الصالي والصيلوان وجها لوجه

**الشبث** · 25-09-2004 02:17

[align=center]قبل كم سنه اقيمة مباراه في كرة القدم بين فريقين

متعاديين والكل منهم يعتبر الاخر عدوه الدود

ويعود سبب العداء الى مباراه قديمه بينهم وتخانقوا

وتفالقوا به

وهالفريقين هم الصالي والصيلوان

ويدرب الفريق الاول المدرب شري الطباع ابو غازي

اما الفريق الثاني فيدربه راعي الوقيد وهذا بعد مهو قليل شر

الوكاد تواعدوا يوم الخميس عقب صلاة المغرب تبداء المباراة

وينتهي الشوط الاول مع العشاء ويبداء الثاني عقبه بثلاث دقايق

وينتهي الساعه وحده باليل

ويوم جاء يوم المباراة وهم يحضرون للملعب كلن متقلدن قناتوه

ونزلوا للملعب يتمغطون

وكان من ابرز نجوم فريق الصالي ( اللي يدربوه ابو غازي )

مفتاح اربعطعش حارس المرمر ذيخ يالله يدخل مع الباب

واخو سعدى لاعب الوسط الفنان وكانو يلقبونوه المبروم

لانوه يبرم الكوره ( يعكفه للقول )

والاصيل قلب الدفاع وشعاروه اذا عدا ابو الشباب الله يرحموه

والمهاجم الشبث ويسمونوه المرتعد لانوه يروغ بالكوره ( تسن عندي مهاره )

اما فريق الصيلوان ( اللي يدربوه راعي الوقيد )

فكان من نجومهم ابو مقرن حارس المرمر ( طواااايل يالله تقطع على خشتوه )

والمخاوي الظهير المنصلق ( لانوه يصلقه على القول وهو طاير )

وشنقل المهاجم الموذي وكانوا يلقبونوه بالسلايقي نسبة لسرعتوه بالهجمه المرتده

وبدة المباراه عقب صلاة المغرب وسط حضور جماهيري مناكثروه

وقد لفت انتباه الحضور وضع اللاعبين عصابه على روسهم

وذلك تضامنن مع خوياهم اللي تفلقوا بالمباراة الشهيره وصارلهم عاهه مستديمه

واول هجمه يقوده شنقل السلايقي ويعدي من الاول والثاني ويقطه ورا الباقين

ويدعس ويواجه الحارس ابو اربعطعش اللي يجي يمش طبلونوه ويندف شنقل بالتسبد

ليمار شنقل طايرن من امس ويصايحون خوياوه يبون فاول بس عيوا خويا ابو غازي

وتستمر المباراة كر وفر هجمه هنا واخرى هناك

ليما قرب اذان العشاء ( حدا شهود العيان يقول انوه شاف المذن رايح للمسجد يبي يذن )

وهو ينطلق السلايقي شنقل مع الجناح من كوره تبادله مع الظهير المخاوي

ويعكفه يم القول ويواجه الحارس ابو اربعطعش نوبتن اخرى ويحطه

كبري وهي تروح للقول اول هدف بالمباراة وهو يزعل ابو اربعطعش وهو يلمخ شنقل طراق يفارن

خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه

ويتجمعون الفريق كلهم ويتسالمون ويتعازمون .

وينتهي الشوط الاول بهالنتيجه

ويبداء الشوط الثاني عقب ثلاث دقايق عقب ماتسمعوا لتوجيهات وتحريشات المدربين

وكلوا بعض النفيش وشربوا بعض الببسي

واول هجمه يقوده اخو سعدى ويواجه الظهير المنصلق المخاوي ويحاول يعدي منوه وهو يكسروه

وياخذ الكوره ويلعبه لشنقل ويدز هذا وهو يلحقوه الاصيل ويزموه فوق ويضربوه وياخذ الكوره

( طبعا الاصيل استغل الظلام ومحد يشوفوه ) وشنقل غدالوه صياح

ويعطيه الاصيل لاخو سعدى اللي يبرمه للقول وتصفق ابو مقرن بالفره ( ساهي مهو يمه )

مار جتوه سلامه طلعة الكوره برا

ويوم قربت المباراه من اخره ( حدود الساعة وحده الا خمس دقايق )

وهو ينفرد الشبث بالقول ويعدي من الحارس وهو يجي يبي يتفنن وهو يصفق بالقده

( المسيكين شوفوه تسعابشي ولا يقطع على القده )

