السلام عليكم ورحمت الله وبركاته
اخواني الأنسان احيانا يبلا في مصائب ولو كانت من فعل يده؛
فهناك مرأة في القديم شكلت علاقه مع واحد اسمه عمار؛وعمار هذا
من نمونة الذئاب المجوده في وقتنا الحاضر ؛اللذين يلعبون
بعقول البنات؛ مالكم بطويله؛عمار عشم البنت بالزواج وقال ؛انا
باكر ابي اجيكم بالبيت علشان اخطبك من ابوك؛فرحت البنيه وقالت
هذا الي يستاهل غلاي له؛و واعده باليل يتلاقون ؛فكرة وقالت هذا
يبي يخطبن باكر ؛ووقعت بالشرك؛تقابلوا وصار الي مايرضاه الله ولا
خلقه وحملت البنت وطبعا قام يتهجج عنها وبلشت؛وراحت يم عجوز
بالعرب وشرحت وضعه لهل ؛قالت العجوز القهوه عند ابوك اليوم
؛اذا اجتمعوا الرجال شوفي الرجال الي قليل كلامه واذاحكى ما
يلتفت وهو نحيف طويل شوفي وين يروح واتبعيه واشرحيله حالتك
راحت البنت ولقت الرجال وعلمته بالقصه وقال روحي يم بيت اهلك
ومن بكرى جاء وخطب البنت وجوزوه ؛ولم ينام معها في الفراش؛
طبعا عمار لم يترك الرجال بحاله قام يسمعه ويمش قدامه ويقول
الي وطيت اثري أول تآطاه تالي ؛زعل الرجل زوج البنت وذبح عمار
وجلا عن الديره كله؛ البنت انجبت ولد من عمار؛ ويوم بلغ عشر
سنين الولد وزوجه الي جلا مازال جالي؛وشافت ان المدة الي غابها
الزوج قربت تنتهي وهو محري؛ وش سوت امه قامت ارسلت ولدها من
عمار يم اهل عمار ؛ وقالت له رح اسق البعارين وان جاك احد
يمنعك قل والله الا نسقي ونشرب وعين عمار بالنار والولد هذا عند
العرب انه ولد الي جلا ؛راح الولد كان اليوم الي راحبه لأهل
عمار وهم بينهم دم ؛ج الولد يبي يسقي وردوه وقال والله لأسقي
وعين عمار بالنار وقامو وذبحوه وجلو عن الديره كله وجاء زوجه
الي كان جالي ؛وخلصت زوجه الوفي من دم عماربولد عمار؛؛؛؛؛؛
وانتهت القصه لعلها تحوز علي رضاكم واستحسانكم
رد مع اقتباس
المفضلات