على الهوا ...

[((بعيدالنظر))]

[align=center]الغالي شاعرنا / الأصمعي ..
أتمنى لوكانت المحاوره مباشره لأنها هي المحاوره التي تضع الشاعر على المحك مثل مايقولوا ..
لكن المشكله إنها أتت بدون تنسيق مسبق بين الشاعرين ..والأصيل الله يجزاه خير وضع العنوان وأبلشنا . . بإمكان الشاعر بعد التنسيق والموافقه يلغي جميع إرتباطاته ولا يكون له أي عذر بعد التنسيق والموافقه إلا في حدود لاسمح الله لو حصل شيء فوق المعتاد فهذا لايعني أننا لانعذر أحد ..
على العموم المحاوره بدأت يالأصمعي وكانت من بدايتها على الهواء مباشره وأعتقد أننا قطعنا مشوار جيد .. وإن كانت إرتباطاتنا ستحول دون إستمرارها كما تحبون . لكنني اتمنى أن نتجاوز هذا الموضوع في القريب لنحقق لكم ماتصبون إليه وسامحونا..
واشكرك على تفاعلك وهذا الحرص نابع من ثقتك بأن المحاوره المباشره هي الأجمل .
تحياتي لك يالغالي..


الخلوق المرتفع بحضوره// أبو غاااازي .
الله لايهينك يابو غاازي . والله إنك أخجلتنا بطيب قلبك ونقاء سريرتك وهذا هو مايجعلنا نبذل كل الجهود في أن نكون عند حسن الظن بنا .. أدامك الله لنا يالغالي ومتعك بالصحه والعافيه ..
لك من الود أصدقه ومن التحايا أرقها..

محبكم / ((بعيدالنظر))[/align]

[الأصيل]

[align=center]وتحيه خااااصه لنبراااس

على حضوره البهي

واللعب بالليل ... نخليه بالقوايل ...



شاعرنا الغالي العرابي ..

أدري لخبطنا مواعيدك

ونا كتبت الموضوع ... لعل وعسى إني أحصل شاعر متفرغ

والنصيب جابك

ورب صدفه خير من 3 آلاف ميعاد[/align]





[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مابخرجي غير حبة تمر من تمر المدينه =لو يجوع صويحبي .. قسمتها بيني وبينه

ونت ( ماني حاسدك ) كلن عسى ربي يعينه=خرجكم مملي نعايم واللبن وسط الصميل[/poem]

[((بعيدالنظر))]

[align=center]هلا يالأصيل ..
والتنسيق أجمل من لعلْ وعسى .

لكن إستلم طال عمرك[/align].

[poem=font="Simplified Arabic,5,red,bold,normal" bkcolor="transparent" bkimage="" border="groove,1,gray" type=2 line=0 align=center use=ex num="0,black"]
لاتعلمني بما في الخرج وإحنا كاشفينه=والمدينه تمرها وش لون يطلع قبل حينه
والرفيق اللي يقدم لي شماله عن يمينه=مابقلّه وش معي دامه معي عابر سبيل[/poem]

[الأصيل]

[align=center]اسلم واستلم ..

ولعل وعسى جابت نتيجه ..[/align]




[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو تخاويني ترا ماني مقدم لك شمالي=لك يميني (لك يمين الله) ونا صدري شمالي

لو تبرّق في جْمالك .. لو تبرّ ق في جْمالي=يتّضح للابل بالممشا سمينه والهزيل[/poem]
















[align=center]سأكون متواجد الساعه 11 مساء بإذن الله ..

////[/align]

[((بعيدالنظر))]

[align=center]تسلم . وإستلم[/align]

[poem=font="Simplified Arabic,5,red,bold,normal" bkcolor="transparent" bkimage="" border="groove,1,gray" type=2 line=0 align=center use=ex num="0,black"]
يالأصيل أنا محسّب مكسبي من راس مالي=ماحسبت لمن وقف مثل الألف والراس مالي
كان في راسك عماس الكيف في صفر الدلالي=وإن حداك القيض ريّح وإزبن الظل الظليل[/poem]

[الأصيل]

[align=center]مساء الخير ...

وسلم الله العرابي وقلمه[/align]




[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من حداه القيض يصبر كان يبغي للعلا=أما آكل لقمتي من كسبنا ولاّ .. فلا

مارجيت الا العزيز اللي على العرش اعتلا=ولا أنام بطامن الشعبان في درب المسيل[/poem]

[((بعيدالنظر))]

[align=center]
صباح الخير
وأنت سالم يالأصيل .
إستلم لاهنت.[/align]


[poem=font="Simplified Arabic,5,red,bold,normal" bkcolor="transparent" bkimage="" border="groove,1,gray" type=2 line=0 align=center use=ex num="0,black"]
الصبر مرٍ مذاقه .. ما أنت من ناس جهلا=إحسم الموضوع قبل إسبوع ولاقلْ جلا
لاتجي في غفلة العالم وتاخذها حلا=وإن سألنا قمت تفتي وأنت ماعندك دليل[/poem]

[الاصمعي]

[align=center]عاشوا عاشوا

ما شاء الله تبارك الله

وأثركم رجعتوا للميدان والرمي ع النيشان

محاورة جميلة وتبادل أدوار بالنقض والفتل وعلومٍ تسر خاطر مدور المتعة والفايدة

لا هنتوا

معاكم بالمتابعة والتشجيع [/align]

[الأصيل]

[align=center]صباح الفل المصري ...[/align]


[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أجتهد ... والله عطى للمجتهد حسب اجتهاده=أفتي اللي ينشدن واللي طلب مني إفاده

ياعزيزي .. ماتعثر من مشى مشي الركاده=وش تبي ياراعي المعروف في شب الفتيل[/poem]

[الأصيل]

[align=center]حيا الله الأصمعي


صبحك الله بالخير ...

عقب المحاوره ..

افطر معي إنت وبعيد النظر ..[/align]