وهم يرجعون الصالي كلهم يدافعون

وباخر دقيقه ينفرد الشبث من نص الملعب

وهو يقوم ابو غازي يصايح شبيثان والله لو تضيعه لادق خشتك دق

وراعي الوقيد يصايح من قبلوه على خوياوه يقول الحقوه اكسروه اطرحوه طرح

ويم تواجه الشبث مع ابو مقرن وهو يرتبك المسيكين من اللي يسمع

ويلحقونوه الدفاع و يتسفت عليه الحارس ابو مقرن عاضن شليلوه

ويزمونوه فوق ويضربون بوه وهو يعضوه شنقل مع رجلوه

وابو مقرن غايلوه والفريق كلهم يردونوه

وهو يتسفت اخو سعدى ويسجل الكوره بالقول الفاضي

والحارس وخوياوه لاهين بالمسيكين يردونوه

وهم يقومون المدربين ينخون خوياهم على الشر

وهي تغديلك حوسه وتنتهي هالمباراة بكارثه انسانيه اصيب فيها من اصيب

ونجا فيها من ( انكتب لوه عمرن جديد )

ملاحظه/هذه القصه فكرة الاخ راعي الوقيد وانا ماسويت فيها الا الشي القليل

وقد رفض ان اكتب انها فكرته لولا اني غدرت بوه علشان الشباب اللي عندهم

قصص حلوه ينزلونه عن طريق اخوانهم الباقين ( مافيها شي ) والحقوق محفوظه بس لاتحرمونا

ابداعاتكم . واخونا راعي الوقيد كل يوم يعلمنا شي جديد فالله يخليه لنا.

وتقلدوا تحيتي[/align]

**راعي الوقيد** · 25-09-2004 02:55

[align=center]شيمتاااان

شبيثاااان

لا قبول هذا خروق عن النص الاصلي

خابرن الدعوى فوز لفريقنا وش اللي اودعه تعادل

وإلا هااااارمـــــك ابو غاازي

تدري عاااااد شلون

ما اقول إلا تسلم والله ياالشبث على هالسيناريو

وربــي إنـــــك ابدعت

والفكرهـ ياشباب اللي قلت له :
فريقين يلعبون كورهـ والوقت تالي الليل ويحصل به بعض الأحداث الدراماتيكية << يوسف شاهين على غفلة
وبس هذي هي
وفكرة الموضوع من أحداث حقيقية وصارت والله يالربع

لكن شبيثان حكرهـ ازين من الأصــــــل

يعطيــــــك العافيـــة اخوي والهدف الرئيــس هــو فتح الباب على مصراعيه لتبادل الآراء والأفكار فيما بين الأعضاء وليــــس هناك من اهداف سواء ظاهــرة او باطنـــــة

سـلامـــــــي على شبثّنا ولاتهونــون ...[/align]

**ابو غازي** · 25-09-2004 03:54

[align=center][align=center]

شبيثاااان لله درك يافيلسوووف فلة حجاااااااااج [/align]

راعي الوقيد .... الكاتب المخضرم
لاتحرمنا قلمك النير بارك الله فيك
حنا ننتظر الجزء الثاني الثنائي بينك وبينك الكاتب الفيلسوووف البارز شبيثان
ننتظر على أحر من الجمر

اخونا الشبث
هل تعلم إنني عند إطلاعي على المشاركة لم إستطع الرد من الضحك أضحك الله سنك
سيناريو محبوووك 100 / 100
لاتحرمونا إبداعاتكم بارك الله فيكم

اقتباس:
وهي تروح للقول اول هدف بالمباراة وهو يزعل ابو اربعطعش وهو يلمخ شنقل طراق يفارن

خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه

ويتجمعون الفريق كلهم ويتسالمون ويتعازمون .

ههههههههههههههه عقب هالطراق صارت سلام وعزايم..ايه الله يديم المحبّه

[/align]

**مفتاح14** · 25-09-2004 05:27

[align=center]

والاصيل قلب الدفاع وشعاروه اذا عدا ابو الشباب الله يرحموه
والمهاجم الشبث ويسمونوه المرتعد لانوه يروغ بالكوره ( تسن عندي مهاره )

والمخاوي الظهير المنصلق ( لانوه يصلقه على القول وهو طاير )

امّا المنصلق ههههههه تذكرت واحدن مسمينه المنصلدز.. اذا نطحك يمشي يمار تقل منصلدزن من له راس جبل

وبدة المباراه عقب صلاة المغرب وسط حضور جماهيري مناكثروه

وقد لفت انتباه الحضور وضع اللاعبين عصابه على روسهم
وذلك تضامنن مع خوياهم اللي تفلقوا بالمباراة الشهيره وصارلهم عاهه مستديمه

هههههههههه امحق تضامن هههههههههههههه

ليما قرب اذان العشاء ( حدا شهود العيان يقول انوه شاف المذن رايح للمسجد يبي يذن )

بالله فيه أمل تصير مراسل اخباري ؟ ههههههههههه

وهي تروح للقول اول هدف بالمباراة وهو يزعل ابو اربعطعش وهو يلمخ شنقل طراق يفارن

خشتوه وهو يراعيلوه شنقل وهو يمد لسانوه عليه ويركض لمدربوه راعي الوقيد ويخموه

ويتجمعون الفريق كلهم ويتسالمون ويتعازمون .

