السلام عليكم ورحمة الله وبركاته
قبل لا اكتب القصيده ابي اعطي مقدمه عنها والموقف اللي شدني من الامير بدر بن فيصل السويط انه فيه اثنين من اللي سقطوا بالانتخابات راحوا للأمير بدر السويط وقالوا له اطعن بالانتخابات لانك اقرب واحد للفوز من مقعد الحربي واللي قالوا لبدر هو سلطان العادي المطيري والحبلاني وكلهم سقطوا ورد عليهم الامير بدر وقالهم يكفينا ان اثنين من الظفير صاروا بالمجلس ولو طعنت واعادوا الانتخابات يمكن مايصير ولا ظفيري بالمجلس اعجبتني مقوله الامير بدر السويط وقلت القصيده هذي فيه واتمنى انها تعجبكم ياشمر .
سلام من صافي الضماير اوديه
لأهل البويت وخاصه طير حوران
بدر السويط اللي سعد من يخاويه
ماراح للشينه ولاجاه ما شان
روس النشامى والاجاويد يكفيه
من كل قبيله مجلسه دوم مليان
خابت ظنون اللي سعى في معاديه
"سطان ربعه" لو خسر ظل "سلطان"
وانا وربعي والزحازيح نفديه
عيال عمي فدوته عيال (..........)
ترى الزمن هالحين عكس نواحيه
ماهي على ماقيل سيف(ن)وميدان
شف الردي هالحين تسمع طواريه
يفزع على شيل الورق بس يافلان
لو هي على الدم الحمر والمكاريه
مبطي يجيبه لك من الناس شجعان
والصيت يبقى بالعرب له مجاريه
مارد صيتك قول كذب(ن) وبهتان
مجرى شعاع الشمس محد يغبيه
كل عرف مقدار نفسه وله بان
يكفي نقول امير ربعه ويكفيه
له تابع تلقاه في كل الاوطان
نجم الثريا ماقدر من يدنيه
ومحد ينزل قدر من قدرهم شان
واختم قصيدي وصالح الناس يوحيه
وخير الكلام اللي اليا قل قد بان
وسلامتكم
رد مع اقتباس
المفضلات