وين الخوال ؟؟ جاكم ضيف ..

**خلف المشعان** · 31-01-2002 04:43

امزح معاكم

ماني غريب

باسـلم وبـدش أقصـى البيت قبـل أدنـاه

وبـتـمركـى وأشـرب هـــيل قصـايدكم

وبـارك الله فـي من دعاني

وعـلى طـوووووووووول

قصيـــــــــــــــــــــــــــــــــــــ ـده .. إهداء لمن دعاني لمنتدى خوالي :

بكل حب

اللـــــــــــــــه .. يالدنيا ..!!
.
.
.
.
.
.
.
.
.
.
.
.
n.
.
.
.
.
.
.
.
.
.
.
. تقول: الله يالدنيا ‍!! غدى شاعر ، وله جمهـور

............................ واقول : انتي قبل تطلع جماهيري تعرفيني

أنا ماني مثل نايف ، ولاضيدان بن منصـــــور

............................ صحيح اني على قدي ، ولكنك تخبــريني

نسيتي يوم جبتيلي قصيده كلبوها كســـــــور؟

.......................... نسيتي قبل اخليها ( قصيده ) وشعطيتيني

صدق من قال : هالدنيا تدور وتكشف المستــــور

........................ ترى ماقلتها لحـّد ولكــــــنك جبرتيـــني

انا ماسعى ورى الشهره . ولكني ! خطفت النـــور

......................... كثير اللي عشق شعري مثل مانتي عشقـــتيني

نعم مغرور ياهبله ! ( على مثلك ) نعـــم مغرور

.......................... واذا لك حاجة عندي خذيها لاتغثـــيـني

ومادامك تعرفين اني غديت الشاعر المشــــهـــور

........................ أجل لاتشرهين اني أعرفك . لو صدفتيــني

وسلامتكم .

**سويلم الشمري** · 31-01-2002 11:36

هلا بخلف المشعان مرحبا فيك في المنتدى

مرحبا بك بين اخوانك وعلى ما قلت البيت بيتك

هلا بك انت وخويك

قصيدة اراهن على قوتها واراهن على جزالتها

صح لسانك

الاخ خلف حضورك اضافة جديدة للمنتدى واشكر من دعاك

**فيصل اللويش** · 31-01-2002 14:44

الغالي 0000

خلف المشعان

اولا اهلا وسهلا بك بيننا فأنت منا ونحن منك

ثانيا الف شكر لمن دعاك

لا نك رائع ولسوف تزيد منتدانا اثاره

واللي هذا اوله اجل وشلون رااح يكون اللي عقب

وثالثا

وش هاالرائعه وش هاالا بداع

وربي اني صفقت لها

واعجبتني كلمه كلمه وفكرتها رائعه جدا

فعلا صح لسانك

nفيصل اللويش

عادل الشمري · 31-01-2002 16:28

حيا الله البناخي

هلا و غلا

هلا بالوايلي

هلا بخلف

هلا بالشعر

هلا بالابداع

هذي والله الساعه المباركه

عرفتك يا خلف من خلال منتدى اخر جمعنا

عرفت فيك الاحترام انسانا و الابداع قلما

انت ما انت ضيف هنا نرحب بك

انت بين ربعك و ناسك

و قصيدتك هذه دره معلقه بجيد السما
\r

لا عدمناك يا الغالي

**خلف الرويتع** · 31-01-2002 17:00

أسفرت بك وانورت ثم أستهلت تو ما نورتنا ياابن وايل..

هلا فيك وغلا أخوي سعيد جدا بطلتك علينا ..

وما شاء الله عليك أشوفك وسيع الخاطر ...

صدقني بدايات قوووووويه .. (( إذا لم يكن إحتراف )) ..

أتمنى لك كل الخير ..

واتمنى أشوفك على طول في هالمنتدى ..

وكان ودي حبيبي ارد عليك بقصيده..

بس انا مالي في القصيد انا متذوق له فقط..

اكرر تريحيبي فيك ...

واتمنى ان يرحبون فيك لجميع ..

مع خالص تحياتي ...

نسيتي يوم جبتيلي قصيده كلبوها كســـــــور؟

.......................... نسيتي قبل اخليها ( قصيده ) وشعطيتيني

البناخي خلف وايش عطتك قلي

**نافع بن طواله** · 31-01-2002 18:52

خلف المشعان

يا هلا وغلا

وصح لسانك ............. ولا تنقطع عنّا

على فكره إسمك يعني لي شيء وانا متأكد إنت منت اللي في بالي لأن اللي في بالي كبير بالسن (خال أبوي ) على العموم حياك الله

**فلاح العماش** · 31-01-2002 23:13

الاخ العزيز / خاف المشعان

مساك الله بالخير

وحياك الله بيننا وهذي اسعد الساعات وابركها

وصـــــــــــــــــــــــــــــــح لسانك على القصيده الاكثر من رائعه

وما زادها روعه فكرتها الجميله جدا جدا

ويابختك لانك عبرة عن هذا الموقف اللي مرّ على الكثير منا

الله يعطيك العافيه

وعلى الود والمحبه نلتقي

اخوك /

فــــلاح العماش

**بشير اللويش** · 01-02-2002 00:33

هلا ياخلف بن مشعان

يابعد حيي انت مانت غريب انت راعي محل والااكيد انت اللي تقهوينا وبصراحه ماقصرت قهويتنا احلا قصيده

فلا خلا ولاعدم يالغالي ...
الحق يقال اني كنت ولازلت وسابقى الى الابد من المعجبين بما تنظمه من شعر فلاتحرمنا منه

أنا ماني مثل نايف ، ولاضيدان بن منصـــــور

............................ صحيح اني على قدي ، ولكنك تخبــريني

..... ونعم بك بنايف وبضيدان ؛؛ كلكم عيال حمايل يقال لكم نعم اذا حل طاريكم وهذا من طيبكم ...

صح لسانك يالغالي

تقبل تحيااات اخوووك الصغيررر

**مجموعة إنسان** · 01-02-2002 03:05

حيا الله خلف

وقصيده أكثر من رائعه

وياويله ماتبي غيره عز الله هذي الفشيله

انا ماني مثل نايف ولا ضيدان ابن منصور
ــــــــــــــــــــــــــ صحيح إني على قدّي لكنك تخبريني

عزالله رهيــــــــــــــــــــبه .

**واحد من الناس** · 01-02-2002 18:50

بسم الله الرحمن الرحيم

الاخ خلف المشعان

الله يحييك ويامية مرحبا

اما القصيده رائعه ولا اروع والحقنا بالثانيه ترى خالك عطشان للي مثله

‍‍‍ وتقبل صادق الود

اخوك

(( واحد من الناس ))