ههههههههههههههه عقب هالطراق صارت سلام وعزايم..ايه الله يديم المحبّه

ويبداء الشوط الثاني عقب ثلاث دقايق عقب ماتسمعوا لتوجيهات وتحريشات المدربين
وكلوا بعض النفيش وشربوا بعض الببسي

هههههههههه يسمعون بالفيتامينات ههههههههههههههههه

وياخذ الكوره ويلعبه لشنقل ويدز هذا وهو يلحقوه الاصيل ويزموه فوق ويضربوه وياخذ الكوره

( طبعا الاصيل استغل الظلام ومحد يشوفوه ) وشنقل غدالوه صياح

هههههههههه بعذروه لو صاح هذا يسمّونوه صياح القهر

<<- يرقّع لشنقل

ويلحقونوه الدفاع و يتسفت عليه الحارس ابو مقرن عاضن شليلوه
ويزمونوه فوق ويضربون بوه وهو يعضوه شنقل مع رجلوه

وابو مقرن غايلوه والفريق كلهم يردونوه

وهو يتسفت اخو سعدى ويسجل الكوره بالقول الفاضي

والحارس وخوياوه لاهين بالمسيكين يردونوه

وهم يقومون المدربين ينخون خوياهم على الشر

وهي تغديلك حوسه وتنتهي هالمباراة بكارثه انسانيه اصيب فيها من اصيب

ونجا فيها من ( انكتب لوه عمرن جديد )

الشبث.. انت متاكد انه كرة قدم؟؟

ملاحظه/هذه القصه فكرة الاخ راعي الوقيد وانا ماسويت فيها الا الشي القليل

وقد رفض ان اكتب انها فكرته لولا اني غدرت بوه علشان الشباب اللي عندهم

قصص حلوه ينزلونه عن طريق اخوانهم الباقين ( مافيها شي ) والحقوق محفوظه بس لاتحرمونا

ابداعاتكم . واخونا راعي الوقيد كل يوم يعلمنا شي جديد فالله يخليه لنا.

شي حلوووو ان راعي الوقيد يلمخك بكم فكره <<- متأثر بمجريات المباراة هههههههه

بس ودنا لو ان راعي الوقيد يلمخنا حنا بعد بكم موضوع دام انه راعي سوالف وماهو خالين من قراده

يعطيكم الف عافيه
.
.
.
الشبث..(اليوم ياقف عنده العلم)..وبكرا....................

مع اجمل تحيه[/align]

**الشبث** · 25-09-2004 14:17

[align=center]راعي الوقيد

لاتقوم تزود من عندك عاد

الفكره فكرتك

واذا فيها جمال فهو منك

اما اذا فيها نواقص فهو من اللي كتبها

تسلم ياطويل العمر على اخلاقك العاليه

وترن حاجزن افكارك الجايه باللي هي بوه

وتقلد تحيتي[/align]

**الشبث** · 25-09-2004 14:21

[align=center]

ابي أحجز المكان

ابو غازي

وش عقبوه المكان طااار عليك

ههههههههههه

وانا ابيك توسطلي بمويضيع بس مهو هالحين

اعلمك بعدين

وتقلد تحيتي[/align]

**الشبث** · 25-09-2004 14:24

[align=center]

شي حلوووو ان راعي الوقيد يلمخك بكم فكره <<- متأثر بمجريات المباراة هههههههه

بس ودنا لو ان راعي الوقيد يلمخنا حنا بعد بكم موضوع دام انه راعي سوالف وماهو خالين من قراده

يعطيكم الف عافيه
.
.
.
الشبث..(اليوم ياقف عنده العلم)..وبكرا....................

مع اجمل تحيه

هلا بمشرفنا الغالي

والله ياطويل العمر راعي الوقيد هذا هو عندك حاتسوه

انا عجست عنوه

وتبي الصحيح ودي مايكتب علشان يعطيني من هالمواضيع

الله يستر من باتسر

وتقلد تحيتي[/align]

**الشبث** · 25-09-2004 14:30

[align=center]الى ذويبان

اخوي العزيز ذيب شراف

استميحك عذرا لان اسمك ماجاء في هالموضوع

ووالله العظيم ان اسمك على بالي بس مادري وشلون نسيتوه

ولكن اوعدك في المرات القادمه يكون اسمك في كل المواضيع

ويكون في علمك اني حتى لو ماكتبت اسمك تكون عزيز وغالي

ولك قدر عظيم عندي

وانا هالحين اكتب الشخصيات في المواضيع من اللي يشاركون معنا

بالفلة وانت من اميز الاعضاء بالفلة

ولكن اخوي الغالي وش تقول عن اخوك اللي بايه ولا يفتهم

وصدقني لو منت غالي تسان ماكتبت لك هالاعتذار

وتقلد تحيتي[/align]