[align=center].
.[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وربي ما قصدت أجرَح و دمعك للعيون يخون = ولا كان الشّقا قصدي و لا ردّك على بابي
تبيها كلمةٍ تروي غرور العاشق المجنون = و تبغيها وَهم ينحاك من حولك .. وانا مابي
أشوفك أكبر من اليم و توسَع من غلاك الكون = و أكبر من أقول إنك: "عزيز" و "كل أحبابي"
أحبك فوق كل الناس حبٍ ما يشوبه لون = أحبك بالطهر و الله و لكن .. تدري أسبابي
أنا ما قلتلِك بَبعِد لجل مازيد فيك طعون = أهو آخر خياراتي و ربي شاهدٍ ما بي
تِسائل و أنت يا عمري .. خبيرٍ بالذي مكنون = وما عندي أقول أكثر من إنّ : انهاااارت أعصابي
قراري مو وليد آنِه .. قراري ماضيٍ مدفون = و لكن طال بالكلمه خجلها خلف أعتابي
بتتصوّر صعب هجري .. حياتِك مِنْ لها و شلون ؟! = أبشرِك عيش مَعْ نفسِك .. بتشكر بعدها غيابي
تظن ما همّني فراقِك ؟ .. كلامك وان جرحت يمون = لأن الباقي من جرحك .. أموتبّه و يحيا بي
تبي تعرف أنا بعدك عيوني وش كثر يبكون ؟ = قبل لا تِفطر بدمعِك .. أنا دمعي تعشّابي
هروبي من أجل لا شوف دمعٍ يستثير شجون = وأحنّ و أرجع لعهدي و أعاود أفتح كتابي
دخيلك لا اتّرجّاني و تكسر خاطري المسجون = لأنك و الأكيد إنّك .. لوحدك ساكن أهدابي
حبيبي كل أبو خوفي .. حضور الثالث الملعون = وأحسّك دون خلق الله .. لزوم ألبسلِك حجابي[/poem]
[align=center].
.[/align]
رد مع اقتباس
المفضلات