[frame="7 80"][align=right][align=justify]السلام عليكم ورحمة الله وبركاته
بالخير يالربع وشلونكم كلن باسمه عساكم طيبين انا مثل ما قالوا هذه اول مشاركة تنقط من فاهي <<<<< لغة عربية يحق له مو خيوووووه
مدرس لغة عربية.
انا ماودي اطول عليكم بس الصدز اني مليت من له واحد بهذا شيب براسي حتى حواجبي قلبن بيض انا جيتكم شاكي عساي القى عندكم اللي يطفي سبدي.
انا مسكين من عرض المساكين نشبت لي قرادة جتن من جدي الخامس لأم عمتي <<<< احسن شي عنده تعقيد المواضيع.
الوكاد قرادتنالله لا يقردكم بوحدة مثله حاجة ملازمة لي منذ نعومة اناملي سوف نجردها فيما بعد الحين خلونا بقرادتنا اللي حنا بصددها ولازم ملزوم تلقون لي حل يا هلي وربعي انا رجال حدتن دنياي وابعدتن عن أحضان امي وعصا قصدي( حنان ابي).<<<<<<< اي حنان بس على ظهره ابوه ازهق ارواح ثمان عقل.
انا طالب بلوه معيهد قريب من هون وكان اللوضع عال العال بس اللقافة لعبت دوره يوم الله قدر على وحط مصيري بلووه لهاة مصري .
درست الترم الأول وكانت العلاقة زينة للحين يعني نتبادل اطراف الحديث ولا يمنع وجود عدد من الشتائم :629r:اللي تعلمتها من الوالد الله يحفظه يوم كان يتهاوش مع له مصري يوم كنا نبني بيتنا ايامها كنت صغير ما اعرف شين بس حفظت شي من تلك اللعنات قلت يمكن احتاجها مستقبلا.<<<<<<< ادري حمت بكم شوين بس هيك بدوووووه المخرج على ما قالوا.
العلاقات توترت حينما صار تحدي بيني وبين الشباب اللي معي بالمجموعة وقالوا نتحداك كانك شمري وولد ابوك نبيك تحب المصري مع خدوده.
انا تبون الحق والله ما كان ودي احبه احب خالتي مزنه وانتشي ريحة اكا الحلب ابرك من جبهة المصري وريحة ثومه.
بس يوم صار الوضع تحدي لا والله اختلف الوضع ووفعلا نهجت ياما قربت له وانا ادنز عليه وانا انا امطقه من عند عينه والله وهو يفوع تقل مقروص ايه ايه ايه اللي عملته وهي تبدأ المعركة <<<<<< لو معي خيي اخبره ملسن كان فاكن منه بس الدنيا فرقتنا.
انتا ازاي تقرأت وعملت اللي عملته انتا مين عشان تبوسني انا اكالوقت ساكت خايفن من الموضوع انه يكبر بلحيل وتصير مشاكل تودي بمستقبلي المشرق<<<< مايخلي الفصحى كود يحتسي به.
هدينا الوضع انا والشباب بس هو المصري والمصري لا حقد يغطي على حقد البعير والعياذ بالله
وصار ابد الشباب يخطون والوضع عادي اما انا من زلة يستلمن حسي اقشر الله لا يوريكم.
انا ما اقدر اقول شي مصيري وتخرجي من المعهد يتحتم على تقريره هو يعني مالي مفر التخرج يجي بأني اعبر لهاة المصري.
الحين العلاقة انا وإياه مثل الهند وباكستان متوترة دائما وانا صابرن كله عشان التخرج.
والله يا الربع ان بلشت بالمصري لا ينفع معه اسلوب رجال واعتذار جيته وتعذرت وفهمت الوضع لكن ما هنالك تحسي عليه وابد كأنك تراعي لك بقرة لا ولابسن له دربيل ذكرن بدربيل شايب عندنا الله يرحمه ويغفر له.
اكا اليوم جيته وانا دايخ ابد ما اشوف الأرض هذا الله يهداكم انا ساكن لي مع ربع من اخوة العليا واكا اليوم جيتهم دايخ ما براسي غير القهوة وهم يصبون ياما رويت والظاهر ان الربع غشونن.
الوكاد اني حول ثلاثين ساعة ما طب عيوني النوم.
