قصيدة إلى النفس .... إلى نفسي وكل نفس
[poem=font="Simplified Arabic,6,black,bold,normal" bkcolor="transparent" bkimage="backgrounds/16.gif" border="double,5,seagreen" type=0 line=0 align=center use=ex num="0,black"]
يا نفس مدي حبل وصلك معَ الله =لا تقطعي يا نفس حبل الرجاوي
سيري و قولي للشقا و المعاناه =اللْه على كل شي قادر و قاوي
لامن هقينا فيه خيرٍ لقيناه = دايم و ربي عند حسن الهقاوي
تذكري جُوْدَه و عفوَه و يمناه=تذكري دايم عظيم العطاوي
يا نفس من هو طاوعك ضل مسعاه=عبدك.. وعبد النفس ضايع و غاوي
لو أتركك من دون ردعٍ و منهاه=بالعون خضتي بي ظلام المهاوي
بقسى عليك و قسوتي فيك لله=أخشى تِمدّي للجحيم الخطاوي
في قسوتي لك خير فوزٍ و منجاه=ولو ما الغلا ما كان قلبي قساوي
هَدّي جموحك ،عيني الذنب عنّاه=يكفي ترى مليت منك الشكاوي
رجلي عَنَا من طول الأسفار ماطاه=وش له تزيدين المسافر عناوي
يا نفس باكر نحصد اللي زرعناه=صبرك معي،باكر تزين الغناوي
لا تشْتِريْ الدنيا لو الحسْن غطَّاه=نعيمها لو طال فاني و ضاوي
شِدّي عن أرضٍ ريحة الهم تملاه=خلينا بأرض السعد نسكن و ناوي
وش لك بدنيا الياس و (الحي) دنياه=فيها الرجا معَ القلوب متخاوي
لا تغترب يا نفس رجلي بممشاه=درب السعادة بيّنٍ و متساوي
خَلّي دروبٍ ضيعت رجل من جاه=عوجٍ و ماشيها غريبٍ خلاوي
يا ربْ قلبي حمل الأيام خاواه=جيتك وأنا قلبي بحمله شقاوي
جيتك و نفسي تطلب بقربك دواه=وأنا أشهد إنك للنفوس المداوي [/poem]
رد مع اقتباس
مشرف مضيف الترحيب والتعارف
المفضلات