في إحدى زيارات الشيخ راكان بن حثلين شيخ قبيلة العجمان الى حائل إلتقى بالامير محمد عبدالله الرشيد ( المهاد ) وكان وقت الزياره بعد إنتهاء الحرب التي كانت بين الامير محمد الرشيد ومعه أهل حائل وشمر وبين قبيله عتيبه ومعهم محمد بن سعود ( غزالان ) المهم قال الشيخ راكان هالقصيده :
ياعبيد يوم إن القمر مابعد غاب والليل ّطرف وأدمسن النجومي
قم سو فنجال على الريق ينذاب لشوارب اللي ينطحون العلومي
في دلةٍ تبرى خوى كل شراب وُتعبى لسمحين الوجيه القرومي
ياعبيد همّك خاثر البن لاراب إتعب على الفنجال الاشقر لزومي
وانا أطلب اللي سايله مابعد خاب اللي له التدبير في كل يومي
اللي عن السيء ماصك له باب ياراحم إرحم حال من لايدومي
والحمد لله والثنآ حظنا طاب من يوم زانت من عنان العزومي
فرز الوغى سقم الِعدآ عز الاصحاب بدٍر ِتجلت من سناه الغيومي
والله لا الحاضر ولا اللي بالأصلاب مثله ظهر بالناس لمّه لمومي
حرٍ سنا عينه تقل لون مشهاب لاهَدْ مايكسر جناحه بحومي
لاَهدْ ِمنّه جملة الناس هرّاب واللي ينوش بصايده مايقومي
جيته بلا علمٍ من الراس وكتاب وشاهدت وجهه وإنجلنّ الهمومي
وسّيرت يمّه بالرضا بين الاصحاب وانا أحمد الله والثنا طاب نومي
من يوم زانت من مهدّين الأصعاب ضياغم ياطون من فيه زومي
رد مع اقتباس
المفضلات