[poem=font="Simplified Arabic,6,black,normal,normal" bkcolor="transparent" bkimage="backgrounds/18.gif" border="none,4,white" type=1 line=0 align=center use=ex num="0,black"]
بسم الله الرحمن الرحيم
((صلو على النبي))
ياوجودي وجد من شوفه خمـد=
واستوى ليله ويومه فـي ظـلام
وياوجودي وجد مـن ودّع ولـد=
في رجا نفعه وطال بـه المقـام
وياوجودي وجد وجد بعد وجـد=
وجد مرضان وطال به السقـام
وجد من دلاّ اخوانه فـي اللحـد=
حالف يبكي لهم عشريـن عـام
وجد مشتاق وطال بـه السهـد=
راح ليله فـي مناجـاة الغـرام
وجد من سافر وغـرّب وابتعـد=
وطال به ممشاه في برد وعتـام
ياوجودي ليـه خانـت بالعهـد=
عقب صافي الود لقتنـي الهيـام
ياوجودي كـل يـوم فـي نكـد=
والسبب ظلـم الليالـي والمـلام
أقضي ايامي على صبر وجلـد=
وارجي اللي له عيـون ماتنـام
يالله المعبـود يالواحـد الاحـد=
ياعظيم الشان ياعالـي المقـام
طالبـك يالله تعجـل بالسـعـد=
عجّل بلطفك قبل تبـلا العظـام
مايصبر الآدمـي غيـر الوعـد=
ولايبيـن الخافـي الا بالكـلام
أشهد ان المـوت حـلال العقـد=
لا حضر موتي على الدنيا السلام
وسلامتكم
فيصل بن محمد(رماد الشوق)[/poem]
رد مع اقتباس
المفضلات