من الذود معطار

غبوقة الخطار عجلٍ عطيفه
ويبني عليها بنية اللبن بجدار
عقب الضعف راحت ردومٍ منيفه
ماهي حكايا مسردٍ عقب مانار

اللي هرب وأطراف رمحه نظيفه
ان سوهجوا عنها قليلين الأبصار

من دونها نروي السيوف الرهيفة
والصبر مفتاح الفرج عند الأذكار

ومن لا صبر تصبح حواله كسيفه
خطو الولد مثل البليهي إلى ثار

زودٍ على حمله نقل حمل اليفه
وخطو الولد يبنش على موتة النار

مع العرب يشبه لخطو الهديفه
وإلى بخصته ماسوى ربع دينار

صفر على عودٍ تضبه كتيفه
وخطو الولد مثل النداوي إلى طار

صيده سمين ولا يصيد الضعيفه
إلا ومع ذلك لك الله لنا كار

عن جارنا ماقط نخفي الطريفه
ونرفا خماله رفية العش بالغار

ونودع له النفس القوية ضعيفه
ولا نبدي الخافي إلى صار ماصار

يفلج قصير البيت لو بان حيفه
والجار لابده مقفي عن الجار

وكل بجيرانه يعد الوصيفه
جارٍ على جاره بختري ونوار

وجارٍ على جاره صفاةٍ محيفه
نكرم سبال الضيف حق وتعبار

لامن ولد الاش شح برغيفه
ولابدها تصبح تواريخ وأذكار

وتبقى لدسمين الشوارب وظيفة



نبذة عن هذة القصيدة..
هى قصيدة سميت .. من ضمن ثلاث قصائد

اختلف الرواة ..بشيخة القصائد.. هى وقصيدة

لشيخ مشايخ عنزة الشيخ مشعان ابن هذال وهى ردية

بينة وبين شيخ مشايخ بنى خالد الامير ماجد ابن عريعر..

ومطلعها..

يااللة يا عالم خفيات الاسرار ..........يامعتنى بالخلق والى المقادير


واما القصيدة الثالثة فهى لعدوان العربيد وسميت كذلك بشيخة القصائد

حيث مطلعها
المجلس اللى بة اسماعيل واسعيد........ينعاف لو انة على القلب غالى

حيث انة جمع اربعين شاعر وفارس بهذة القصيدة
واما عن قصيدتنا الموضوع قصيدة محمد النجدى ..فعندما سمع بها ابن رشيد امير حايل ضرب كفية وتمنى ان تكون لاحد من المقربين الية لشدةاعجابة
بها ...

[ابو خليف]

[align=right]حياك ربي ياراعي الكار

ويهلا والله ومليون غلا

ولاتحرمنا من تفاعلك معنا[/align]

[عايدالشمري]

[align=center]هلا بك اخوي/ راعي الكار

ويعطيك العافيه على المشاركه الرائعه

لاهنت[/align]

[راعي الكار]

المهلي مايولي وسرن مرورك اخوي ذيب شراف

[راعي الكار]

هلا اخوي عايد الشمري ويعطيك الله عافية على المرور

[مشــــعل]

[align=center]ياهلا براعي الكار

حياك الله

القصيده لاشك من عيون الشعر
والمعروف انه من شيخات عنزه
اللي هن ثلاث قصايد

لكن بأعتقادي انه من شيخات القصايد بالقبايل كله

واللي اعجب بن رشيد منه البيت اللي يقول[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/37.gif" border="none,4,gray" type=0 line=0 align=center use=ex num="0,black"]
عن جارنا ماقط نخفي الطريفه= ونرفي خماله رفية العش بالغار[/poem]
[align=center]وقال ياحيف ياشمر عنزه سبقوكم على هالبيت

راعي الكار
يابعدي على هالمشاركه
مبدع باختيارك[/align]

[خالد الشمري]

الاخ الكار بارك الله فيك واما بالنسبه لكلمه الشيخه واطلاقها على القصائد فيوجد اكثر من ثلاث مثل الشيخه قصيده الامير عبدالله الرشيد اللي اوله :
الحمد للباري فزع من شكى له........والحمد له ثاني على كل الاحوال

وما قصرت

[راعي الكار]

هلا بك اكثر اخوي مشعل ويعطيك الله الف عافية على الزياده في توضيح البيت الى اعجبه ابن رشيد ويسلمووووووووووو

[راعي الكار]

هلا اخوي خالد اما بكلمة الشيخة بصراحة انا ما وقفة الا على الثلات القصايد الى ذكرت اما ان كان هناك اكثر منهن فأرجو انك تزودنا بهن ويعطيك الله عافيه

[عبدالله الجعيثن]

[align=center]حياك ربي ياراعي الكار

ويهلا والله ومليون غلا

ولاتحرمنا من تفاعلك معنا [/align]