اهل الفله ممكن نتحاور ...

**الشبث** · 18-04-2005 00:56

[align=center]اخواني اهل الفله

مساكم الله بالخير

بصراحه انا ياواحد وين مارحت انكرش ( يتم طردي )

ومالي الا مضيفي الغالي فلة الحجاج

وعلشان كذا ابيكم علشان نتناقش بامور فلتنا ايه الحجاجيون

وياليت كل واحد عندوه ملاحظه على هالفله يقوله بصراحه هنيا

واي واحد عندوه اقتراح يقولوه

اما انا ماعندي الا بعض الامور

واللي من اهمه

اننا نحارب المنقول بجميع الاشكال

ونحاول نكتب مواضيع متميزه

ولو كل واحد يكتب موضوعين بالاسبوع جزاه الله خير

ولكم مني ثلاث مواضيع بالاسبوع اذا تبون

حتى لو تبون اكثر

واهم شي نبتعد عن الشد في ردودنا

وهالشي نتميز فيه بعالم النت كاااااااااامل

واخيرا

اتمنى تقولون كل اللي عندكم

وتقلدوا تحيتي[/align]

**المطنوخ** · 18-04-2005 01:11

[align=center]والله ياشبثي

انا لي وجهتن من النظر بخصوص الفله

يعني انا قاعد اشوف

ان الشرهات تجينا حنا يا اهل الفله اذا مازرنا المضايف الثانيه

ويحطون الف علامة استفهام اذا شافوا اسامينا من زوار الموضوع وماردينا

وحنا يالله دخلك مابقى احد مادخل مواضيعنا بالفله واللي يرد هل الفله وقله من المضايف الاخرى معدودين

ووالله هالشي بالنسبه لي والله ما اشكل علي

عادي

لكن علشان تتآلف القلوب ونتقرب من بعض

يعني على سبيل المثال الاخ الشاعر الغالي بركات الشمري

وانا عارف ان مجاله شرق وانا غرب

وعمري ماشفته شرف مواضيعي

لكن ان شفته رد علي اكيد راح ارد عليه بواضيعه وقصائده

وبالتالي ينتج تقارب وسؤال ونشده وتعارف

وانا الحين تقريبا تشرفت بمعرفة اهل الفله كلهم حتى خارج النت

لكن انا اطالب اهل المضايف الثانيه ان زاروا مواضيعنا يردون والله حتى لو بكلمة ...شكرا بس

ومو لنا

والله الاعضاء القدامى عارفين انتوا منو لكن للأعضاء الجدد

نبي نعطيهم دفعه معنويه قويه

وهالشي راح يكون بمساعدتكم

وافزعوا معنا علشان نفزع لمضايفكم

وسلامتكم

واسمحوا لي على الاطاله

والسموحه من أخي بركات الشمري على ايراد اسمه

ولكن هو اول واحد طرى على بالي وذكر اسمه بمواضيعي يعتبر شرف لي

والشكر الجزيل للشبث على هذا الموضوع الرائع و

ودائما سباق لكل ماهو جديد ومفيد

دمتم بكل ود[/align]

**الشبث** · 18-04-2005 01:28

[align=center]تسلم اخوي المطنوخ

والاخ بركات علم من اعلام مضايفنا

وانت من الناس اللي يقع على عاتقك مسؤليه كبيره

لانك تعتبر من ابرز كتابنا

وياليت تشد حيلك بهالاشهر الجايه نبي نسوي حركه بالفله

يعني كل ثلاث ايام ننزل موضوع مره انا ومره انت وش رايك

وحتى الشباب الباقين نسوي بينهم كذا

يعني لو نخصص اليوم الفلاني لفلان واللي بعده فلان وكذا

يصير عندنا مواضيع جديده ومتميزه ومو منقوله

ويصير فيه حركه بالفله

اما المضايف الثانيه فكلها على العين والراس

واللي يبي مساعده يبشر

بس اهل القصيد لاننا اذا جيناهم خرب قصيدهم هههههههه

تسلم يا المطنووووووووووخ

وتقلد تحيتي[/align]

**شموخ** · 18-04-2005 01:43

المشاركة الأصلية كتبت بواسطة الشبث

[align=center]

وياليت تشد حيلك بهالاشهر الجايه نبي نسوي حركه بالفله

يعني كل ثلاث ايام ننزل موضوع مره انا ومره انت وش رايك

وحتى الشباب الباقين نسوي بينهم كذا

يعني لو نخصص اليوم الفلاني لفلان واللي بعده فلان وكذا

يصير عندنا مواضيع جديده ومتميزه ومو منقوله

وتقلد تحيتي[/align]

شبيثان نعنبو ابليسكم مانشطكم بالضحك :00113:، مضيف إقرا ماشفت لك موضوع غير أعمار الحيوانات بعدها ماعاد شفتك

على العموم مجهود صراحه تشكرون عليه سواء كان في الفله او غيرها من الأقسام

تحياتي لك
شموخ

**الشبث** · 18-04-2005 01:54

[align=center]

شبيثان نعنبو ابليسكم مانشطكم بالضحك ، مضيف إقرا ماشفت لك موضوع غير أعمار الحيوانات بعدها ماعاد شفتك

على العموم مجهود صراحه تشكرون عليه سواء كان في الفله او غيرها من الأقسام

تحياتي لك
شموخ

الاخت الغاليه شموووخ عندنا

يا حظنا ياحظنا

انا اختي الكبيره تامر علي امر

فلذلك ابشري باللي يبلشك باقراء

كل اسبوع بنزل عندك موضوع يعجبك ولا ازيد ههههههه

وتسلمين اختي على هالمرور الرائع

وتقلدي تحيتي[/align]

**سرحــان** · 18-04-2005 02:00

[align=center]

هـــــلا ومرحبا

الشبث

تسلم والله يالغالي على هالفكار بس قل وش تبي

وحنا حاضرين

تقبل تحياتي[/align]

**هايس الشمري** · 18-04-2005 02:03

[align=center]يعطيكم العافية

و انا بتكتب لي موضوع لو ان مالوه داعي

بس عاد مدري متى

و الله كل يوم اقول الييوووووووووووم تتحقق الاحلام

كل يوم اقول اليوم و الظاهر مهو منكتب

ولكم اعطر التحايا[/align]

**درداح** · 18-04-2005 02:21

[align=center]
لايكون تبي تسوي اقلاب مادري انغلاب يالمارج

[/align]

**الشبث** · 18-04-2005 02:34

[align=center]

تسلم والله يالغالي على هالفكار بس قل وش تبي

وحنا حاضرين

تقبل تحياتي

بالبدايه

مايامر عليكم عدو يابعد زولي

والهدف من هالموضوع اننا نتحد في مصلحة الفله

واللي نبيه ان اي واحد عندوه موضوع ولا سالفه ينزله عندنا

او يرسل الفكره لاحد زملائه وزميله ينزلها بالنيابه

و تسلم على هالمرور الطيب

وتقلد تحيتي[/align]