نعم .. للكامري

[أبو مقرن]

قالت أفا ( ياصيـل ) يالقـرم وشجـاك؟!
ماتسمع اللي يقْصد ،، ويحْمسـن حمـس

والله يـلـولا خــوّت الــدرب ويــاك
أحلـف يميـن إنـك فـلا تلمسـن لمـس

ياشَيـن ...خلـك شاعـرن مثـل بــراك
يمـدح مـن الفكسـار للجيـب للجمـس

قلت العفو .. وش جابتس إنتـي لـذولاك
للكامـري توقيعـي .. وبصمـة الخمـس

يانجمـة(ن) تاظـي علـى كـل الأفــلاك
كـل الكواكـب مشيهـا يتبـع الشـمـس

فـازت علـى صنعـة كلنتـون وشيـراك
باقي المواتـر بالوطـى تنرمـس رمـس

سته سلندر .. جيـر أرضـي .. وايربـاك
وبلوفها ... صـوت العشيقيـن بالهمـس

كشنـه أوتوماتيـك ( قـدام) ( والبـاك )
كـل المواتـر غيرهـا تنطمـس طمـس

دقّـه عجيـبـه بالـزرايـر والاســلاك
ومسجله ( سي دي ) مع ( التتش ) باللمس

يجحـد فعولتـس كـل حاسـد وشـكـاك
لاشـاف زول الكامـري ينعمـس عمـس

ماهمـهـا دربــن تغطـيـه الأشــواك
ولا روّعـه فــز الجرابـيـع والنـمـس

ياموتـري لـك ملبـس الـعـز يـزهـاك
دور الجموس أقفـى زمانـه مـن الأمـس

حجمه صغيرن مثـل حـر(ن) ليـا جـاك
والنسر مع حجمتس مـن الرُبـع للخُمـس

قالت : كفـى ياصيـل ... نفـداك نفـداك
قلـت الأصيـل بحبكـم منغمـس غمـس

8

[align=center]8
8
الأصيل صح لسانك...
ياشيخ لو يدرون بعض عشاق الكامري ألا يكتبون هالأبيات على كبوت السيارة..واللي ماياخذهن الكبوت تلقاه على الستااااره..
ومكتوب تحتهن يعيش الأصيل
يا..........يعيش:480r:
يااااا...يعيش:480r:
***
تحياتي..ياملك الإبداع في الفلة..وسيد الروعة في المضايف عموما.

***
**
*
دمت وداااااااااااااااام بقائك..[/align]

[الأصيل]

[align=center]أبو مقرن


بها الحاله

نبي لنا واحد يلحن القصيده

ونبي تسم واحد من الزقرت يشدون بحناجرهم

ونطبع لنا خمستالاف نسخه

ونوزعهن على أهل الجموس






وتحيه لثنائك العطر

الممزوج بروح الأخوة الصادقة[/align]

[بو رائد]

كم لي من النسبه ياالبناخي واصير موزع لك بالشرقيه
واعرف لي ملحنن حساوي جيد علمن بسرعه لايلطشون
الفكره منا بعض الربع

[المطنوخ]

[align=center]

ياطووووووووووول ردك

أبو زبون .. عسى ماتكلفت بالرد

تسان مخلي الرد على حلقتين ...........

شين وقوي عين

اقول احمد ربك ان العراب نطق بهالكليمتين

ابوزبون يقولك ليعمك السلام ولتحل عليك البركات[/align]

[هايس الشمري]

[align=center]الاصيل


صح لسانك


و تسلم على انصافك للكامري [/align]

[الـمـحـروووم]

[align=center]أبوثوب


ألف شكر على القصيدة
وترى سيارتي كامري
ويوم علمته بالقصيده قالت لازم نسير على الأصيل ونشكره
قلتالأصيل بعيد عنا ويبي له مشوار
قالت أفاأنا ماني كفو مشاوير
قلت إلا قدها وقدود ماتقصرين
قالت أجل لزوم نسير على الأصيل[/align]

[احمد الهاجرى]

[align=center]صح السانك اخوي على هذه الا بيات الطيبه


وشجعتني لا ن عندي كامري موديل قديم


كان ناوي ابيعها ولكن بعد هالقصيده هونت[/align]

[نبض روح]

[[align=center]QUOTE=الأصيل][align=center]يافضيحتنا بين العربان

أنا طول هالمده أكتب :

مشكور أخي نبض روح


وطلعت بنت ........


السمووووووووحه[/align][/QUOTE]



اصيلان


صبااااااح الخير ياعم


لي أكثر من سنه

وهالحين تعرف ؟


الحمدالله والشكر بس



اسااااامح بشرط


تكتب قصيدة هجاء فى نطول وابو العناكب (شبث)


>> انواع اللعانه


والا ترى انواع السخط ينزل عليك [/align]

[المطنوخ]

[align=center]

اسااااامح بشرط


تكتب قصيدة هجاء فى نطول وابو العناكب (شبث)


>> انواع اللعانه

الاصيل .........ابو ثوب

فكنا من نبض الروح

ولك اربع حريم من اللي انا جايبهن[/align]

[نبض روح]

[align=center]




ياااالله صباااااح خير

قال ايش حدك يالبصله قالت السكين


المطنوخ انت هالحين ايش دخلك ؟؟؟


ان اكلم اخوي الأستاذ العقيد الركن اللواء والعميد طياروه اصيلان


لو سمحت لا تتدخل وتسمم أفكاره


ولو تبي الفكه مني


جهز العشاء [/align]