لاتعليق

[خالد الشمري]

هذا النص منقول
.......................

فيه موضوع محيرني من صغري..اشوف عندنا ناس لابغوا يكشخون ميلوا عقلهم..عاد انا بصراحه ذبحني الفضول وقلت بروح انبش ورى هالسالفه.؟؟؟

ميله العقال كيـف..متى ..ولماذا..؟؟؟

تلك العاده التي تميز بها اهل الشمـال..واصبحت صفه ملازمه لهم.. ماهي اسبابها...؟؟

اختلفت الاسباب وتعددت الروايات ولم يتفق الرواه على سبب واحد لتلك العاده ..المميزه..

من خلال البحث وجدت 4 روايات ترجح سبب انتشار ميله العقال..

الروايـه الاولى.. تعود الى عصور بعيده مضت.. ويقال ان احد شيوخ الجربا ولم يحدد اسمه ..ابلغ قبيلته ان حربا ستنشب بينهم وبين احدى القبائل المجاوره .36*.والمشكله ان الامر صعب بالنسبه لفرسان شمر لان تلك القبيله تتشابه معهم بصفات عده ..منها انهم يرتدون نفس الملابس..ويستخدمون نفس الاسلحه..وكان هناك تبادل بين خيولهم مما يجعل الامر صعبا عليهم في التمييز بينهم.. لذلك طلب منهم شيخهم .. ان يجدوا حلا ليفرقوا بينهم وبين اعدائهم.. فاقترحوا ميله العقال..

اما الروايه الثانيــه.. فيقال انها جرت في عهد بن رشيد ففي ذلك الوقت كانت عشيره عبده يمين البيرق وعشيره الصايح يسار البيرق.. مما قال (( الاشقـر )) في ذلك:


بيرق اهل حايل توسط جمعنا=عبده يمين الشيخ والصايح يسار


فيقال ان ابناء عشيره عبده بما انهم يمين البيرق فانهم يضعون العقال مائلا على جهة اليمين عكس ابناء عشيره الصايح حيث يضعونه جهة اليسار..

اما الروايه الثالثه.. فيقال ان ميله العقال كانت في عصر مضى اشد من وقتنا هذا لدرجه انك لاترى من عيون الرجال شيئاً ..وهو رمز على الشجاعه.. لان (( عيونهم )) لا تنظر من هم اعداءهم او كم عددهم..

اما الروايه الرابعه.. فيقال انها عاده تشد انتباه الفتيات لانها تميز ابناء عمومتها عن ابناء القبائل الاخرى ..36*

تلك كانت الروايات الاربعه.. سألت انا بدوري احد الرجال الاوليـن .. فقال لي.. انها صفه كانت تميز الشباب..
لانها كانت لزوم الكشخه ..يعني على قولته __ اذا بغى الشاب ينصب..ينصب بمعنى يترزز... :D__ فيقوم بتميله العقال .. وكذلك يقوم فيها بعض الرجال اللي يتشببون.._ انا اللي اعرفه انه جدي للحين يميل عقاله _

ومن الابيات التي تذكر تلك الصفه قرأت للشاعره (( بنا بنت ملاقي المسطح )) هذه الابيات..


قفوا شمال ربعنا=وكبدي تقل يصلاه نار
ودي ازوغ بشوفهم=ان اقبلوا مثل الحرار
يازين ميله عقلهم=اليا ركبوا قب المهار



وكذلك ماقاله خلف العتيبي مخاطبا خادم الحرمين الملك فهد بن عبدالعزيز..


مادام مميل اطراف العقال بجانبك موجود=فلا تخشى..ولا تحسب لاحد يفديك بفواده..


ويقصد بمميل العقال ولي العهد الامير عبدالله بن عبدالعزيز..

وكذلك ماقاله نايف صقر..في صاحب السمو الملكي الامير عبدالله بن عبدالعزيز...


ياللي عقالك فوق حاجبك ميال=نفداك لين جدودك الوايليه
منين اببدي فيك يالشامخ العال=حيرت فيك القدره الابجديه
من يم ابو تركي بطل دار الابطال=والا لدمك وامك الشمريـه..


واختم كلامي ببيت للشاعر ذيب الشمري..

ارى في عصايبهم لقوس القزح مرسام=والاقواس بالميله تقلد عصايبها



تحيـــاتي

[المشرف العام]

حياك الله اخوي مخلب

موضوع ذو صله :

http://www.shmmr.net/vb/showthread.p...E1%DA%DE%C7%E1

[خالد الشمري]

الاخ الكريم (المشرف العام) حيّاك الله ومرورك هو المكسب لنا
انا نقلت هذا الموضوع من منتديات خزامى نجد قسم خزامى الباديه للكاتبه شماليه ولك حق الرجوع لمصدري والتأكد ولم اعلم بوجود هذا الموضوع في الشبكه
على العموم كسبنا مرورك والسلام عليك ولك التحيّه

[المشرف العام]

طيّب ما قصدي شيء اخي مخلب

فقط . . احببت ان اضيف شيء للمشاركه فتذكّرت انها سبق وان تم طرحها هنا

واحببت ان اربط ذلك ، لكي تعمّ الفائده

وإذا مضايقك ربطي لها ، ان آمر وخل الباقي علي

لاهنت يالغالي

[خالد الشمري]

اعوذ بالله بالعكس يالامير قلت لك مرورك مكسب لنا وان شاء الله النيّه الطيبه والثقه عندك وعندنا الله لايهينك يالامير بس انا حبيّت اوضح المصدر فقط وقريت انا الرابط اللي انت حطيّته بالعكس به فايده لي ولغيري وان دل على شي فهو يدل على متابعه وحرص على مايكتب ومحاوله ربط وتقريب المواضيع لأي قارىء

بارك الله بجهودك ومره ثالثه انا اللي كسبان بمرورك وتعقيبك