نهجت للدوام وعيوني حمر ويوم دخلت الملوي الفصل الا هذاك هو يامر عيونه بهن الشر قلت الله يستر ، يوم شاف عيوني حمر ومشيتي يعني مبين اني تعبان قال تعالا ائرب هنا وانا جيه منصاع الشكوى لله اه من دنيا صار به المصري يذلني بس الشكوى الله الدنيا تبي صبر لكن هين.
قال خذ ديت وعاوزها بعد عشر دئايئ يبينن اطبع له مطشية وريقة انجليزي قلت ايه هاته اقرطه يمي خذيته وانا اجيك ابي اكتب يا مار ما اشوف شي انطمسن عيوني الله يطمس عيونه.
يوم خذيت لي شوين وهو يقول مالك ايه شارب ايه ويضحك انا من قاله الكليمة وانا اندبلت سبدي انا عصمان الشوارب ما قالت لي الكليمة تجي انت تقوله وييليه بس يا خيي لوهو بهذا كان مفدغ راسه بلوه حديدة.
وانا ارفعراسي له قلت احترم نفسك وكلامك مردود عليك مثل الكلام لو وصل للإدراة والله ما تنام إلا بطنطا.
هو تقل استقعد وقال اسكت وخلينا محترمين احسن قلت انا محترم من قبل ما اشوف وجهك ووالله لو يتهيالي كان فارقت وجهك الحين بس وشاعمل ربي حط مستقبلي بيدك وصار نقاش طويل كاد ان ينتهي بتشابك الايدي بس يوم اتذكر منصبه اهجع واصبر.
مرت السالفة على خير وربك يجيبه بيوم من الايام توه مو بعيد بهذا وهو يجيك المصري ويكتب له خطاب بكمبيوتري((( للتوضيح طبعا حنا بالفصل كلن له كمبيوتر)))
الللي يهمنا من الخطاب اللي هو كاتبه ان الرجال متقاعد ويطلب مستحاقاته او شي من هذا القبيل انا ربك خلانن اقراه عشان امسك المصري مع لهاته ويترك العظمة اللي دابلن سبدي به.
والله عاد انا مليقيف ما علمته بحينها قريت الموضوع ويا ما انتهت الحصة وانا اصوت له قلت هنووووووه تعال يا الغليم تعال ابيك والله وهي يجي قلت ما ادري الخطاب هذا يخصك؟
والله وهي تقوم قيامتهبس انا ادري انه ما يقدر يعمل شين الخطا خطاه وشوله يكتب بجهازي انا؟
مسكته على جنب قلت انا بصير احسن منك وما انا فاضحك بس عاد اهجد وخلك محترم معي والله ان دريوا الشباب انك متقاعد والله ما تصير لك الهيبة اللي انت غازززن نفيستك به يا ابو طعمية.
هو ما اعجبه كلامي بس وش يعمل طأطأ براسه وقال خلاص احنا حنفتح صفحة قديدة بيننا وسمن على عسل وبدأ يزين الكلام قلت خلاص زين من هانا يا ما اتخرج ما بي اسمع لهاتك توغززز عندي .
واتفقنا على الكلام هذا والحمدلله الحين الوضع تمام التمام بس والله يا اني عانيت من المصري الأمرين انا بليا متغرب وتارك ديرتي وزود على ذلك بعيد عن خييوتاليته يجيك قليل الخاتمة ويكرهك عيشتك.
انا الحين عاد جاء دوركم ابيكم تشورون علي وشلون تصير الحلقة الأخيرة مع المصري ودي اعمل به شين ما عملووووه الاولين والتالين خاصة انه ما بقي شين على التخرج هانت باقي شهرين بس وانهج للديار اللي لها القلب شفقان.
هذه معاناتي مع المصري ادري اني طولت عليكم بس والله كل كلامي هذا واشوف نفسي ما قلت شي عن حياتي مع المصري خاصة اني اقابله يوميا .
لا تنسون نبي شور طيب يا اهل الشور ونشوفكم ان شاء الله على خير
قالوا أبو راشد..علامك رافع الراس ونشوفك قوي ..؟
قلت العفو كلنا ناس بس
انا شمري
شمري في هواه ..
يترك العالم وراه ..
يمتلك كل المشاعر ..
ومن عرفه ما نساه ..
لاشفت ضيم الناس في كل البرية ..
اسجد لربي اللي خلقني شمري..! [/align][/align][/frame]
رد مع اقتباس
[/align]
الظاهر انك حظيظ يافلان 
ونبي كل اسبوع ثلاث مواضيع ن هالون ولا لهن رابع 
هلا وغلا باخوي المحروم الله حيه 
المفضلات