[poem=font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
انا من قبل لا احبك وصرت لهمك الحمّال = ومن قبل الغلا حطيت لك بالقلب انا حشمه مع التقدير
تركت الناس من حولي وجيتك عاشقٍ رحّال = يبي قربك وانا هبالي قبل عقلي معاك يطير
اثاري حبك اللي قلت بدا دمعٍ غدا همّال = نزل في لحظته لكن .. ولابقلبك بقى تأثير
يحيف اللي لجل قربك يبيع الخيل والخيّال = وباع القلب من شانك .. وكنه مخدرٍ تخدير
كسر رمح الصبر فيني عمر غربه .. حزن رجّال = كسرت الصبر في رمحك .. عرفت ان المحال يصير
دفنت ايام وسنينٍ رمل هم ودمع شلاّل = وغطيت الدمع بعيون كذّابه .. وماتقنع / بلا تبرير
حسبت انك تراضيني واثاريه الزمن عيّال = وعرفت انك بلاقيمه .. فلوس .. مزوره تزوير
كرهت الحب من بعدك عشقت الهيل والفنجال = وعزمت الخال مع عمي .. سناعيسٍ معاها مطير
عقب ذولا انا مابيك لاناقه ولاجمال = وتأكد انه ماباقي ابد بالقلب لاحشمه ولاتقدير [/poem]
رد مع اقتباس
المشاركة الأصلية كتبت بواسطة فهد المويهي
المفضلات